اشعار مخصوص ماه مبارک رمضان

مرتب سازی براساس

شعر ترکی ماه رمضان -(بار الهی لطف قیل توفیق طاعت وئر منه) * علی شهودی

531
1

شعر ترکی ماه رمضان -(بار الهی لطف قیل توفیق طاعت وئر منه) بار الهی لطف قیل توفیق طاعت وئر منه
سایۀ لطفونده تشریف اقامت وئر منه

نفس سرکش ایستییر ائتسین منی یارب هلاک
نفسی مغلوب ائتمگه بیر قوت و قوّت وئر منه

قیل ترحّم اولماییم رحمت آییندان بی نصیب
بو صفالی آیدا توفیق عبادت وئر منه

چشمه سار معرفتدن قلبیمی سرشار قیل
معصیت لردن بری ائت صدق نیت وئر منه

کعبۀ کوینده یارب ائت منی ثابت قدم
وادی سلم و رضا ده استقامت وئر منه

زهر قیل کامیمدا آلسام غیر الیندن شهد ناب
اوز زلال رحمتوندن بیر حلاوت وئر منه

باش اگم قیلما روا اغیاره بیر دم دهرده
طبعیمی سرشار قیل یارب مناعت وئر منه

سرد قیل نفسین اودون ای ناری گلزار ایلیین
گرم قیل عشق آتشین شور حرارت وئر منه

گلدی

  • چهارشنبه
  • 18
  • اردیبهشت
  • 1398
  • ساعت
  • 15:13
  • نوشته شده توسط
  • ابوالفضل عابدی پور
ادامه مطلب
خرید انواع پرچم های مذهبی در جنس های مختلف

شعر مناجات ماه رمضان -(او قدر ایلمیشم عمریده خطا یارب) * محمد هوشمند

484
2

شعر مناجات ماه رمضان -(او قدر ایلمیشم عمریده خطا یارب) او قدر ایلمیشم عمریده خطا یارب
اورک سوزون دئماقا ایلیرم حیا یارب

هوای نفس منیم روحیمی اسیر ائلیوب
همیشه ایلمیشم نفسیمه جفا یارب

نه چاره واردی اگر شامل اولماسا حالیما
بو آیدا مغفرت و رحمت و عطا یارب

شفیع درگهیوه اهلبیت و قرآنی
گتیرمیشم ائدیرم سندن التجا یارب

منیم گناهیم آغیردی ولیک آگاهم
که لطف و رحمتیوه یوخدی انتها یارب

سنی قسم وئریرم مرتضایه دوت الیمی
شکسته قلبیمه وئر رونق و صفا یارب

امیدیله بو گئجه گلمیشم سنین قاپوا
که بلکه سن ائده سن دردیمه دوا یارب

قرا یوزیله سنین درگهینده من قوناقام
عنایت ایله اولا حاجتیم روا یارب

نقدرعیبیمه لطفیله پرده چکدین سن
باغیشلا بو گئجه لطفیله هکذا یارب

ب

  • چهارشنبه
  • 18
  • اردیبهشت
  • 1398
  • ساعت
  • 15:24
  • نوشته شده توسط
  • ابوالفضل عابدی پور
ادامه مطلب
 محمدرضا صادقی

فرا رسیدن ماه مبارک رمضان -(السلام ای ماه حق ماه عبادت السلام) * محمدرضا صادقی

84

فرا رسیدن ماه مبارک رمضان -(السلام ای ماه حق ماه عبادت السلام) السلام ای ماه حق ماه عبادت السلام
السلام ای ماه عزت ماه رحمت السلام

حق سنی مختص ائدوب آیلار ایچینده ذاتینه
رحمتون نازل ائدر بو آیدا مخلوقاتینه
نامه اعمالی پاک ایلر قسم آیاتینه
چوخ گنهکاره اولار حقدن عنایت السلام

سنده نازل ایلیَر قرآنی حی کردگار
سفرهء احسانینی بیر آی آچار پروردگار
کیمسه دعوت اولسا بو احسانه ایلر افتخار
چون نه سن تک آی اولار نه بیر ضیافت السلام

سنده بیر آیه تلاوت ختم قرآن اجری وار
سنده بذل وبخششین مینلرجه احسان اجری وار
قویسا حرمت کیم سنه بولسون که رضوان اجری وار
روز محشرده آلار حقدن شفاعت السلام

آیلارون ایچره سنی حق ایلیوبدور محترم
شانیوی درک ایلسه بیر کیمسه ، حی ذوالکرم
شامل ایلر حالینه اوز رحمتوندن لاجرم
چون قوناقه میزبان ایلر محبت السلام

رتبه ده والادی هر آیدان جلال و حرمتین
عرشیدن نازل اولار بو آیدا چون روح الامین
گلمیوب گلمز سنون تک محترم بیر آی یقین
کیمسه بولمور سنده واردور نه جلالت السلام

وار مگر سنده نه شان و نه جلال و نه مقام
لیله القدرون دَیَر مین آیه ای ماه صیام
مطلع فجره کیمی نازل اولار حقدن سلام
ذات حق وئرمیش سنه عزّ و شرافت السلام

بیر گجه غم یوز ویرر اما رسول اطهره
تسلیت دیلده ملائک یوز دوتار پیغمبره
صبح وقتینده دگر خنجر یاراسی حیدره
سس دوشر سیندی بوگون رکن عدالت السلام

باشینه خنجر وورار مسجدده اشقی الاشقیا
فُزتُ ربَّ الکعبه سسلر سجده ده شاه ولا
محضر پرودگاری درک ائدر باشدا یارا
سجده ده آخر تاپار فیض شهادت السلام

یاخشی فرصتدور اجل درک ائتممیش « شیدا » سنی
ماه رحمتدور دئنن عفو ایله یارب سن منی
چون سوور درگاهینه عجز ایلین بیر بنده نی
دیلده اِغفِر ، گوزده یاش ، گوستر ارادت السلام

  • شنبه
  • 6
  • دی
  • 1399
  • ساعت
  • 20:12
  • نوشته شده توسط
  • یوسف اکبری
ادامه مطلب

اشعارمناجاتی ماه رمضان به زبان ترکی،(گینه گلدی رمضان هامی مسلمان اولاجاق) *

8722
13

اشعارمناجاتی ماه رمضان به زبان ترکی،(گینه گلدی رمضان هامی مسلمان اولاجاق) گینه گلدی رمضان هامی مسلمان اولاجاق
دین اسلام اوجالوب خلق نماز خوان اولاجاق
گله جق غیرتده فاسق ، اولاجاق اهل تمیز
ایتدیقی معصیته جمـــــــله پشیمــان اولاجا ق

بیر محرمده چخوب شاهقلی بو مسجد دن
بیر ده بو آیده گلــــوب داخـل ایوان اولاجا ق
روزه سین میل ایلینلر چیخاجاقلار سفـره
ایله بیر هاموسی زوار خـــراسان اولاجا ق
او آداملار که ایدوب میلته چوخ جور وستم
هاموسی بیر گئجه ده قاری قرآن اولاجا ق
هیچ گناه اولماسا بسدور بیزه بو صوم وصلاه
قبر ایچینده بیزه او حائیل سوزان اولاجاق

ترجمه فارسی:

رمضان آمد
ماه رمضان آمد و همه مسلمان خواهند شد
دین اسلام بلند مرتبه شده و همه نماز خوان خواهند شد
فاسق غیرتمند

  • یکشنبه
  • 25
  • تیر
  • 1391
  • ساعت
  • 17:08
  • نوشته شده توسط
  • علی
ادامه مطلب
استاد حسین غفاری اردبیلی

مناجات با خدا در ماه مبارک رمضان -(ای نگار بزم وحدت دیده گریان گلمیشم) *استاد حسین غفاری اردبیلی

119

مناجات با خدا در ماه مبارک رمضان -(ای نگار بزم وحدت دیده گریان گلمیشم) ای نگار بزم وحدت دیده گریان گلمیشم
ماه غفراندور گناهیمدن پشیمان گلمیشم

چوخ چتین گونلر کئچوب سنسیز بو یورقون بنده وه
پشت سرده قویموشام وحشتلی طوفان گلمیشم

سن وئرن پاکیزه روحی ئولدوروب دفن ائتمیشم
دست خالی ٬ ورشکسته٬ غرق عصیان گلمیشم

گورمیشم ئوز چهره می آیینه ی عرفانیده
قورخمیشام وحشتلی چهره مدن هراسان گلمیشم

یا رجاء الخائفین من ئوز الیمدن قاچمیشام
سیندیروبدور نور قرآن قفل زندان گلمیشم

حرمت مهمانی واجب ایلیوبسن سن ئوزون
الده دعوتنامه بزم عشقه مهمان گلمیشم

قانی قانیلن یومازلار عفو ائله اغماض ائله
فکر ائله نادانلیقیمدان ایلیوب قان گلمیشم

خالصانه ٬ عاشقانه٬ بی ریا٬ ثابت قدم
چکمیشم روح نفاقه خط بطلان گلمیشم

ئولم اما وئرمرم الدن سنون دامانوی
محضر جانانیمه الده دوتوب جان گلمیشم

وئر سر وسامان پریشان قلبیمی آباد ائله
منزل معمار عشقه نابسامان گلمیشم

شکر اولا ایتمیشدیم اما عاقبت تاپدیم یولی
جذبه ی عشقون چکوب افتان وخیزان گلمیشم

گلمیشم شاید غلط سوزدور ئوزون گتدون منی
نابجادور محضرونده اولسا عنوان گلمیشم

چونکه سن غفارسن لطف ایلدون « غفاریه»
شوقیدن درگاه حقه اشک ریزان گلمیشم

  • جمعه
  • 7
  • آذر
  • 1399
  • ساعت
  • 19:58
  • نوشته شده توسط
  • یوسف اکبری
ادامه مطلب
 زعفر آزادمهر شیخ درآبادی

زینت سفره رمضان -(رسمدور سفره آچان سفره نی تزئین ائلیور) * زعفر آزادمهر شیخ درآبادی

61

زینت سفره رمضان -(رسمدور سفره آچان سفره نی تزئین ائلیور) رسمدور سفره آچان سفره نی تزئین ائلیور
هر طرفدن ولی چوخ اورتانی خوش چین ائلیور

چون قوناقلیق آیی دور رسم ضیافتله خدا
اوزی مهمانلیقینن سفره سین آذین ائلیور

بو آیون سفره سینه دقتیله باخسون اگر
وسط سفره نی بیر غنچه دی رنگین ائلیور

اوگُلین آدی حسن خَلقی حسن خُلقی حسن
اونین اخلاقینی الله بیزه تلقین ائلیور

بو کرامات آینون راز کراماتی اودور
آج سوسوز لاری اونین صبریدی تسکین ائلیور

"زعفرا"چنگ وفا وورسون حسن دامنینه
سنی دلسوخته ی مذهب و آیین ائلیور

  • جمعه
  • 28
  • آذر
  • 1399
  • ساعت
  • 21:15
  • نوشته شده توسط
  • یوسف اکبری
ادامه مطلب
 زعفر آزادمهر شیخ درآبادی

وداع با رمضان -(ای دل اروشلیغین آیون اتمامه یازدیلار) * زعفر آزادمهر شیخ درآبادی

62

وداع با رمضان -(ای دل اروشلیغین آیون اتمامه یازدیلار) ای دل اروشلیغین آیون اتمامه یازدیلار
بو آیدا بیر ائیله گینه برنامه یازدیلار

روح و ملک گزارش ائدنده عمل لری
مهدی الیلن اللها بیر نامه یازدیلار

کیم رو سپید اولوبدی بو آی کیمسه رو سیاه
مکتوب اولوندی دفتر ابهامه یازدیلار

طرح ائتدی هر کسین عملی سرنوشتینی
تائیداولوندی لوح سرانجامه یازدیلار

اعمال نیکیم اولماسادا خوشدلم منی
نوکر حساب ائدوب در مولامه یازدیلار

  • جمعه
  • 28
  • آذر
  • 1399
  • ساعت
  • 22:05
  • نوشته شده توسط
  • یوسف اکبری
ادامه مطلب
 زعفر آزادمهر شیخ درآبادی

شب های قدر -(شب احیادی الهی بیزه امداد ایله) * زعفر آزادمهر شیخ درآبادی

61

شب های قدر -(شب احیادی الهی بیزه امداد ایله) شب احیادی الهی بیزه امداد ایله
دلده تغییر و تحول اوزون ایجاد ایله

معنوی حالته تقدیریمیزی ایله رقم
دوتولان قلبلری غصّه دن آزاد ایله

غیبت حجتی اتمام ائله وئر اذن ظهور
قائم آل رسولی بیزه استاد ایله

درس قرآني اوزیندن آقانین اخذ ائلیک
شیعه نی اوجه یتور دینیده ارشاد ایله

اجنبی خطینه هر شیعه گئدور ایله ذلیل
اورگ آرامشین آل عمرینی برباد ایله

ملک ایراندا فساده اوکی دامن ووروری
عیش دنیاسینی آل همدم فریاد ایله

علوی کشورینه خائن اولان شخصی لری
ایکی دنیاده عذابیله اوزون یاد ایله

ملته خائن اولان گونده شهید قانی ایچور
اونی رسوا ائلیوب ملتی دلشاد ایله

کیم قدم صدقیله قویسا شهدانین یولینا
شان و عزت وئر اونا همره اوتاد ایله

"زعفرین"خیر عملی یوخدی خطاسی چوخدی
سرنوشتین عوض ایت دین ائوین آباد ایله

  • جمعه
  • 28
  • آذر
  • 1399
  • ساعت
  • 22:06
  • نوشته شده توسط
  • یوسف اکبری
ادامه مطلب
خرید انشگتر عقیق و اصل
 ابراهیم تون خوش قلم

مناجات ماه مبارک رمضان -(ای خالق دادار من) * ابراهیم تون خوش قلم

69

مناجات ماه مبارک رمضان -(ای خالق دادار من) ای خالِقِ دادارِ مَن _ ای یاوَر و دلدارِ من _ غرقِ گناه آمَدم
رحمی بکن بر حالِ من _ گشته سِیَه اقبالِ من _ من روسیاه آمَدم

دردم دوا خواهد _ دِلِ زارم صفا خواهد _ ای خدای من
جود و عنایت کن _ ز الطافت اجابت کن _ بر دعای من

ای رَبِّ من رویِ سیاه آورده ام
قلبِ پر از درد و گناه آورده ام
جانم رسیده بر لبم درمانده ام
بر درگَهِ پاکَت پناه آورده ام

دِلِ من پر زِ غَمِه اَسیرِ دردم چه کنم
به سَرَم بارونِ غَم میباره هردم چه کنم
گُلِ گلزارِ دِلَم خزان و پژمرده شده
پِیِ سر سَبزِیِ و هم بهار نگردم چه کنم

کَرَمِی بِنَما خُدایِ سبحانِ من
کرَمِی بِنَما خُدایِ مَنّانِ من

ترکی

ای خالِقِ هفت آسِمان _ دوتموش اورک عرشین دومان _ من بی امان گلمیشم
غم بنده سالمیش بنده وی _ بو بنده ی شرمنده وی _ غرقِ فغان گلمیشم

درده اسیرم من _ یوزی قاره ، حقیرم من _ رحم ائله خدا
اشکیم آخور گوزدن _ غم آهنگی گلور سوزدن _ دِلده وار نوا

بو بنده لر سن نن عطا ایستر خدا
دردی اولان درده دوا ایستر خدا
مظلوم حسینون باوفا عاشق لری
دلده نوا کرب و بلا ایستر خدا

اورگیمیزده نه صبر و دوزومیز واردی خدا
حرَمِ پاکِ حسینده گوزومیز واردی خدا
اورگین خانه سینه عشقِ حسین زینت اولیب
آقاما چوخلی یانیقلی سوزومیز واردی خدا

کرم ایله خدا اورکده وار یاره میز
نه توان و دوزوم نه الده وار چاره میز

  • شنبه
  • 29
  • آذر
  • 1399
  • ساعت
  • 23:36
  • نوشته شده توسط
  • یوسف اکبری
ادامه مطلب
 محمدرضا صادقی

وداع با رمضان -(الوداع ای ماه عزت ماه رحمان الوداع) * محمدرضا صادقی

64

وداع با رمضان -(الوداع ای ماه عزت ماه رحمان الوداع) الوداع ای ماه عزت ماه رحمان الوداع
الوداع ای ماه رحمت ماه غفران الوداع

آیه قرآنی چوخلار ایلدی ورد زبان
شامل ائتدی لطفینه مخلوقی خالق آنچنان
اهل فرشه غبطه ایلر جمله اهل آسمان
تئز قوتولدون حیف اولا ای ماه احسان الوداع

سنده واردور چوخ فضیلت ای مه سلطان عشق
سنده نازل ایلدی اوز رحمتون سبحان عشق
تا که دعوت یولّادی مخلوقه اول منّان عشق
عشقون اهلی میزبانه اولدی مهمان الوداع

گرچه سنده چوخلاری بزم صفادن دویمادی
ائتدیلر رازونیاز اما دعادن دویمادی
موقع افطار اولاندا ربنادن دویمادی
یاد اولا حال دعاده صبحگاهان الوداع

باشدا قران ناله الغوثی چکدی نادمان
گوزده اشک و دیلده آه و ناله ائتدی عاشقان
چوخلارین عفو ایلدی بو آیدا حی لامکان
چوخلاری اولدی گناهیندن پشیمان الوداع

غرق نور اولدی شب احیاده قلب مضطران
مرحمت دریاسی اولدی لطف حقدن بیکران
کیمسه سی تا عرض ائدوب اَلعَفو و یاربّ اَلْاَمان
چکدی بد افعالینه بیر خط بُطلان الوداع

گرچه شوّالون گلور اوّل گونونده بایرامی
آیریلور عاشقلرون بو بزمیدن باهم هامی
لیک حقدن ایستوری « شیدا » بو افطار آخشامی
اولماسون آخر وداع ای ماه ایمان الوداع

  • شنبه
  • 6
  • دی
  • 1399
  • ساعت
  • 20:06
  • نوشته شده توسط
  • یوسف اکبری
ادامه مطلب
 ودود آذرین خلخال

وداع با رمضان -(چاتوبدی آخرینه مه عظیم صیام) * ودود آذرین خلخال

54

وداع با رمضان -(چاتوبدی آخرینه مه عظیم صیام) چاتوبدی آخرینه مه عظیم صیام
جمع اولدی سفره عشق ضیافت اولدی تمام
قورتاردی مه غفران
ماه عزت قرآن
ماه عشق رمضان
خداحافظ۴

گلوبدی عیدصیام قوتاردی ماه صیام
هزارحیف مه ضیافت اولدی تمام
بو آیدا وار شب قدر مین آیه رجحانی وار
بو آیدا اولدی شهید علی او شاه انام
قورتاردی مه غفران
ماه عزت قرآن
ماه عشق رمضان
خداحافظ۴

بوآیدا جلوه لنیب حقیقتین علمی
چاتوبدی ساحلینه کرامتین بلمی
آچوبدی سفره خدا تمام بنده لره
یایوبدی یرگوی آرا سخاوت و کرمی
قورتاردی مه غفران
ماه عزت قرآن
ماه عشق رمضان
خداحافظ۴

بوآیدا خلقه اروج شرفلی فرصتیدی
بوآیدا باش اگنه همای عزتیدی
اولارکی باش قاچیدوب ذلیل و خوارایلیوب
حقیقت آختارانا یم حقیقتیدی
قورتاردی مه غفران
ماه عزت قرآن
ماه عشق رمضان
خداحافظ۴

  • دوشنبه
  • 29
  • دی
  • 1399
  • ساعت
  • 23:24
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

وداع با رمضان -(ای رمضان افسوس آیریلورام سندن) * محمدرضا محمدی (ناعم)

55

وداع با رمضان -(ای رمضان افسوس آیریلورام سندن) ای رمضان افسوس،آیریلورام سندن

آنداولازهرایه،سینه دولوب غملن

دویمامیشام سندن

الوداع،مه کرامت الوداع

ای مه،،عطا و رحمت الوداع

یارمضان الوداع،،ماه غفران الوداع

الله الله یاالله٢

بنده نی عفوایلوب،سنده حق رحمان

سینه ی طاهایه،نازل اولوب قرآن

الله ائدوب احسان

حیف اولا،یتوبدی باشه گونلرون

هجرووه،نجه دؤزرعاشقلرون

یارمضان الوداع،،ماه غفران الوداع

الله الله یا الله ٢

باشه یتوب افسوس،شام وسحرگاهون

یاد ائدورم اما،سوزشب و آهون

محنت جانکاهون

یادیمه،دوشوب بو غملی منظره

سجده ده،دگوبدی یاره حیدره

سجده گاهه آخدی قان،،سیندی ارکان ایمان

یارمضان الوداع،،ماه غفران الوداع

الله الله یا الله ٢

سنله وداع ایلور،غصه لی مهمانون

آیریلوراشگیله،سائل احسانون

بنده ی نالانون

بووداع،سالورحسینی یادیمه

اوت ویرور،غمی دل ناشادیمه

آیریلوردی ائللردن،،قلبی یانان خواهردن

یارمضان الوداع،،ماه غفران الوداع

الله الله یا الله ٢

  • جمعه
  • 8
  • اسفند
  • 1399
  • ساعت
  • 22:58
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

مناجات آخر ماه رمضان -(ای حیّ داداریم) * محمدرضا محمدی (ناعم)

45

مناجات آخر ماه رمضان -(ای حیّ داداریم) ای حیّ داداریم قادرقهّاریـــم
رحم اٸله رحم اٸله خالق غفاریم
چوخ گناهیم وار غمه آماجـــــم
مهربان الله سنه محتاجــــــــــم
عفوایله یارب ۲

بواوروجلوق آیی باشه چاتدی خـــــدا
ناامیدایلـــــــمه گلمیـــــشم قاپووا
بنده ی زارم روسیاهم مـــــــن
رحم ایله یارب بی پناهم مــــــــــن
عفو ایله یارب۲

من سنون اللهیــــم رٵفتون گورمیشم
الی بوش بندیــــــه رحمتون گورمیشم
سن منی قٶسون چاره سیزقالّام
بحرمحنتده ال ایـــــــــــاق چالّام
عفوایله یارب۲

  • چهارشنبه
  • 13
  • اسفند
  • 1399
  • ساعت
  • 17:12
  • نوشته شده توسط
  • یوسف اکبری
ادامه مطلب

وداع با ماه مبارک رمضان -(رمضان گتدی ولی قلبی دولی قان آپارور) * صمد تقی زاده

63

وداع با ماه مبارک رمضان -(رمضان گتدی ولی قلبی دولی قان آپارور) رمضان گتدی ولی قلبی دولی قان آپارور
مرده انسانلار آرا باش گوتوروب جان آپارور

قدرینی بولمدوخ آهسته یغیشدیردی اوزون
سفره سین جمع ائلیوب سفره ده قرآن آپارور

اوخویان چوخدی گوروب یوخدی عمل ایلیه نی
حسرتیلن حسناتین گویه مهمان آپارور

قالدی حسرت بیزه گتدی الیمیزدن حسنات
پر بها نعمتی الدن نجه، ارزان آپارور

عشق بازارینی ائتدوخ اوزوموز سست و کساد
آرادا کامه چاتیب بهره نی شیطان آپارور

حرمتین ساخلامادوخ اللری بوش دوشدی یولا
گوزلرین محضر دادارینه گریان آپارور

پیشواز ایلین آز اولدی پشیمان گیدوری
غصه لر دوغرادیلار قلبینی شان شان آپارور

شکوه سی واردی خلایقدن اوتور آللهینا
اوبیری ایللره تای آهیله افغان آپارور

شب قدرینده یازوب نامه ی اعمالیمزی
یاخجی اعمال عوضی قورخولی دیوان آپارور

آرزو ایلییرم که یازا الله صمد
بو آیین بهره سینی ملت ایران آپارور

  • سه شنبه
  • 4
  • آذر
  • 1399
  • ساعت
  • 12:44
  • نوشته شده توسط
  • یوسف اکبری
ادامه مطلب

عبادت آیی *

2491
5

عبادت آیی بو اوروشلوق آیی چون ماه عبادتدی بیزه
ماه فضل و کرم و لطف و کرامتدی بیزه
باب رحمت آچیلوبدی اوزی مهمان ایستور
باقلانوبدی در دوزخ مرد ایمان ایستور
امتحان ایلیری بو آیدا بیزی رب جلیل
امتحانان چیخا هرکس اولا مانند خلیل
درگهنن هیچ اوزاخدو اوزو احسان ایلر
ذره ی سالسا نظر آتشی رضوان ایلر

جعفر رمضانزاده درآباد

  • سه شنبه
  • 11
  • مرداد
  • 1390
  • ساعت
  • 00:35
  • نوشته شده توسط
  • سعيد رضايي
ادامه مطلب
نوحه های سنتی و زنجیر زنی محرم

اشعارمناجاتی ماه رمضان،(رمضان گلدی خداونده شوکور) *

2112
6

اشعارمناجاتی ماه رمضان،(رمضان گلدی خداونده شوکور) رمضان گلدی خداونده شوکور

آی گوروندو رمضان اولدو بوگون

غصه و غم اورکه دولدو بو گون

رنگ و روخساری چؤنوب سولدو بوگون

رمضان گلدی خداونده شوکور

ایفطاری رنگین اولان‌لار یئیه‌جاق

اوخویوب اوینایاجاق هم د‌ئیه‌جاق

جا‌می آلیب الینه ،هم ایچه‌جاق

رمضان گلدی خداونده شوکور

دیزچوکوب غصه دولوب سینه‌سینه

تویوغون ال ووروری چینه‌سینه

تویوغون قیمتی دیمز نه سینه ؟

رمضان گلدی خداونده شوکور

زولبیه بامیه‌دن شیره آخیر

سوزولور نیشترینی قلبه تاخیر

بؤش الین گیزله‌دیری گؤزده باخیر

رمضان گلدی خداونده شوکور

کاریمندین کئفی‌دیر،گورنه گولور

ساییری آیلیغینی ،گؤز‌ده دولور

سفره‌نی یاده سالیر رنگی سولور

رمضان گل

  • دوشنبه
  • 26
  • تیر
  • 1391
  • ساعت
  • 04:57
  • نوشته شده توسط
  • علی
ادامه مطلب

شعر ترکی ماه مبارک رمضان -(رمضان اولدو چکیب شاهدِ مئ پرده یه رو) *حکیم ملا محمد فضولی

270

شعر ترکی ماه مبارک رمضان -(رمضان اولدو چکیب شاهدِ مئ پرده یه رو) رمضان اولدو چکیب شاهدِ مئ پرده یه رو
مئ ایچون چنگ توتوب تعزیه آچدی گیسو

بیلدی مطرب کی نه دیر حال گؤتوردو سازی
بزم دن چکدی اَیاغینی صُراحیّ و سبو

بزم قانونی پوزولدو نه ایچون چنگ ایله دَف؟
ییغیشیب ائتمه یه لرحاکم ائشیگین ده غُلُو

رمضان آیی گرک آچیلا رحمت قاپی سی
نه روا کیم اولا میخانه قاپی سی باغلو

فتحِ میخانه ایچون اوخویالیم فاتحه لر
اولا کیم اوزوموزه آچیلا بیر باغلی قاپو

آفتابِ قَدح ائتمز رمضان آیی طلوع
نه بلادیر بیزه یارب نه قرا گون دوربو

انتظارِ مئیِ گلگون ایله بایرام پایینا
باخه ـ باخه اَنَه جَک دیر گؤزوموزه قره سو

رمضان اولدو بودور وَهمی «فضولی نین» کیم
نئچه گون ایچمه یه مئ زهد ایله

  • شنبه
  • 1
  • تیر
  • 1398
  • ساعت
  • 11:42
  • نوشته شده توسط
  • ابوالفضل عابدی پور
ادامه مطلب
میرزا حسین کریمی مراغه ای

شعر ترکی مناجات رمضانیه -(ای ماه صیامی بیزه احسان ائدن الله) *میرزا حسین کریمی مراغه ای

384

شعر ترکی مناجات رمضانیه -(ای ماه صیامی بیزه احسان ائدن الله) ای ماه صیامی بیزه احسان ائدن الله
خوان کرمه بنده نی مهمان ائدن الله

ای ماه مبارکده آچان سفره ی احسان
اوز دعوتین انسانلارا احسان ائدن الله

بو آیدا بیزه لطف ائله توفیق عبادت
ای یوسفه ماهینی نگهبان ائدن الله

بو صوم و صلاتی صلواتی حَسَناتی
ردّ ایلمه ای مشکلی آسان ائدن الله

هر یرده مریض اولسا شفا وئر اوز اَلونله
ای دردلی لرین دردینه درمان ائدن الله

ای یوسفی آزاد ائلین بند بلادن
زنجیرین آچوب مصرده سلطان ائدن الله

هر حاجتِ شرعیّه لری ایله برآورد
سنسن هامی نُقصانلارا جبران ائدن الله

ای حضرت یعقوبی ائدن غصّه دن آزاد
گمگشته سینی وارد کنعان ائدن الله

اوز رحمت آیوندان بیزی گل ائتمه پشیمان
ای آتش ن

  • سه شنبه
  • 4
  • تیر
  • 1398
  • ساعت
  • 10:49
  • نوشته شده توسط
  • ابوالفضل عابدی پور
ادامه مطلب

شعر ترکی رمضانیه -(افطاره نولور، می من میخواره گلیدی) * محمد هدایتی

251
1

شعر ترکی رمضانیه -(افطاره نولور، می من میخواره گلیدی) افطاره نولور، می من میخواره گلیدی
ساقی می الینده بیزه افطاره گلیدی

آی گویده بولود دالداسنا دالدالانیدی
پرده آتیب ئوزدن بیزه مهپاره گلیدی

یوخ چاره سی درمانی ، اونون وصلی دی دردیم
او گلماقلان دردیمه ده چاره کلیدی

یوخ دردیم علاجی گئنه می مشکل آچاندی
میخانه ده تسکین دل بیماره گلیدی

عکسین گورورم می ده گئنه نازلی نگارین
می دن هیجان بو تن تب داره گلیدی

یاره منی حسرت قویانی حسرته قالسین
الله گونو اهل حسدین قاره گلیدی

یار آیرلقندان ئورگیمده یانار اود وار
بیر خوش خبر اوندان من دل زاره گلیدی

لطف و کرمیله صله ایلوب بارشیدی
وصلتدن آچیب سوز ، سر گفتاره گلیدی

عشقین گل آچیدی آغاجی میوه ویریدی
بو یانمش

  • سه شنبه
  • 4
  • تیر
  • 1398
  • ساعت
  • 11:10
  • نوشته شده توسط
  • ابوالفضل عابدی پور
ادامه مطلب

متن شعر ترکی نماز -(انسان تاپار مقام عبادت نمازیله ) * اصغر احمدیان خسرو شاهی

747

متن شعر ترکی نماز  -(انسان تاپار مقام عبادت نمازیله ) انسان تاپار مقام عبادت نمازیله
امرخدایه ایلر اطاعت نمازیله
.
دینون ستون دینی برادر نمازیدور
اولموش بودین وشریعت نمازیله
.
ای تارک صلات ئوزوی سالما زحمته
ائتمه بوقدری وکین وعداوت نمازیله
.
محشرگونی سوال اولی اول نمازیدن
وار بیرحساب روز قیامت نمازیله
.
واردور حدیث مومنه معراجدور نماز
ایلر عروج عرشه اوساعت نمازیله
.
الله یانوندا واردی چوخ عالی فضیلتی
چوخلارتاپوبدی راه سعادت نمازیله
.
محراب کوفه ده بویانوب قانه مرتضی
مسجدده تاپوب فیض شهادت نمازیله
.
اوغلی حسین ده دشت بلایاده تشنه لب
دین مبینه ائتدی حمایت نمازیله
.
دشمن آتاردی اوخلاری حال قیامیده
ترک ائتمدی بولونسون حقیقت نمازیله
.
ظهرزمانی قویدی ی

  • سه شنبه
  • 16
  • اردیبهشت
  • 1399
  • ساعت
  • 11:57
  • نوشته شده توسط
  • ابوالفضل عابدی پور
ادامه مطلب

متن شعر ترکی نماز -(حکم قرآنیله بنیان عبادتدی نماز ) * حاج عباسقلی یحیوی

371

متن شعر ترکی نماز  -(حکم قرآنیله بنیان عبادتدی نماز ) حکم قرآنیله بنیان عبادتدی نماز
لوحۀ مغفرت یوم قیامتدی نماز
.
بیر گوزه للیک دی کی عقبا ایوین آباد ایلر
عفو سبحانه بویوک مدرک و آیتدی نماز
.
قید ائدوب لر ابدیت ده تجلایه چیخار
کیم نماز قیلسا ،کی تحصیل سعادتدی نماز
.
گل عبودیته ،آزاده لیگین تاپ شرفین
بو باش اندیرمه گه گلتاج سیادتدی نماز
.
روحی شفاف ایلین دیر،گونش آیینه سی تک
جمله عاشقلر اوچون باغ طراوتدی نماز
.
دین اصولینده هدایت یولونون مبدأیی دیر
اعتقادیم بودی معنای هدایتدی نماز
.
قره العین نبی دیر بویوروب ختم رسل
مومنین روحونه امضای طهارتدی نماز
.
سن عبودیتی حریته وورسان پیوند
گوره جکسن نئجه پر عز و شرافتدی نماز
.
نفسی زنجیره چکر،فطرتی تطهیره

  • سه شنبه
  • 16
  • اردیبهشت
  • 1399
  • ساعت
  • 11:57
  • نوشته شده توسط
  • ابوالفضل عابدی پور
ادامه مطلب
میرزا حسین کریمی مراغه ای

شعر ویژه ماه رمضان -(رمضان گلدی جماعت گینه سلمان اولاجاق) *میرزا حسین کریمی مراغه ای

72

شعر ویژه ماه رمضان -(رمضان گلدی جماعت گینه سلمان اولاجاق) ﺭﻣﻀﺎﻥ ﮔﻠﺪﯼ ﺟﻤﺎﻋﺖ ﮔﯿﻨﻪ سلمان ﺍﻭﻻﺟﺎﻕ
ﺩﯾﻦ ﺍﺳﻼﻡ ﺍﻭﺟﺎﻟﻮﺏ ﺧﻠﻖ مسلمان ﺍﻭﻻﺟﺎﻕ

ﮔﻠﻪ ﺟﺎﻕ ﻏﯿﺮﺗﻪ ﻓﺎﺳﻖ،ﺍﻭﻻﺟﺎﻕ ﺍﻫﻞ ﺗﻤﯿﺰ
ﺍﺋﺘﺪﯾﻘﯽ ﻣﻌﺼﯿﺘﻪ ﺟﻤﻠﻪ ﭘﺸﯿﻤﺎﻥ ﺍﻭﻻﺟﺎﻕ

ﺑﺰﻧﻮﺏ ﺧﺎﺭ ﻣﻐﯿﻼﻥ ﮔﯿﺮﻩ ﺟﺎﻕ ﮔﻞ ﺩﻭﻧﻮﻧﺎ
ﻧﺨﻞ ﺳﻨﺠﺪ ﺩﻭﺯﻩ ﻟﻮﺏ ﺳﺮﻭ ﺧﺮﺍﻣﺎﻥ ﺍﻭﻻﺟﺎﻕ

ﻣﺴﺠﺪﻭﻥ ﺗﺎﺧﺠﺎﺳﯽ ﺣﺴﺮﺕ ﻗﺎﻻﺟﺎﻕ ﻣﻬﺮ ﺍﻭﺯﻭﻧﻪ
ﻫﺮﻩ ﺑﯿﺮ ﻣﻬﺮ ﺗﺎﭘﻮﭖ ﺑﻨﺪﻩ ﯼ ﯾﺰﺩﺍﻥ ﺍﻭﻻﺟﺎﻕ

ﺑﯿﺮ ﻣﺤﺮﻣﺪﻩ ﭼﯿﺨﻮﺏ ﺷﺎﻫﻘﻠﯽ ﺑﯿﮓ ﻣﺴﺠﺪﺩﻥ
ﺑﯿﺮﺩﻩ ﺑﻮ ﺁﯾﺪﺍ ﮔﻠﻮﺏ ﺩﺍﺧﻞ ﺍﯾﻮﺍﻥ ﺍﻭﻻﺟﺎﻕ

اون بیر آیدور یومویوبدر ال اوزین یارقلی خان
ایندی حمامه گئدوب شاد و خرامان اولاجاق

ﻗﻮﻻﻗﯿﻦ ﺩﻭﺭﺩ ﺍﺋﻠﯿﻮﺏ ﻣﺎﻟﻠﯿﺎ ﺁﻏﺰﯾﻦ ﺁﭼﺎﺟﺎﻕ
ﺑﺎﺷﯿﻨﯽ ﺳﯿﻠﮑﻪ ﻟﯿﻮﺏ ﻭﺍﻟﻪ ﻭ ﺣﯿﺮﺍﻥ ﺍﻭﻻﺟﺎﻕ

ﺁﻻﺟﺎﻕ ﻣﻨﺒﺮﯾﻦ ﺍﻃﺮﺍﻓﯿﻨﯽ ﭘﻮﻟﺴﻮﺯ ﻟﻮﻃﯿﻼﺭ
ﭘﻮﻟﻠﻮﻻﺭ ﮔﻠﺴﻪ ﺩﻩ ﺑﯿﺮ ﮔﻮﺷﻪ ﺩﻩ ﭘﻨﻬﺎﻥ ﺍﻭﻻﺟﺎﻕ

ﻫﺮ ﮐﯿﻤﯿﻦ ﺧﻮﺵ ﺳﺴﯽ ﻭﺍﺭ ﺩﺍﻣﺪﺍ ﻣﻨﺎﺟﺎﺕ ﺍﺋﺪﻩ ﺟﺎﻕ
ﺁﭼﯿﻠﻮﺏ ﺣﻨﺠﺮﻩ ﺳﯽ ﺑﻠﺒﻞ ﺧﻮﺷﺨﻮﺍﻥ ﺍﻭﻻﺟﺎﻕ

هر ﺍﻭﭺ ﺍﺋﻮﺩﻥ ﺑﯿﺮﯼ ﻻﺯﯾﻤﺪﯼ ﭼﯿﺨﻮﺏ ﻭﺋﺮﺳﯿﻦ ﺍﺫﺍﻥ
ﺑﺨﺘﯽ ﻗﺎﺭه ﺧﺮﻭﺳﯿﻦ ﻗﯿﻤﺘﯽ ﺍﺭﺯﺍﻥ ﺍﻭﻻﺟﺎﻕ

ﺁﯼ ﻗﻮﺗﻮﻟﺠﺎﻕ ﺑﺎﺗﺎﺟﺎﻕ ﺟﻤﻠﻪ ﻧﻔﺴﻠﺮ ﻫﺎﻣﻮﺳﯽ
ﻧﻪ ﺍﺫﺍﻧﭽﯽ ﻧﻪ ﻣﻨﺎجاتچی ﻧﻪ ﻗﺮﺁﻥ ﺍﻭﻻﺟﺎﻕ

ﺍﻭﺭﻭﺟﻮﻥ ﻣﯿﻞ ﺍﺋﻠﯿﻨﻠﺮ ﮔﺌﺪﻩ ﺟﺎﻗﻼﺭ ﺳﻔﺮﻩ
ﮔﺰﻩ ﺟﺎﻕ ﻫﺮ ﯾﺎﻧﯽ ﺯﻭﺍﺭ ﺧﺮﺍﺳﺎﻥ ﺍﻭﻻﺟﺎﻕ

ﻗﻮﺗﻮﻟﻮﺭ ﻣﺎﻩ ﻣﺒﺎﺭﮎ ﻋﻤﻮﺩﺍﻥ ﮔﻠﺪﯼ ﺧﺒﺮ
ﺑﯿﺴﺖ ﻫﻔﺘﻢ ﮔﺌﺠﻪ ﺳﯽ ﻭﺍﺭﺩ ﺗﻬﺮﺍﻥ ﺍﻭﻻﺟﺎﻕ

ﺍﻭ ﺁﺩﺍﻣﻼﺭ ﮐﻪ ﻭﺋﺮﻭﻟﺮ ﺗﻮﻣﻨﯽ ﺑﯿﺮ ﻗﺮﺍﻧﺎ
سیره ﻟﺮﺩﻩ ﮔﺌﺠﻪ ﻟﺮ ﻗﺎﺭﯼ ﻗﺮﺁﻥ ﺍﻭﻻﺟﺎﻕ

دوزه جاق نعمت الوانی داداش سفرلره
فقرانین بو جهتدن اورگی قان اولاجاق

ﭼﮑﻪ ﺟﺎﻕ ﺭﺷﻮﻩ ﭘﻮﻟﯿﻨﺎﻥ ﭘﻠﻮﯼ ﺩﻭﺭﯼ ﻟﺮﻩ
ﺁﺗﺎﺳﯿﻦ ﯾﺎﺩﻩ ﺳﺎﻟﻮﺏ ﻣﺎﯾﻞ ﺍﺣﺴﺎﻥ ﺍﻭﻻﺟﺎﻕ

بئش ﻗﺮﺍﻧﻠﻮﻕ ﺍﺗﻪ ﻗﺎﺩﺭ ﺩﮔﯽ ﺑﯿﭽﺎﺭﻩ ﮐﺎﺳﺐ
ﯾﺪﯾﮕﯽ ﺳﻮﺯﻣﻪ ﻗﺎﺗﻖ ﺍﯾﭽﺪﯾﮕﯽ ﺁﯾﺮﺍﻥ ﺍﻭﻻﺟﺎﻕ

ﺗﺮﮎ ﻋﺎﺩﺕ ﺍﺋﺪﻩ ﺟﮏ ﻣﺸﺪﯾﻨﻮﻥ ﺍﺧﻼﻗﯿﻦ ﻋﻮﺽ
ﺧﺸﮕﻪ ﺑﯿﺮ ﻣﻄﻠﺒﻪ ﺍﺣﻮﺍﻟﯽ ﭘﺮﯾﺸﺎﻥ ﺍﻭﻻﺟﺎﻕ

ﺧﺮﻣﮕﺲ ﺗﮏ ﮔﻠﻨﻪ ﻧﯿﺶ ﻭﯾﺮﻭﺏ ﺍﯾﻨﺠﯿﺪﻩ ﺟﺎﻕ
ﮔﻠﻪ ﺟﮏ ﺗﻨﮕﻪ ﺩﯾﻠﯿﻨﺪﻥ ﻫﺎﻣﯽ ﺗﺮﺳﺎﻥ ﺍﻭﻻﺟﺎﻕ

ﺩﻭﻻﺟﺎﻕ ﻣﺴﺠﺪ ﻭ ﻣﺤﺮﺍﺏ ﺟﻤﺎﻋﺖ ﺳﻮﺭﯼ ﺗﮏ
ﺍﻟﺪﻩ ﺗﺴﺒﯿﺢ ﻫﺎﻣﯽ ﻋﺎﺑﺪ ﺩﻭﺭﺍﻥ ﺍﻭﻻﺟﺎﻕ

ﺑﯿﻨﻮﺍ ﻭﺍﻋﻆ ﺷﻬﺮﯾﻦ ﺑﻮﻏﺎﺯﯼ ﯾﺮﺗﯿﻼﺟﺎﻕ
ﻣﺠﻠﺲ ﻣﻮﻋﻈﻪ ﺍﺯ ﺑﺴﮑﻪ ﻓﺮﺍﻭﺍﻥ ﺍﻭﻻﺟﺎﻕ

ﻗﻮﯾﺎﺟﺎﻗﺪﻭﺭ ﻫﺮﻩ ﺑﯿﺮ ﺷﯿﺸﻪ ﯼ ﮐﻮﭼﮏ ﺟﯿﺒﯿﻨﻪ
بئش ﻗﺮﺍﻥ ﻋﻄﺮﻩ ﻭﺋﺮﯾﺐ ﺩﺳﺘﻪ ﯼ ﺣﯿﺮﺍﻥ ﺍﻭﻻﺟﺎﻕ

ﺑﻌﻀﯽ ﺍﻓﻄﺎﺭﯾﻦ ﺁﭼﻮﺏ ﺟﺎﻥ ﺑﺎﺳﺎﺟﺎﻕ ﻗﻬﻮﻩ ﻟﺮﻩ
ﺑﺎﺷﯽ ﻧﻘﻠﻪ ﻗﯿﺰﯾﺸﻮﺏ ﺗﺎ ﮐﻪ ﺍﻭﺑﺎﺷﺪﺍﻥ ﺍﻭﻻﺟﺎﻕ

ﮐﺒﻼﺋﯽ ﺗﻮﺑﻪ ﺍﺋﺪﻭﺑﻮﺭ ﯾﺎﻏﺎ ﭘﯽ ﻗﺎﺗﻤﯿﺎﺟﺎﻕ
ﻣﺸﻬﺪﯼ ﺍﯾﻠﺪﯾﮕﯽ ﻇﻠﻤﻪ ﭘﺸﯿﻤﺎﻥ ﺍﻭﻻﺟﺎﻕ

ﻫﺮ ﮐﺲ ﺍﻭﺯ ﺑﺪ ﻋﻤﻠﯿﻨﺪﻥ ﺍﺋﺪﺟﮏ ﺍﺳﺘﻐﻔﺎﺭ
ﻧﻮﺭ ﺍﯾﻤﺎﻧﯿﻠﻪ ﻫﺮ ﻗﻠﺐ ﭼﺮﺍﻏﺎﻥ ﺍﻭﻻﺟﺎﻕ

ﺍﺗﺤﺎﺩﯾﻠﻪ ﻋﻠﯽ ﻧﻮﮐﺮﯼ ، ﺯﻫﺮﺍ ﮐﻨﯿﺰﯼ
ﮔﻠﻪ ﺟﺎﻕ ﻣﺴﺠﺪﻩ ﯾﺮ ﮐﺜﺮﺕ ﻭ ﻃﻐﯿﺎﻥ ﺍﻭﻻﺟﺎﻕ

ﮔﻠﻪ ﺟﺎﻕ ﺩﺳﺘﻪ ﺑﻪ ﺩﺳﺘﻪ ﺑﺎﺟﯿﻼﺭ ﻣﻮﻋﯿﻈﯿﻪ
ﻣﺴﺠﺪﯾﻦ ﻫﺮ ﻃﺮﻓﯽ ﺭﻭﺿﻪ ﯼ ﺭﺿﻮﺍﻥ ﺍﻭﻻﺟﺎﻕ

ﮔﺰﻩ ﺟﺎﻕ ﮐﻮﭼﻪ ﻟﺮﯼ ﻫﺎﺭﺩﺍ ﮔﻮﺭﺍﺥ ﻣﺮﺛﯿﻪ ﻭﺍﺭ
ﺳﻮﺧﻮﻟﻮﺏ ﻫﺮ ﺍﺋﻮﻩ ﻫﺮ ﺳﻤﺘﻪ ﺷﺘﺎﺑﺎﻥ ﺍﻭﻻﺟﺎﻕ

ﺑﻌﻀﯽ ﻗﯿﺰﻻﺭ ﮐﻪ ﻧﻪ ﺍﻟﻠﻪ ﻧﻪ ﭘﯿﻤﺒﺮ ﺗﺎﻧﯿﯿﻮﺏ
ﺁﯾﺮﯼ ﯾﺮﻟﺮﺩﻩ ﮔﺰﻭﺏ ﻣﺮﺛﯿﻪ ﻋﻨﻮﺍﻥ ﺍﻭﻻﺟﺎﻕ

ﺁﻧﺎﻻﺭ ﻫﺮ ﺑﯿﺮﯼ ﺑﯿﺮ ﺩﻭﻧﺒﮏ ﺁﻟﻮﺏ ﻗﻮﻟﺘﻮﻗﻮﻧﺎ
ﻭﻧﮕﻪ ﻭﻧﮕﯿﻠﻪ ﮔﻠﻮﺏ ﺍﻭﺭﺩﺍ ﻧﻮﺍ ﺧﻮﺍﻥ ﺍﻭﻻﺟﺎﻕ

ﭼﮑﻪ ﺟﺎﻗﻼﺭ ﺁﺭﺍﺩﺍﻥ ﭘﺮﺩﻩ ﮐﻪ آرواد ﮐﯿﺸﻨﻮﻥ
ﺁﺭﺍﺳﯿﻨﺪﺍ ﺍﻭ ﻫﻤﺎﻥ ﭘﺮﺩﻩ ﻧﮕﻬﺒﺎﻥ ﺍﻭﻻﺟﺎﻕ

ﺍﻭ ﻃﺮﻓﺪﻩ ﮐﯿﺸﯿﻠﺮ ﺑﺎﺷﻪ ﻭﻭﺭﻭﺏ ﺁﻏﻠﯿﺎﺟﺎﻕ
ﺑﻮ ﻃﺮﻓﺪﻩ ﺑﺎﺟﯿﻼﺭ ﮔﻞ ﮐﯿﻤﯽ ﺧﻨﺪﺍﻥ ﺍﻭﻻﺟﺎﻕ

ﺳﺎﻻﺟﺎﻗﺪﻭﺭ ﺍﻟﻪ ﻣﻠﺖ ﻫﺮﻩ ﺑﯿﺮ ﮐﻬﻨﻪ ﺑﯿﺎﺽ
ﻇﺎﻫﺮﺍ ﺑﻨﺪﻩ ﯼ ﭘﺎﮐﯿﺰﻩ ﯼ ﺳﺒﺤﺎﻥ ﺍﻭﻻﺟﺎﻕ

ﺍﺋﻠﻪ ﮐﻪ ﭼﯿﺨﺪﯼ ﺍﻭﺭﻭﺟﻠﻮﻕ ﮔﺌﺪﻩ ﺟﺎﻕ ﺍﻭﺯ ﺍﯾﺸﯿﻨﻪ
ﮔﯿﻨﻪ ﺍﻭﻟﮑﯽ ﮐﯿﻤﯽ ﻣﺮﺷﺪ ﺷﯿﻄﺎﻥ ﺍﻭﻻﺟﺎﻕ

ﯾﯿﻪ ﺟﺎﻕ ﻣﺎﻝ ﯾﺘﯿﻤﯽ ﺁﭼﺎﺟﺎﻕ ﻇﻠﻢ ﺍﻟﯿﻨﯽ
ﻗﯿﺰﺍﺩﻭﺏ ﺻﻮﺭﺗﯿﻨﯽ ﻣﺜﻞ ﺑﺎﺩﻣﺠﺎﻥ ﺍﻭﻻﺟﺎﻕ

ﻗﻮﺭﺥ ﺍﻭ ﮔﻮﻧﺪﻥ ﮐﺴﻪ ﺁﻣﺎﻟﻮﯼ ﻣﻘﺮﺍﺽ ﺍﺟﻞ
ﺳﯿﻨﻮﻥ ﺍﻭﺳﺘﻪ ﻣﻠﮏ ﺍﻟﻤﻮﺕ ﻧﻤﺎﯾﺎﻥ ﺍﻭﻻﺟﺎﻕ

ﯾﺎﺭ ﻭ ﯾﻮﻟﺪﺍﺵ ﻗﻮﯾﺎﺟﺎﻕ ﺗﮏ ﺩﺍﺷﯿﻦ ﺁﻟﺘﯿﻨﺪﺍ ﺳﻨﯽ
ﻗﺒﺮ ﺍﯾﭽﯿﻨﺪﻩ ﺑﺪﻧﻮﻥ ﺧﺎﮐﯿﻠﻪ ﯾﮑﺴﺎﻥ ﺍﻭﻻﺟﺎﻕ

ﻋﺪﻝ ﻣﺴﺘﻨﻄﻘﯽ ﺳﻨﺪﻥ ﺁﻻﺟﺎﻕ ﺗﻮﺿﯿﺤﺎﺕ
ﺣﯽ ﻭ ﻗﻬﺎﺭ ﺍﺋﻠﯿﻦ ﻋﺪﻟﯿﻠﻪ ﺩﯾﻮﺍﻥ ﺍﻭﻻﺟﺎﻕ

ﯾﺪﯾﮕﻮﻥ ﻧﻔﻊ ﺭﺑﺎﻟﺮ ﮔﻠﻪ ﺟﺎﻕ ﺑﻮﺭﻧﻮﻧﺪﺍﻥ
ﻟﯿﺮﻩ ﻟﺮ ﻫﺮ ﺑﯿﺮﯼ سی ﺁﺗﺶ ﺳﻮﺯﺍﻥ ﺍﻭﻻﺟﺎﻕ

ﯾﯿﻐﺪﯾﻘﻮﻥ ﺛﺮﻭﺗﯽ ﺗﻘﺴﯿﻢ ﺍﺋﺪﻩ ﺟﮑﺪﻭﺭ ﻭﺭﺛﻪ
ﺧﺎﻧﻤﻮﻥ ﺍﻭﺯﮔﯿﯿﻪ ﻫﻤﺨﻮﺍﺑﻪ ﯼ ﺟﺎﻧﺎﻥ ﺍﻭﻻﺟﺎﻕ

ﻭﺍﯼ ﺍﻭ ﺷﺨﺼﻪ ﮐﻪ ﮐﺘﺎﺑﯿﻦ ﻭﺋﺮﻟﺮ ﺻﻮﻝ ﺍﻟﯿﻨﻪ
ﺑﺎﺧﻮﺏ ﺍﻭﺯ ﻧﺎﻣﻪ ﯼ ﺍﻋﻤﺎﻟﯿﻨﻪ ﮔﺮﯾﺎﻥ ﺍﻭﻻﺟﺎﻕ

ﺧﻮﺵ ﺍﻭ ﺍﺷﺨﺎﺻﻠﺮﯾﻦ ﺣﺎﻟﯿﻨﻪ ﯾﻮﻡ ﺍﻟﻌﺮﺻﺎﺕ
ﮐﻪ ﺷﻔﺎﻋﺘﭽﯽ ﻟﺮﯼ ﺷﺎﻩ ﺷﻬﯿﺪﺍﻥ ﺍﻭﻻﺟﺎﻕ

ﻧﻘﺪﺭ ﺳﺎﻏﺪی کریمی ﯾﺎﺯﺍﺟﺎﻕ ﺷﻌﺮ ﻭ ﻏﺰﻝ
ﺳﺆﺯﯼ ﻫﺮ ﻋﺼﺮﯾﺪﻩ ﻫﺮ ﺷﻬﺮﯾﺪﻩ اعلان ﺍﻭﻻﺟﺎﻕ

ﺑﺎﺭ ﺍﻟﻬﺎ ﺑﯿﺰﻩ ﺳﻦ ﻟﻄﻒ ﺍﺋﻠﻪ ﺗﻮﻓﯿﻖ ﻋﻤﻞ
ﺍﻭﻟﻤﺎﺳﺎ ﺧﺎﻟﺺ ﻋﻤﻞ ﺩﺭﺩﻩ ﻧﻪ ﺩﺭﻣﺎﻥ ﺍﻭﻻﺟﺎﻕ

یئتیش ﺍﻣﺪﺍﺩﯾﻤﯿﺰﻩ ﺟﺎﻥ یئتیشنده ﺩﻭﺩﺍﻗﺎ
ﺍﻭﻧﺪﺍ ﮐﻪ ﺟﺎﻥ ﻗﻔﺲ ﺗﻦ ﺩﻩ ﻫﺮﺍﺳﺎﻥ ﺍﻭﻻجاق

  • سه شنبه
  • 13
  • آبان
  • 1399
  • ساعت
  • 12:51
  • نوشته شده توسط
  • یوسف اکبری
ادامه مطلب
معجزه ای برای رفع مشکلات حنجره

وداع با ماه مبارک رمضان -(ای اهل دین و تقوا چاتدی باشا اورجلوق) *سید باقر سادات پور

70

وداع با ماه مبارک رمضان -(ای اهل دین و تقوا چاتدی باشا اورجلوق) ای اهل دین و تقوا چاتدی باشا اورجلوق
آغلاردی اهل معنا چاتدی باشا اورجلوق

زینُ العبادین اشکین توصیف ائدیم نه نوعی
واله او اشکه دریا چاتدی باشا اورجلوق

ایستیر تاپا خلاصی بند اسارتیندن
شیطانِ پست دنیا چاتدی باشا اورجلوق

دنیا حدیثه باخسان جنّتدی اهلِ کُفره
فکر ایله سن بو اثنا چاتدی باشا اورجلوق

بیر باب جنّت الله لطف ایلمیشدی بیر آی
مؤمنلره مهیّا چاتدی باشا اورجلوق

خوش حالینه او کس که درک ایلدی بو آیی
قیمت اونا یوخ اصلا چاتدی باشا اورجلوق

صد حیف اولا عزیزان ختم اولدی ماه رحمت
شوّالیدندی فردا چاتدی باشا اورجلوق

نفسیله عقل و عشقین احوالی باخ یاماندی
باشلاندی جنگ و دعوا چاتدی باشا اورجلوق

آهو کیمی چیخوبدوی داغلار باشیندا گزسّون
اوج ایلیوبدی اعلا چاتدی باشا اورجلوق

عجزیله واردی ایندی بیر خواهشیم الهی
عفو ائت جهانی یکجا چاتدی باشا اورجلوق

مؤمنلره چتیندی، یاتسون، چتین بو گونلر
یاتماز ائدلّه نجوا چاتدی باشا اورجلوق

  • یکشنبه
  • 2
  • آذر
  • 1399
  • ساعت
  • 22:11
  • نوشته شده توسط
  • یوسف اکبری
ادامه مطلب
 زعفر آزادمهر شیخ درآبادی

شب قدر -(لیلة القدری و ما ادراکَ ای طاها دئدون) * زعفر آزادمهر شیخ درآبادی

66

شب قدر -(لیلة القدری و ما ادراکَ ای طاها دئدون) لیلهُ القدری وما اَدراکَ ای طاها دئدون
ایلدون تشریح مین آیدان اونی اعلا دئدون

بیلمورم مین آی عدد دور یاکه کثرت گورسدور
بیر شب قدری فضیلتده بئله بالا دئدون

گور نئجه مخلوقیوه سن خالق رحمانسن
بیر گئجه العفوی مین ایل اجرته دارا دئدون

صد هزاران بار العفو ای کریم مهربان
کلمه‌ی العفوی بیلدوم هر ندن والا دئدون

توبه درگاهین آچوبسان منده عفوه گلمیشم
بیلمشم چون توبه‌نی هر امردن اولا دئدون

گچ گناهیم پاک ائله پرونده‌ نی وئر مهدیه
چون او مولا ایلیور پرونده نی امضا دئدون

پرده چک قویما قبیح اعمالیمی مهدی گوره
چون او شاهی "زعفره" تک رهبر و مولا دئدون

  • جمعه
  • 7
  • آذر
  • 1399
  • ساعت
  • 19:55
  • نوشته شده توسط
  • یوسف اکبری
ادامه مطلب
 ودود آذرین خلخال

رمضانیه -(مؤمنان مژده که ماه رمضان می آید) * ودود آذرین خلخال

47

رمضانیه -(مؤمنان مژده که ماه رمضان می آید) مؤمنان مژده که ماه رمضان می آید
ماه قرآن و مناجات و اذان می آید

این همان ماه خدا، ماه قیام است و قعود
که زانفاس خوشش راحت جان می آید

ماه تسبیح و دعا و صلوات است و صیام
کرم و جود و سخاوت به جهان می آید

مژده از خالق یکتا به تو ای عبد ذلیل
بهر هوشیاری از این خواب گران می آید

با قدومش ز شمیم خوش جنّات برین
نِکهتی بر دل هر پیر و جوان می آید

آید این ماه که از یمن و صفای قدمش
روح تازه به تن آدمیان می آید

چلچراغی است همین ماه که ازچشمه آن
نور توحید به این کون و مکان می آید

رمضانی که شب قدر درآن مستتر است
مایۀ عزّت مردان و زنان می آید

(آذرین) گفت : خدایا به دلم دراین ماه
خبراز صاحب بر حقّ زمان می آید؟

ترکی

رمضان آیی گلور جلویه ایمان گلوری
اوْل مناجات آیی ؛ اوْل موسم قرآن گلوری

بو قیامیله قعودین آیی ؛ الله آیی دور
که خوش انفاسینه تن اولکه سینه جان گلوری

ماه تسبیح و دعادی ؛ مه صلْوات و صیام
کفر نابود اولوری ؛ ساحَت ایمان گلوری

حق یکتا طرفیندن بیزه وارمژده ی وصل
داخی هیجران قوتاروب دردلره درمان گلوری

گلمگیلن یئر اوزی عطر جنانیله دولور
یئره گویدن عجبا؛ حوری و غلمان گلوری

بو نه آیدور که دوتوب نور خدا ماخَلَقی
ذکرو تسبیحه بو آی عالم امکان گلوری

رمضاندا شب قدرین مین آیا رجحتی وار
ایله بیل گلشنه قیش فصلی؛بهاران گلوری

(آذرین) سنده دعا ایله گله صاحب عصر
نوْلی بیرگون ایشیدک خسرو خوبان گلوری

  • جمعه
  • 26
  • دی
  • 1399
  • ساعت
  • 18:33
  • نوشته شده توسط
  • یوسف اکبری
ادامه مطلب
 ودود آذرین خلخال

وداع با ماه رمضان -(به سر آمد ماه صوم و صلات منبع برکات ماه مهمانی) * ودود آذرین خلخال

52

وداع با ماه رمضان -(به سر آمد ماه صوم و صلات منبع برکات ماه مهمانی) بسرآمدماه صوم و صلات منبع برکات ماه مهمانی
دگر جمع شد سفره رمضان موسم احسان عهدقرآنی
خداحافظ ماه صوم و صلات
خداحافظ موسم برکات
الوداع رمضان۲

تویی ماه عشق و ماه دعا ماه عاشقی و ماه شیدایی
تو دادی برخیل بی خبران ازدرلطفت چشم بینایی
توماه عشق و دعا بودی
توماه عهد و وفا بودی
الوداع رمضان ۲
ترکی
گلیب باشه موسم رمضان جمع اولوبدی خوان کرم افسوس
چاتوب پایانه قوناخلیق آیی ماه ذی حشم و ذوالکرم افسوس
خداحافظ ماه قرآنی
خداحافظ فصل بارانی
الوداع رمضان۲

بو آیدا بیرعده جهدایلدی دیل ایوینده کی آمالینه چاتدی
ولی بیرعده زیان ایلیوب دیلده کی غمدن بی خبریاتدی
گیدیب حیف اولسون بو سرمایه
داخی ال چاتماز بوسودایه
الوداع رمضان۲

بو بیرآییدی اوندا نازل اولوب ختم مرسله آیات سبحانی
ویریب هدیه انس و جنه خدا لیله قدرینده بو قرآنی
حیف اولاقدرین بیلمدیک گیتدی
بیزی هجری باغریقان ایتدی
الوداع رمضان۲

  • دوشنبه
  • 29
  • دی
  • 1399
  • ساعت
  • 23:22
  • نوشته شده توسط
  • یوسف اکبری
ادامه مطلب
 ودود آذرین خلخال

وداع با رمضان -(رمضان گئتدی خدایا قالا راز سحری) * ودود آذرین خلخال

55

وداع با رمضان -(رمضان گئتدی خدایا قالا راز سحری) رمــضان گـيـتـدي خـدايـا؛قالا راز سحري
گيتمسـيـن زنـدگـيدن صوم وصلاتين اثري

گـيـتـمـيه كاش اونـيلان عــمل خير وثواب
گـيـنه آلـديـرمـيا دريـاي گـنه؛ دور و بري

گيتميه كاش اونيلان شب خيرات و برات
اولـمـيا خِسـّت مردم ويران ايتسون شَهَري

گـيـتـمـيـه كـاش اونـيـلان اثـر تـوبــه لريم
زهره دوندرميه عصيان دوداقيمدا شـكري

رمـضان بير آيي دي خلقي گلستانه چكوب
رحـمـتـيـلـن ايـلـيـوب رد قـضـا وقـــدري

رمـضاندا حق و باطل هاميا روشن اولوب
قاتـمـياخ بـيـربـيرينه عمربويي خير وشري

رمـضان؛قـدروي بـيـلديـردي ســنه لـيله قدر
سـنـده بـيـل قـدروي انسان ايلمه خيره سري

بـشـرآگاه اول ئـوزون سـالـمـا بــلاي گـنـهه
ئورگون پاس دوتا؛يوخ يوزرمضانين ثمري

گــلــون هـمـواره دعــاي فـــرج قـائـمـيــلن
نـور بـاران ايـلـيـك حضرته كوي و گذري

(آذرين)؛قائم اولار راه حقه حشره كـيـمـين
اولا گر بنده سـينه حضرت حقـّين نظري

  • دوشنبه
  • 29
  • دی
  • 1399
  • ساعت
  • 23:23
  • نوشته شده توسط
  • یوسف اکبری
ادامه مطلب
 ودود آذرین خلخال

شب قدر و توسل به امام حسین(ع) -(ای بشر قلبه مسلط ایلمه شیطانی) * ودود آذرین خلخال

59

شب قدر و توسل به امام حسین(ع) -(ای بشر قلبه مسلط ایلمه شیطانی) ای بشر قلبه مسلط ایلمه شیطانی
سعی ایله پاک ایده سن دلده اولان عصیانی

لیله القدرگلوبدی در توبه آچلوب
فرصتون واربوگجه راضی ایله یزدانی

خالصانه اوزوی سال بوکرملی قاپیا
آرادا واسطه قوی باشه قویان قرآنی

عرض ایله خالقوه کمدی منیم خیرعملیم
بندوه ایله نظر سن بیل حسینون جانی

آند ویرم سنی اللرده اولن مولایه
نجه کی یاندی سوسوزدان اولب عطشانی

آندویرم سنی الله اوزمانه بوگجه
گودی مقتله دوشدی دوجهان سلطانی

یار و انصاری اولوب داغلی اورک سینه یارا
اوتوروب سینه سی اوسته اوشریر جانی

الی باشدا اویره زینب مضطر گلدی
بیلمورم گورودی نجه مقتل آرا طوفانی

ال آتوب دوتدی او دم خنجربرانی خانم
سو زولوب سینه سلطانه الینون قانی

  • چهارشنبه
  • 1
  • بهمن
  • 1399
  • ساعت
  • 18:04
  • نوشته شده توسط
  • یوسف اکبری
ادامه مطلب
 ودود آذرین خلخال

شب قدر و توسل به حضرت زهرا(س) -(گلدی ماه رمضان جوشدی کرم دریاسی) * ودود آذرین خلخال

70

شب قدر و توسل به حضرت زهرا(س) -(گلدی ماه رمضان جوشدی کرم دریاسی) گلدی ماه رمضان جوشدی کرم دریاسی
چاغیروب سفره سینه حق اوزی کل ناسی

لیله القدریدی سرسفره حقه بوگجه
گتوروب بنده لری دیلده اولان غوغاسی

اوزومی عرض ایلورم منده کی یوخ خیرالعمل
گتوروب تنگه منی شرعملین سوداسی

هامی یردن ال اوزوب گلمیشم الله قاپوا
بندون واردی گناهینده یدطولاسی

بوجمعین حاجتی چوخدی سن اوزون ایله روا
چوخ مریض واردی کی تبدن سارالوب سیماسی

آندویرم سنی اللرده اولن زهرایه
حیدرین همسر غمدیده و مه سیماسی

آندویررم اوزمانه یخلوب پشت دره
فضه نی داده چاغیردی اولب خونپاسی

فضه داده یتیشینجه گیدوب الدن محسن
گوردی الله قاپی اولموش نجه قان دریاسی

در ودیوار آراسیندا دیدی یاندیم ننه گل
سسینی آلدی بهشتدن خانمون آناسی

  • چهارشنبه
  • 1
  • بهمن
  • 1399
  • ساعت
  • 18:06
  • نوشته شده توسط
  • یوسف اکبری
ادامه مطلب
 ودود آذرین خلخال

شب فدر و توسل به حضرت علی(ع) -(بار الها قاپوا عبد پشیمان یخلوب) * ودود آذرین خلخال

78

شب فدر و توسل به حضرت علی(ع) -(بار الها قاپوا عبد پشیمان یخلوب) برالها قاپوا عبد پشیمان یخلوب
بوکرملی قاپیا زار و پریشان یخلوب

یوزی قاره الی بوش نادم و زار
بوگجه درگهوه گبر و مسلمان یخلوب

شب قدرین واریدی مین آیا رجحان یارب
دردمندان اودیکی بابت درمان یخلوب

چوخ مریض واربوگجه گوزلری بومجلسده
بستر محنتینه بوگجه نالان یخلوب

بارالها بوجمعین درد دلی حاجتی وار
قاپیوا عرض نیازه هامی گریان یخلوب

سنی ویرم بوگجه حیدر کراره قسم
او زمانیکه دگوب خنجر عدوان یخلوب

باشینه سجده ده بیریاره ویروب دشمن دین
کوفه محرابینه الله شه مردان یخلوب

تتردی ارض و سما عالمی ماتم بورودی
سس گلوب دین رسول اللهه ارکان یخلوب

ایهاالناس علی قانه باتوب مسجدده
دین ایوی پارچالانوب معنی ایمان یخلوب

فزت یارب بویوروب کعبه نین اوغلی اوزمان
قاچدیلار مسجده هامی ایشیدوب جان یخلوب

قویدولار جسم شریفین گلیم اوسته حسنین
آپاروبلار ایوه ساری آتانی زار و حزین

حال بحال اولدی علی حضرت حق جانان
گلدی هوشه اوزمان بیلدی آقا جریانی

بویوروب بوسوزی حیدر حسنینه علنی
اولدورر زینب اوزین گورسه بوحالیله منی

یره قویسوز اوز ایاقیمله گیدوم منزلیمه
زینبیم آغلاسا والله دوشر آتش دلیمه

  • چهارشنبه
  • 1
  • بهمن
  • 1399
  • ساعت
  • 18:07
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد