بو اوروشلوق آیی چون ماه عبادتدی بیزه
ماه فضل و کرم و لطف و کرامتدی بیزه
باب رحمت آچیلوبدی اوزی مهمان ایستور
باقلانوبدی در دوزخ مرد ایمان ایستور
امتحان ایلیری بو آیدا بیزی رب جلیل
امتحانان چیخا هرکس اولا مانند خلیل
درگهنن هیچ اوزاخدو اوزو احسان ایلر
ذره ی سالسا نظر آتشی رضوان ایلر
جعفر رمضانزاده درآباد
رمضان گلدی خداونده شوکور
آی گوروندو رمضان اولدو بوگون
غصه و غم اورکه دولدو بو گون
رنگ و روخساری چؤنوب سولدو بوگون
رمضان گلدی خداونده شوکور
ایفطاری رنگین اولان‌لار یئیه‌جاق
اوخویوب اوینایاجاق هم د‌ئیه‌جاق
جا‌می آلیب الینه ،هم ایچه‌جاق
رمضان گلدی خداونده شوکور
دیزچوکوب غصه دولوب سینه‌سینه
تویوغون ال ووروری چینه‌سینه
تویوغون قیمتی دیمز نه سینه ؟
رمضان گلدی خداونده شوکور
زولبیه بامیه‌دن شیره آخیر
سوزولور نیشترینی قلبه تاخیر
بؤش الین گیزله‌دیری گؤزده باخیر
رمضان گلدی خداونده شوکور
کاریمندین کئفی‌دیر،گورنه گولور
ساییری آیلیغینی ،گؤزده دولور
سفره‌نی یاده سالیر رنگی سولور
رمضان گل
رمضان اولدو چکیب شاهدِ مئ پرده یه رو
مئ ایچون چنگ توتوب تعزیه آچدی گیسو
بیلدی مطرب کی نه دیر حال گؤتوردو سازی
بزم دن چکدی اَیاغینی صُراحیّ و سبو
بزم قانونی پوزولدو نه ایچون چنگ ایله دَف؟
ییغیشیب ائتمه یه لرحاکم ائشیگین ده غُلُو
رمضان آیی گرک آچیلا رحمت قاپی سی
نه روا کیم اولا میخانه قاپی سی باغلو
فتحِ میخانه ایچون اوخویالیم فاتحه لر
اولا کیم اوزوموزه آچیلا بیر باغلی قاپو
آفتابِ قَدح ائتمز رمضان آیی طلوع
نه بلادیر بیزه یارب نه قرا گون دوربو
انتظارِ مئیِ گلگون ایله بایرام پایینا
باخه ـ باخه اَنَه جَک دیر گؤزوموزه قره سو
رمضان اولدو بودور وَهمی «فضولی نین» کیم
نئچه گون ایچمه یه مئ زهد ایله
ای ماه صیامی بیزه احسان ائدن الله
خوان کرمه بنده نی مهمان ائدن الله
ای ماه مبارکده آچان سفره ی احسان
اوز دعوتین انسانلارا احسان ائدن الله
بو آیدا بیزه لطف ائله توفیق عبادت
ای یوسفه ماهینی نگهبان ائدن الله
بو صوم و صلاتی صلواتی حَسَناتی
ردّ ایلمه ای مشکلی آسان ائدن الله
هر یرده مریض اولسا شفا وئر اوز اَلونله
ای دردلی لرین دردینه درمان ائدن الله
ای یوسفی آزاد ائلین بند بلادن
زنجیرین آچوب مصرده سلطان ائدن الله
هر حاجتِ شرعیّه لری ایله برآورد
سنسن هامی نُقصانلارا جبران ائدن الله
ای حضرت یعقوبی ائدن غصّه دن آزاد
گمگشته سینی وارد کنعان ائدن الله
اوز رحمت آیوندان بیزی گل ائتمه پشیمان
ای آتش ن
افطاره نولور، می من میخواره گلیدی
ساقی می الینده بیزه افطاره گلیدی
آی گویده بولود دالداسنا دالدالانیدی
پرده آتیب ئوزدن بیزه مهپاره گلیدی
یوخ چاره سی درمانی ، اونون وصلی دی دردیم
او گلماقلان دردیمه ده چاره کلیدی
یوخ دردیم علاجی گئنه می مشکل آچاندی
میخانه ده تسکین دل بیماره گلیدی
عکسین گورورم می ده گئنه نازلی نگارین
می دن هیجان بو تن تب داره گلیدی
یاره منی حسرت قویانی حسرته قالسین
الله گونو اهل حسدین قاره گلیدی
یار آیرلقندان ئورگیمده یانار اود وار
بیر خوش خبر اوندان من دل زاره گلیدی
لطف و کرمیله صله ایلوب بارشیدی
وصلتدن آچیب سوز ، سر گفتاره گلیدی
عشقین گل آچیدی آغاجی میوه ویریدی
بو یانمش
انسان تاپار مقام عبادت نمازیله
امرخدایه ایلر اطاعت نمازیله
.
دینون ستون دینی برادر نمازیدور
اولموش بودین وشریعت نمازیله
.
ای تارک صلات ئوزوی سالما زحمته
ائتمه بوقدری وکین وعداوت نمازیله
.
محشرگونی سوال اولی اول نمازیدن
وار بیرحساب روز قیامت نمازیله
.
واردور حدیث مومنه معراجدور نماز
ایلر عروج عرشه اوساعت نمازیله
.
الله یانوندا واردی چوخ عالی فضیلتی
چوخلارتاپوبدی راه سعادت نمازیله
.
محراب کوفه ده بویانوب قانه مرتضی
مسجدده تاپوب فیض شهادت نمازیله
.
اوغلی حسین ده دشت بلایاده تشنه لب
دین مبینه ائتدی حمایت نمازیله
.
دشمن آتاردی اوخلاری حال قیامیده
ترک ائتمدی بولونسون حقیقت نمازیله
.
ظهرزمانی قویدی ی
حکم قرآنیله بنیان عبادتدی نماز
لوحۀ مغفرت یوم قیامتدی نماز
.
بیر گوزه للیک دی کی عقبا ایوین آباد ایلر
عفو سبحانه بویوک مدرک و آیتدی نماز
.
قید ائدوب لر ابدیت ده تجلایه چیخار
کیم نماز قیلسا ،کی تحصیل سعادتدی نماز
.
گل عبودیته ،آزاده لیگین تاپ شرفین
بو باش اندیرمه گه گلتاج سیادتدی نماز
.
روحی شفاف ایلین دیر،گونش آیینه سی تک
جمله عاشقلر اوچون باغ طراوتدی نماز
.
دین اصولینده هدایت یولونون مبدأیی دیر
اعتقادیم بودی معنای هدایتدی نماز
.
قره العین نبی دیر بویوروب ختم رسل
مومنین روحونه امضای طهارتدی نماز
.
سن عبودیتی حریته وورسان پیوند
گوره جکسن نئجه پر عز و شرافتدی نماز
.
نفسی زنجیره چکر،فطرتی تطهیره
ﺭﻣﻀﺎﻥ ﮔﻠﺪﯼ ﺟﻤﺎﻋﺖ ﮔﯿﻨﻪ سلمان ﺍﻭﻻﺟﺎﻕ
ﺩﯾﻦ ﺍﺳﻼﻡ ﺍﻭﺟﺎﻟﻮﺏ ﺧﻠﻖ مسلمان ﺍﻭﻻﺟﺎﻕ
ﮔﻠﻪ ﺟﺎﻕ ﻏﯿﺮﺗﻪ ﻓﺎﺳﻖ،ﺍﻭﻻﺟﺎﻕ ﺍﻫﻞ ﺗﻤﯿﺰ
ﺍﺋﺘﺪﯾﻘﯽ ﻣﻌﺼﯿﺘﻪ ﺟﻤﻠﻪ ﭘﺸﯿﻤﺎﻥ ﺍﻭﻻﺟﺎﻕ
ﺑﺰﻧﻮﺏ ﺧﺎﺭ ﻣﻐﯿﻼﻥ ﮔﯿﺮﻩ ﺟﺎﻕ ﮔﻞ ﺩﻭﻧﻮﻧﺎ
ﻧﺨﻞ ﺳﻨﺠﺪ ﺩﻭﺯﻩ ﻟﻮﺏ ﺳﺮﻭ ﺧﺮﺍﻣﺎﻥ ﺍﻭﻻﺟﺎﻕ
ﻣﺴﺠﺪﻭﻥ ﺗﺎﺧﺠﺎﺳﯽ ﺣﺴﺮﺕ ﻗﺎﻻﺟﺎﻕ ﻣﻬﺮ ﺍﻭﺯﻭﻧﻪ
ﻫﺮﻩ ﺑﯿﺮ ﻣﻬﺮ ﺗﺎﭘﻮﭖ ﺑﻨﺪﻩ ﯼ ﯾﺰﺩﺍﻥ ﺍﻭﻻﺟﺎﻕ
ﺑﯿﺮ ﻣﺤﺮﻣﺪﻩ ﭼﯿﺨﻮﺏ ﺷﺎﻫﻘﻠﯽ ﺑﯿﮓ ﻣﺴﺠﺪﺩﻥ
ﺑﯿﺮﺩﻩ ﺑﻮ ﺁﯾﺪﺍ ﮔﻠﻮﺏ ﺩﺍﺧﻞ ﺍﯾﻮﺍﻥ ﺍﻭﻻﺟﺎﻕ
اون بیر آیدور یومویوبدر ال اوزین یارقلی خان
ایندی حمامه گئدوب شاد و خرامان اولاجاق
ﻗﻮﻻﻗﯿﻦ ﺩﻭﺭﺩ ﺍﺋﻠﯿﻮﺏ ﻣﺎﻟﻠﯿﺎ ﺁﻏﺰﯾﻦ ﺁﭼﺎﺟﺎﻕ
ﺑﺎﺷﯿﻨﯽ ﺳﯿﻠﮑﻪ ﻟﯿﻮﺏ ﻭﺍﻟﻪ ﻭ ﺣﯿﺮﺍﻥ ﺍﻭﻻﺟﺎﻕ
ﺁﻻﺟﺎﻕ ﻣﻨﺒﺮﯾﻦ ﺍﻃﺮﺍﻓﯿﻨﯽ ﭘﻮﻟﺴﻮﺯ ﻟﻮﻃﯿﻼﺭ
ﭘﻮﻟﻠﻮﻻﺭ ﮔﻠﺴﻪ ﺩﻩ ﺑﯿﺮ ﮔﻮﺷﻪ ﺩﻩ ﭘﻨﻬﺎﻥ ﺍﻭﻻﺟﺎﻕ
ﻫﺮ ﮐﯿﻤﯿﻦ ﺧﻮﺵ ﺳﺴﯽ ﻭﺍﺭ ﺩﺍﻣﺪﺍ ﻣﻨﺎﺟﺎﺕ ﺍﺋﺪﻩ ﺟﺎﻕ
ﺁﭼﯿﻠﻮﺏ ﺣﻨﺠﺮﻩ ﺳﯽ ﺑﻠﺒﻞ ﺧﻮﺷﺨﻮﺍﻥ ﺍﻭﻻﺟﺎﻕ
هر ﺍﻭﭺ ﺍﺋﻮﺩﻥ ﺑﯿﺮﯼ ﻻﺯﯾﻤﺪﯼ ﭼﯿﺨﻮﺏ ﻭﺋﺮﺳﯿﻦ ﺍﺫﺍﻥ
ﺑﺨﺘﯽ ﻗﺎﺭه ﺧﺮﻭﺳﯿﻦ ﻗﯿﻤﺘﯽ ﺍﺭﺯﺍﻥ ﺍﻭﻻﺟﺎﻕ
ﺁﯼ ﻗﻮﺗﻮﻟﺠﺎﻕ ﺑﺎﺗﺎﺟﺎﻕ ﺟﻤﻠﻪ ﻧﻔﺴﻠﺮ ﻫﺎﻣﻮﺳﯽ
ﻧﻪ ﺍﺫﺍﻧﭽﯽ ﻧﻪ ﻣﻨﺎجاتچی ﻧﻪ ﻗﺮﺁﻥ ﺍﻭﻻﺟﺎﻕ
ﺍﻭﺭﻭﺟﻮﻥ ﻣﯿﻞ ﺍﺋﻠﯿﻨﻠﺮ ﮔﺌﺪﻩ ﺟﺎﻗﻼﺭ ﺳﻔﺮﻩ
ﮔﺰﻩ ﺟﺎﻕ ﻫﺮ ﯾﺎﻧﯽ ﺯﻭﺍﺭ ﺧﺮﺍﺳﺎﻥ ﺍﻭﻻﺟﺎﻕ
ﻗﻮﺗﻮﻟﻮﺭ ﻣﺎﻩ ﻣﺒﺎﺭﮎ ﻋﻤﻮﺩﺍﻥ ﮔﻠﺪﯼ ﺧﺒﺮ
ﺑﯿﺴﺖ ﻫﻔﺘﻢ ﮔﺌﺠﻪ ﺳﯽ ﻭﺍﺭﺩ ﺗﻬﺮﺍﻥ ﺍﻭﻻﺟﺎﻕ
ﺍﻭ ﺁﺩﺍﻣﻼﺭ ﮐﻪ ﻭﺋﺮﻭﻟﺮ ﺗﻮﻣﻨﯽ ﺑﯿﺮ ﻗﺮﺍﻧﺎ
سیره ﻟﺮﺩﻩ ﮔﺌﺠﻪ ﻟﺮ ﻗﺎﺭﯼ ﻗﺮﺁﻥ ﺍﻭﻻﺟﺎﻕ
دوزه جاق نعمت الوانی داداش سفرلره
فقرانین بو جهتدن اورگی قان اولاجاق
ﭼﮑﻪ ﺟﺎﻕ ﺭﺷﻮﻩ ﭘﻮﻟﯿﻨﺎﻥ ﭘﻠﻮﯼ ﺩﻭﺭﯼ ﻟﺮﻩ
ﺁﺗﺎﺳﯿﻦ ﯾﺎﺩﻩ ﺳﺎﻟﻮﺏ ﻣﺎﯾﻞ ﺍﺣﺴﺎﻥ ﺍﻭﻻﺟﺎﻕ
بئش ﻗﺮﺍﻧﻠﻮﻕ ﺍﺗﻪ ﻗﺎﺩﺭ ﺩﮔﯽ ﺑﯿﭽﺎﺭﻩ ﮐﺎﺳﺐ
ﯾﺪﯾﮕﯽ ﺳﻮﺯﻣﻪ ﻗﺎﺗﻖ ﺍﯾﭽﺪﯾﮕﯽ ﺁﯾﺮﺍﻥ ﺍﻭﻻﺟﺎﻕ
ﺗﺮﮎ ﻋﺎﺩﺕ ﺍﺋﺪﻩ ﺟﮏ ﻣﺸﺪﯾﻨﻮﻥ ﺍﺧﻼﻗﯿﻦ ﻋﻮﺽ
ﺧﺸﮕﻪ ﺑﯿﺮ ﻣﻄﻠﺒﻪ ﺍﺣﻮﺍﻟﯽ ﭘﺮﯾﺸﺎﻥ ﺍﻭﻻﺟﺎﻕ
ﺧﺮﻣﮕﺲ ﺗﮏ ﮔﻠﻨﻪ ﻧﯿﺶ ﻭﯾﺮﻭﺏ ﺍﯾﻨﺠﯿﺪﻩ ﺟﺎﻕ
ﮔﻠﻪ ﺟﮏ ﺗﻨﮕﻪ ﺩﯾﻠﯿﻨﺪﻥ ﻫﺎﻣﯽ ﺗﺮﺳﺎﻥ ﺍﻭﻻﺟﺎﻕ
ﺩﻭﻻﺟﺎﻕ ﻣﺴﺠﺪ ﻭ ﻣﺤﺮﺍﺏ ﺟﻤﺎﻋﺖ ﺳﻮﺭﯼ ﺗﮏ
ﺍﻟﺪﻩ ﺗﺴﺒﯿﺢ ﻫﺎﻣﯽ ﻋﺎﺑﺪ ﺩﻭﺭﺍﻥ ﺍﻭﻻﺟﺎﻕ
ﺑﯿﻨﻮﺍ ﻭﺍﻋﻆ ﺷﻬﺮﯾﻦ ﺑﻮﻏﺎﺯﯼ ﯾﺮﺗﯿﻼﺟﺎﻕ
ﻣﺠﻠﺲ ﻣﻮﻋﻈﻪ ﺍﺯ ﺑﺴﮑﻪ ﻓﺮﺍﻭﺍﻥ ﺍﻭﻻﺟﺎﻕ
ﻗﻮﯾﺎﺟﺎﻗﺪﻭﺭ ﻫﺮﻩ ﺑﯿﺮ ﺷﯿﺸﻪ ﯼ ﮐﻮﭼﮏ ﺟﯿﺒﯿﻨﻪ
بئش ﻗﺮﺍﻥ ﻋﻄﺮﻩ ﻭﺋﺮﯾﺐ ﺩﺳﺘﻪ ﯼ ﺣﯿﺮﺍﻥ ﺍﻭﻻﺟﺎﻕ
ﺑﻌﻀﯽ ﺍﻓﻄﺎﺭﯾﻦ ﺁﭼﻮﺏ ﺟﺎﻥ ﺑﺎﺳﺎﺟﺎﻕ ﻗﻬﻮﻩ ﻟﺮﻩ
ﺑﺎﺷﯽ ﻧﻘﻠﻪ ﻗﯿﺰﯾﺸﻮﺏ ﺗﺎ ﮐﻪ ﺍﻭﺑﺎﺷﺪﺍﻥ ﺍﻭﻻﺟﺎﻕ
ﮐﺒﻼﺋﯽ ﺗﻮﺑﻪ ﺍﺋﺪﻭﺑﻮﺭ ﯾﺎﻏﺎ ﭘﯽ ﻗﺎﺗﻤﯿﺎﺟﺎﻕ
ﻣﺸﻬﺪﯼ ﺍﯾﻠﺪﯾﮕﯽ ﻇﻠﻤﻪ ﭘﺸﯿﻤﺎﻥ ﺍﻭﻻﺟﺎﻕ
ﻫﺮ ﮐﺲ ﺍﻭﺯ ﺑﺪ ﻋﻤﻠﯿﻨﺪﻥ ﺍﺋﺪﺟﮏ ﺍﺳﺘﻐﻔﺎﺭ
ﻧﻮﺭ ﺍﯾﻤﺎﻧﯿﻠﻪ ﻫﺮ ﻗﻠﺐ ﭼﺮﺍﻏﺎﻥ ﺍﻭﻻﺟﺎﻕ
ﺍﺗﺤﺎﺩﯾﻠﻪ ﻋﻠﯽ ﻧﻮﮐﺮﯼ ، ﺯﻫﺮﺍ ﮐﻨﯿﺰﯼ
ﮔﻠﻪ ﺟﺎﻕ ﻣﺴﺠﺪﻩ ﯾﺮ ﮐﺜﺮﺕ ﻭ ﻃﻐﯿﺎﻥ ﺍﻭﻻﺟﺎﻕ
ﮔﻠﻪ ﺟﺎﻕ ﺩﺳﺘﻪ ﺑﻪ ﺩﺳﺘﻪ ﺑﺎﺟﯿﻼﺭ ﻣﻮﻋﯿﻈﯿﻪ
ﻣﺴﺠﺪﯾﻦ ﻫﺮ ﻃﺮﻓﯽ ﺭﻭﺿﻪ ﯼ ﺭﺿﻮﺍﻥ ﺍﻭﻻﺟﺎﻕ
ﮔﺰﻩ ﺟﺎﻕ ﮐﻮﭼﻪ ﻟﺮﯼ ﻫﺎﺭﺩﺍ ﮔﻮﺭﺍﺥ ﻣﺮﺛﯿﻪ ﻭﺍﺭ
ﺳﻮﺧﻮﻟﻮﺏ ﻫﺮ ﺍﺋﻮﻩ ﻫﺮ ﺳﻤﺘﻪ ﺷﺘﺎﺑﺎﻥ ﺍﻭﻻﺟﺎﻕ
ﺑﻌﻀﯽ ﻗﯿﺰﻻﺭ ﮐﻪ ﻧﻪ ﺍﻟﻠﻪ ﻧﻪ ﭘﯿﻤﺒﺮ ﺗﺎﻧﯿﯿﻮﺏ
ﺁﯾﺮﯼ ﯾﺮﻟﺮﺩﻩ ﮔﺰﻭﺏ ﻣﺮﺛﯿﻪ ﻋﻨﻮﺍﻥ ﺍﻭﻻﺟﺎﻕ
ﺁﻧﺎﻻﺭ ﻫﺮ ﺑﯿﺮﯼ ﺑﯿﺮ ﺩﻭﻧﺒﮏ ﺁﻟﻮﺏ ﻗﻮﻟﺘﻮﻗﻮﻧﺎ
ﻭﻧﮕﻪ ﻭﻧﮕﯿﻠﻪ ﮔﻠﻮﺏ ﺍﻭﺭﺩﺍ ﻧﻮﺍ ﺧﻮﺍﻥ ﺍﻭﻻﺟﺎﻕ
ﭼﮑﻪ ﺟﺎﻗﻼﺭ ﺁﺭﺍﺩﺍﻥ ﭘﺮﺩﻩ ﮐﻪ آرواد ﮐﯿﺸﻨﻮﻥ
ﺁﺭﺍﺳﯿﻨﺪﺍ ﺍﻭ ﻫﻤﺎﻥ ﭘﺮﺩﻩ ﻧﮕﻬﺒﺎﻥ ﺍﻭﻻﺟﺎﻕ
ﺍﻭ ﻃﺮﻓﺪﻩ ﮐﯿﺸﯿﻠﺮ ﺑﺎﺷﻪ ﻭﻭﺭﻭﺏ ﺁﻏﻠﯿﺎﺟﺎﻕ
ﺑﻮ ﻃﺮﻓﺪﻩ ﺑﺎﺟﯿﻼﺭ ﮔﻞ ﮐﯿﻤﯽ ﺧﻨﺪﺍﻥ ﺍﻭﻻﺟﺎﻕ
ﺳﺎﻻﺟﺎﻗﺪﻭﺭ ﺍﻟﻪ ﻣﻠﺖ ﻫﺮﻩ ﺑﯿﺮ ﮐﻬﻨﻪ ﺑﯿﺎﺽ
ﻇﺎﻫﺮﺍ ﺑﻨﺪﻩ ﯼ ﭘﺎﮐﯿﺰﻩ ﯼ ﺳﺒﺤﺎﻥ ﺍﻭﻻﺟﺎﻕ
ﺍﺋﻠﻪ ﮐﻪ ﭼﯿﺨﺪﯼ ﺍﻭﺭﻭﺟﻠﻮﻕ ﮔﺌﺪﻩ ﺟﺎﻕ ﺍﻭﺯ ﺍﯾﺸﯿﻨﻪ
ﮔﯿﻨﻪ ﺍﻭﻟﮑﯽ ﮐﯿﻤﯽ ﻣﺮﺷﺪ ﺷﯿﻄﺎﻥ ﺍﻭﻻﺟﺎﻕ
ﯾﯿﻪ ﺟﺎﻕ ﻣﺎﻝ ﯾﺘﯿﻤﯽ ﺁﭼﺎﺟﺎﻕ ﻇﻠﻢ ﺍﻟﯿﻨﯽ
ﻗﯿﺰﺍﺩﻭﺏ ﺻﻮﺭﺗﯿﻨﯽ ﻣﺜﻞ ﺑﺎﺩﻣﺠﺎﻥ ﺍﻭﻻﺟﺎﻕ
ﻗﻮﺭﺥ ﺍﻭ ﮔﻮﻧﺪﻥ ﮐﺴﻪ ﺁﻣﺎﻟﻮﯼ ﻣﻘﺮﺍﺽ ﺍﺟﻞ
ﺳﯿﻨﻮﻥ ﺍﻭﺳﺘﻪ ﻣﻠﮏ ﺍﻟﻤﻮﺕ ﻧﻤﺎﯾﺎﻥ ﺍﻭﻻﺟﺎﻕ
ﯾﺎﺭ ﻭ ﯾﻮﻟﺪﺍﺵ ﻗﻮﯾﺎﺟﺎﻕ ﺗﮏ ﺩﺍﺷﯿﻦ ﺁﻟﺘﯿﻨﺪﺍ ﺳﻨﯽ
ﻗﺒﺮ ﺍﯾﭽﯿﻨﺪﻩ ﺑﺪﻧﻮﻥ ﺧﺎﮐﯿﻠﻪ ﯾﮑﺴﺎﻥ ﺍﻭﻻﺟﺎﻕ
ﻋﺪﻝ ﻣﺴﺘﻨﻄﻘﯽ ﺳﻨﺪﻥ ﺁﻻﺟﺎﻕ ﺗﻮﺿﯿﺤﺎﺕ
ﺣﯽ ﻭ ﻗﻬﺎﺭ ﺍﺋﻠﯿﻦ ﻋﺪﻟﯿﻠﻪ ﺩﯾﻮﺍﻥ ﺍﻭﻻﺟﺎﻕ
ﯾﺪﯾﮕﻮﻥ ﻧﻔﻊ ﺭﺑﺎﻟﺮ ﮔﻠﻪ ﺟﺎﻕ ﺑﻮﺭﻧﻮﻧﺪﺍﻥ
ﻟﯿﺮﻩ ﻟﺮ ﻫﺮ ﺑﯿﺮﯼ سی ﺁﺗﺶ ﺳﻮﺯﺍﻥ ﺍﻭﻻﺟﺎﻕ
ﯾﯿﻐﺪﯾﻘﻮﻥ ﺛﺮﻭﺗﯽ ﺗﻘﺴﯿﻢ ﺍﺋﺪﻩ ﺟﮑﺪﻭﺭ ﻭﺭﺛﻪ
ﺧﺎﻧﻤﻮﻥ ﺍﻭﺯﮔﯿﯿﻪ ﻫﻤﺨﻮﺍﺑﻪ ﯼ ﺟﺎﻧﺎﻥ ﺍﻭﻻﺟﺎﻕ
ﻭﺍﯼ ﺍﻭ ﺷﺨﺼﻪ ﮐﻪ ﮐﺘﺎﺑﯿﻦ ﻭﺋﺮﻟﺮ ﺻﻮﻝ ﺍﻟﯿﻨﻪ
ﺑﺎﺧﻮﺏ ﺍﻭﺯ ﻧﺎﻣﻪ ﯼ ﺍﻋﻤﺎﻟﯿﻨﻪ ﮔﺮﯾﺎﻥ ﺍﻭﻻﺟﺎﻕ
ﺧﻮﺵ ﺍﻭ ﺍﺷﺨﺎﺻﻠﺮﯾﻦ ﺣﺎﻟﯿﻨﻪ ﯾﻮﻡ ﺍﻟﻌﺮﺻﺎﺕ
ﮐﻪ ﺷﻔﺎﻋﺘﭽﯽ ﻟﺮﯼ ﺷﺎﻩ ﺷﻬﯿﺪﺍﻥ ﺍﻭﻻﺟﺎﻕ
ﻧﻘﺪﺭ ﺳﺎﻏﺪی کریمی ﯾﺎﺯﺍﺟﺎﻕ ﺷﻌﺮ ﻭ ﻏﺰﻝ
ﺳﺆﺯﯼ ﻫﺮ ﻋﺼﺮﯾﺪﻩ ﻫﺮ ﺷﻬﺮﯾﺪﻩ اعلان ﺍﻭﻻﺟﺎﻕ
ﺑﺎﺭ ﺍﻟﻬﺎ ﺑﯿﺰﻩ ﺳﻦ ﻟﻄﻒ ﺍﺋﻠﻪ ﺗﻮﻓﯿﻖ ﻋﻤﻞ
ﺍﻭﻟﻤﺎﺳﺎ ﺧﺎﻟﺺ ﻋﻤﻞ ﺩﺭﺩﻩ ﻧﻪ ﺩﺭﻣﺎﻥ ﺍﻭﻻﺟﺎﻕ
یئتیش ﺍﻣﺪﺍﺩﯾﻤﯿﺰﻩ ﺟﺎﻥ یئتیشنده ﺩﻭﺩﺍﻗﺎ
ﺍﻭﻧﺪﺍ ﮐﻪ ﺟﺎﻥ ﻗﻔﺲ ﺗﻦ ﺩﻩ ﻫﺮﺍﺳﺎﻥ ﺍﻭﻻجاق
ای اهل دین و تقوا چاتدی باشا اورجلوق
آغلاردی اهل معنا چاتدی باشا اورجلوق
زینُ العبادین اشکین توصیف ائدیم نه نوعی
واله او اشکه دریا چاتدی باشا اورجلوق
ایستیر تاپا خلاصی بند اسارتیندن
شیطانِ پست دنیا چاتدی باشا اورجلوق
دنیا حدیثه باخسان جنّتدی اهلِ کُفره
فکر ایله سن بو اثنا چاتدی باشا اورجلوق
بیر باب جنّت الله لطف ایلمیشدی بیر آی
مؤمنلره مهیّا چاتدی باشا اورجلوق
خوش حالینه او کس که درک ایلدی بو آیی
قیمت اونا یوخ اصلا چاتدی باشا اورجلوق
صد حیف اولا عزیزان ختم اولدی ماه رحمت
شوّالیدندی فردا چاتدی باشا اورجلوق
نفسیله عقل و عشقین احوالی باخ یاماندی
باشلاندی جنگ و دعوا چاتدی باشا اورجلوق
آهو کیمی چیخوبدوی داغلار باشیندا گزسّون
اوج ایلیوبدی اعلا چاتدی باشا اورجلوق
عجزیله واردی ایندی بیر خواهشیم الهی
عفو ائت جهانی یکجا چاتدی باشا اورجلوق
مؤمنلره چتیندی، یاتسون، چتین بو گونلر
یاتماز ائدلّه نجوا چاتدی باشا اورجلوق
لیلهُ القدری وما اَدراکَ ای طاها دئدون
ایلدون تشریح مین آیدان اونی اعلا دئدون
بیلمورم مین آی عدد دور یاکه کثرت گورسدور
بیر شب قدری فضیلتده بئله بالا دئدون
گور نئجه مخلوقیوه سن خالق رحمانسن
بیر گئجه العفوی مین ایل اجرته دارا دئدون
صد هزاران بار العفو ای کریم مهربان
کلمه‌ی العفوی بیلدوم هر ندن والا دئدون
توبه درگاهین آچوبسان منده عفوه گلمیشم
بیلمشم چون توبه‌نی هر امردن اولا دئدون
گچ گناهیم پاک ائله پرونده نی وئر مهدیه
چون او مولا ایلیور پرونده نی امضا دئدون
پرده چک قویما قبیح اعمالیمی مهدی گوره
چون او شاهی "زعفره" تک رهبر و مولا دئدون
مؤمنان مژده که ماه رمضان می آید
ماه قرآن و مناجات و اذان می آید
این همان ماه خدا، ماه قیام است و قعود
که زانفاس خوشش راحت جان می آید
ماه تسبیح و دعا و صلوات است و صیام
کرم و جود و سخاوت به جهان می آید
مژده از خالق یکتا به تو ای عبد ذلیل
بهر هوشیاری از این خواب گران می آید
با قدومش ز شمیم خوش جنّات برین
نِکهتی بر دل هر پیر و جوان می آید
آید این ماه که از یمن و صفای قدمش
روح تازه به تن آدمیان می آید
چلچراغی است همین ماه که ازچشمه آن
نور توحید به این کون و مکان می آید
رمضانی که شب قدر درآن مستتر است
مایۀ عزّت مردان و زنان می آید
(آذرین) گفت : خدایا به دلم دراین ماه
خبراز صاحب بر حقّ زمان می آید؟
ترکی
رمضان آیی گلور جلویه ایمان گلوری
اوْل مناجات آیی ؛ اوْل موسم قرآن گلوری
بو قیامیله قعودین آیی ؛ الله آیی دور
که خوش انفاسینه تن اولکه سینه جان گلوری
ماه تسبیح و دعادی ؛ مه صلْوات و صیام
کفر نابود اولوری ؛ ساحَت ایمان گلوری
حق یکتا طرفیندن بیزه وارمژده ی وصل
داخی هیجران قوتاروب دردلره درمان گلوری
گلمگیلن یئر اوزی عطر جنانیله دولور
یئره گویدن عجبا؛ حوری و غلمان گلوری
بو نه آیدور که دوتوب نور خدا ماخَلَقی
ذکرو تسبیحه بو آی عالم امکان گلوری
رمضاندا شب قدرین مین آیا رجحتی وار
ایله بیل گلشنه قیش فصلی؛بهاران گلوری
(آذرین) سنده دعا ایله گله صاحب عصر
نوْلی بیرگون ایشیدک خسرو خوبان گلوری
رمــضان گـيـتـدي خـدايـا؛قالا راز سحري
گيتمسـيـن زنـدگـيدن صوم وصلاتين اثري
گـيـتـمـيه كاش اونـيلان عــمل خير وثواب
گـيـنه آلـديـرمـيا دريـاي گـنه؛ دور و بري
گيتميه كاش اونيلان شب خيرات و برات
اولـمـيا خِسـّت مردم ويران ايتسون شَهَري
گـيـتـمـيـه كـاش اونـيـلان اثـر تـوبــه لريم
زهره دوندرميه عصيان دوداقيمدا شـكري
رمـضان بير آيي دي خلقي گلستانه چكوب
رحـمـتـيـلـن ايـلـيـوب رد قـضـا وقـــدري
رمـضاندا حق و باطل هاميا روشن اولوب
قاتـمـياخ بـيـربـيرينه عمربويي خير وشري
رمـضان؛قـدروي بـيـلديـردي ســنه لـيله قدر
سـنـده بـيـل قـدروي انسان ايلمه خيره سري
بـشـرآگاه اول ئـوزون سـالـمـا بــلاي گـنـهه
ئورگون پاس دوتا؛يوخ يوزرمضانين ثمري
گــلــون هـمـواره دعــاي فـــرج قـائـمـيــلن
نـور بـاران ايـلـيـك حضرته كوي و گذري
(آذرين)؛قائم اولار راه حقه حشره كـيـمـين
اولا گر بنده سـينه حضرت حقـّين نظري
برالها قاپوا عبد پشیمان یخلوب
بوکرملی قاپیا زار و پریشان یخلوب
یوزی قاره الی بوش نادم و زار
بوگجه درگهوه گبر و مسلمان یخلوب
شب قدرین واریدی مین آیا رجحان یارب
دردمندان اودیکی بابت درمان یخلوب
چوخ مریض واربوگجه گوزلری بومجلسده
بستر محنتینه بوگجه نالان یخلوب
بارالها بوجمعین درد دلی حاجتی وار
قاپیوا عرض نیازه هامی گریان یخلوب
سنی ویرم بوگجه حیدر کراره قسم
او زمانیکه دگوب خنجر عدوان یخلوب
باشینه سجده ده بیریاره ویروب دشمن دین
کوفه محرابینه الله شه مردان یخلوب
تتردی ارض و سما عالمی ماتم بورودی
سس گلوب دین رسول اللهه ارکان یخلوب
ایهاالناس علی قانه باتوب مسجدده
دین ایوی پارچالانوب معنی ایمان یخلوب
فزت یارب بویوروب کعبه نین اوغلی اوزمان
قاچدیلار مسجده هامی ایشیدوب جان یخلوب
قویدولار جسم شریفین گلیم اوسته حسنین
آپاروبلار ایوه ساری آتانی زار و حزین
حال بحال اولدی علی حضرت حق جانان
گلدی هوشه اوزمان بیلدی آقا جریانی
بویوروب بوسوزی حیدر حسنینه علنی
اولدورر زینب اوزین گورسه بوحالیله منی
یره قویسوز اوز ایاقیمله گیدوم منزلیمه
زینبیم آغلاسا والله دوشر آتش دلیمه
سینمه غصه دولوب جرم و خطا خاطرینه
گلمیشم درگهوه لطف و عطا خاطرینه
قلبیمی کینه و نخوت چویوروب قاره داشا
اورگیم قاندی خدا جور و جفا خاطرینه
عملیم کمدی ولی کلی ریا ایلمیشم
یوخ ثوابی ایشیمون ریب و ریا خاطرینه
لیله القدریدی نادمدی توکور اشک ترین
ظلمت شبده گوزوم نور و ضیا خاطرینه
چوخ مریض وار بوگجه محنتی چوخدی پولی یوخ
گوزی یاشلی سنی سسلولّه شفا خاطرینه
چوخدی دردیم اورگیم قاندی اوزوم غرق گناه
من اوزی قاره گلیب ایمدی دوا خاطرینه
سنی ویرم قسم اجلالوه ای رب کریم
بوگجه بندوی عفو ایله رضا خاطرینه
کاخ ظلامه گیدوب میل ایلدی انگوری
جیگری پارچالانوب زهر جفا خاطرینه
بیله احواله دوشن وقتده جوادین چاغیروب
گل اوغول طوسه اوزون بزم عزا خاطرینه
آخرین دمده اوغول گل باشیمی آل قوجاغا
گوزیاشیم جاری اولور کرب و بلا خاطرینه
در آهنگ(صحرا صحرا دویده ام)
شکر اولسون آلاها گلوب ماه غفران رمضان
ماه لطف و عنایت و جود و احسان رمضان
درگاه ذات اَقدسه کیم بو آیدا یخیلا
دوز گلسه جان مرتضی الله قویماز یخیلا
ای ماه خدا رمضان
سرشار عطا رمضان
قرآن آیی،بخشش آیی
وار سنده صفا رمضان
لطف ایله خدای من
سن ستار العُیوبی سن من باشدان باشه عُیوب
من غرق اولسام گناهیده سن سن غفارِ ذُنوب
سن رحمان رحیمی سن ای لطفی حَدَن آشان
آدون درده دوادی ای گِج کوسوب تئز باریشان
پروندَ‌می آلمیش عُیوب
غم قلبیمه ائتدی رسوب
من غرق گناهم و سن
رحمان و رحیم و رئوف
لطف ایله خدای من
ای یوخدان خلق ائدن واری لطفونده واردی گوزوم
یاده دوشدوخجه غفلتیم شرمسار اولام ئوزوم
عصیانیله بورونموشم معبودیم توت الیمی
قابوندا هی سورونموشم معبودیم توت الیمی
ای بحر سخا و کرم
هرگون آدیوی اوپرم
قویما ایتیرم یولومی
درگاهیوه منده گلَم
لطف ایله خدای من
یتوبدی باشه دوباره مه عزیز صیام
ییغیشدیرور بو گوزل سفره نی خدای انام
بیر عده کامه چاتوب تاپدی معرفت یولونی
گئدور وقاریله دنیاده منزلت یولونی
بیرعده من کیمی اما قالوبدی سرگردان
هنوز واردی وجودینده جامه ی عصیان
و لیک واردی امیدیم حق توانایه
منیمده باشیمه لطف ایلیه سالا سایه
دوتا منیم الیمی قویمیا قالام حیران
الیمی دوتماسا گر،آللادار منی شیطان
گلن صیامه کیمین نوریله دولا قلبیم
سرای معرفت کردگار اولا قلبیم
گلون وداع الیک موسم صیامیله
قلمده جاری،اولان قدرت کلامیله
دعای شام ونوای سحر خداحافظ
صباح نور و مساء ظفر خداحافظ
نوای نیمه شب و ربنا خداحافظ
دعای اغفروهم اتنا خداحافظ
سنی وداع ائدورم بیر قوناق کیمی ای مه
مه ضیافت دادار ، فی امان الله
دئمم که اهل عبادت،دئمم که لایقووم
خدا بیلورکه سنون قلبیدن من عاشقووم
سالوبدی جانیمه رعشه سنون بو آیریلیقون
ویروبدی روحیمه خدشه سنون بو آیریلیقون
وداع سوزی دل زاری همیشه قان ایلر
وفالی عاشقی مستغرق فغان ایلر
وداع سوزی یارا ویردی بوقلب ناشاده
وداع شاه شهیدی قلم سالوب یاده
پرآچدی طایرطبعیم گینه سمایه طرف
یول آلدی تا گئده شوریله کربلایه طرف
ده محرم او مأواده عصر ساعاتی
بنات فاطمه نون او اسفلی حالاتی
تنور شعله سی تک گون شاخور یره گویدن
یتور مرادینه گویا،سپاه اهریمن
اثر ائدوبدی سوسوزلوق عیال طاهایه
فغان و ناله سرادن چیخور ثریایه
باتوبدی قانه جوانان هاشمی تک تک
گیوبله هاموسی گویا که قرمزی کوینک
چیخوبدی یاددان عطش خیمه گاه عترتده
آچوبدی باشینی زهرا سرای جنتده
فقط قالان بیرحسیندور،که یوخدی یاراسی
نه واردی قاسم و اکبر نه واردی عباسی
وداع آخریدی ،شاه دین یارالیدی
وصاله چوخ تلسوب نی کیمین نوالیدی
مخدرات حرم دورینی آلوب شاهون
ستاره لر دیه سن باشینه دونور ماهون
چاغوردی بیربیر اوشاقلاری کامیاب ائتدی
بو منظره جگر عالمی کباب ائتدی
سفارش ایلدی بیر بیر بنات طاهایه
یاخیندی قانیم آخا ، جوریلن بو صحرایه
یتوبدی لحظه ی هجران وداع آخردی
یاخیندی تا گوره سوز سیزحسین بی سردی
اوجالماسون گویه سیزدن صدای واویلا
وریلسه غارته دستور قورخمیون اصلا
فقط قاچون داغیلون جمله دشت وصحرایه
قالانی ئولدوره جک فرقه ی فرومایه
بو چوللرون گجه من درمیشم تیکانلارینی
مباد تا گوره سوز ایندی سیز زیانلارینی
و بیرده آگه اولون بو مهم مطلبدن
اماندی چکمیون ال دلشکسته زینبدن
منیم باجیم سیزی جان تک حمایت ایلیه جک
امیرکوفه نی غرق مذلت ایلیه جک
اوتانماز اهل جفا یوزده اشک نابوزدن
فقط مراقب اولون عصمت و حجابوزدن
خلاصه اهل و عیالی اودم وداع ائتدی
قتاله ساری یول آلدی ،وقاریلن گتدی
نچه قدم اوزاق اولدی دونوب دالا باخدی
بوباخماقیلا دل عرشی یاندیروب یاخدی
چاغوردی زینب کبرانی شاه دلخسته
گل ای حسینه اولان عاشقانه وابسته
باجی گورنده منی قان ایچینده صبر ایله
نه باشه وور نه دکی صبر مرکبین پی له
آخور سو چوللره گر چه ولی من عطشانم
داخی نه غم بو گجه مرتضایه مهمانم
کچنمورم ولی بو بیر قضیه دن زینب
مواظب ال او سه ساله رقیه دن زینب
الونده عزیله ساخلا بو بیرق دینی
فنایه قویما گیده ختم مرسل آیینی
یاخوندی تا گوره سن پیکریمده سر یوخدی
منی آرایه آلان داشدی نیزه دی اوخدی
گوروب بو منظره نی صبر خانه سین ییخما
ئوزوندن ای یم عصمت مواظب ،اول چیخما
یتنده سوز بو یره زینبی کباب ائتدی
آخیندی دیده لری هوشیدن خانم گتدی
اثر ائدوبدی بو صحنه وفالی قارداشینا
الین قویوبدی حسین تز اور گینون باشینا
بو دمده زینب علیا گینه حالا گلدی
توکوبدی سیل سرشگین و لیک دینجلدی
دیدی،گئدورسن اگر مانع اولمارام قارداش
سارالمارام دئمورم یا که سولمارام قارداش
بوهجره سانما باجون دلده تاب وطاقتی وار
وفالی فاطمه نون منده بیر امانتی وار
امانتی که وئروب فاطمه منه تک دی
اوز اللریله توخونموش،حریر کوینکدی
سفارش اتمیشیدی چوخ گجه،آنام زهرا
گییندیرر سن حسینه،یتیشسه عاشورا
اونی ئوزوم توخودوم سیزبالا یاتان گجه لر
سینان قابورقالاریم آغریدان یانان گجه لر
آلوبدی کوینگی حضرت جهانی داغلاتدی
گینده اگنینه بیرده باجیسین آغلاتدی
بوکوینگه دئدی مستور بو بدن اولسون
خوشام منه بو ننم تحفه سی کفن اولسون
ولی امان فلکون چرخ کجمداریندن
اوتانمادی خانیمون چشم اشکباریندن
دولاندی کج دل زهرایه گتدی چوخ محنت
اوکوینگی ده جفا اهلی ایلدی،غارت
اماندی ساخلا قلم(ناعما) اورک یاندی
قلم بو غمده گلوب داده، دفتر اودلاندی
رمضان آیی گلر مرحمت انسانه طرف
آچیلار گوی قاپیسی جمله محبّانه طرف
خوان الطاف و کرم عرض و سمایه سَریلیب
رهسپاریدور هامی سفرهٔ احسانه طرف
کیم که مشغول عبادت اولا افطار و سحر
یوز قویار هر عملی ساحتِ سبحانه طرف
میزبان الله اولا،بنده قوناخ درگهینه
یاغدیرار بارش نعماتینی مهمانه طرف
سسله آللّٰهی باغیشلار سنی بو آیدا یقین
باغلی‌دیر هر رمضان قلب ائوی شیطانه طرف
هرنه دردین اولا بیل چاره‌سی الله‌دی فقط
گئتور هر مشکلیوی مرجع درمانه طرف
روسیَه‌سن گر«امین»بیرده گئنه دوی قاپیسین
توبه‌سین ردّ ائلمز کیم دونه پیمانه طرف
قوتولور ماه لطف و احسانلیق
ییغیشور سفره های مهمانلیق
کچدی ماه رمضان بیر ایل ده
بیلمئدیخ حیف نئدور انسانلیق
روزه نی گاهی دوتوب سیندیردیخ
بو دگول شیوۀ مسلمانلیق
شب احیا باشا قرآن قویدوخ
بیر عمل اولمادی لیک قرآنلیق
حکمتی وار که قویوبسان یارب
بعد هر بیر چتینلیق ،آسانلیق
ائتمدوخ درک که روزه نه‌ایمیش
تودوب اعمالیمیزی نقصانلیق
بو قصوراتیمیزی عفو ایله
بیزه ای خالقِ پریشانلیق
بو دست خالی عبده امداد ائت
که تاپا قلبی نور ایمانلیق
باخیشون قول لاری سلطان اِیلر
نظر ائت یا رب ائدخ سلطانلیق
عمر وئر بنده لره ،یا توّاب
بورویوب دیللری پشیمانلیق
آل گئنه عبد خطاکاریندن
دوباره امتحان انسانلیق
الله وئریب انسانلارا فرصت رمضاندا
خلقه آچیلیب باب سعادت رمضاندا
گویدن یاغیر ارض اوستونه باران کرامت
بیرده آچیلیب سفره ی رحمت رمضاندا
اهریمنی زنجیره چکیب رب توانا
ائتمیش کرمون خلقه نهایت رمضاندا
مخلوقینه خالق نه گوزل سفره سالیبدی
گسترده ائدیب خان ضیافت رمضاندا
هرصبح و مشا غرق مناجات و دعا اول
تاپسین ئورگین حال عبادت رمضاندا
قرآن اوخی قلبوندکی زنگار سیلینسین
دولسون یئرینه نور هدایت رمضاندا
قرآندا خدا مژده وئریب اهل صیامه
وئررم من ئوزوم اجر اطاعت رمضاندا
ای دل بیدار دئنن یاحسین
اولمویاسان خوار دئنن یاحسین
بیر گوله گوردوم دیوری باغبان
ای گل بی خار دئنن یاحسین
خوشدی مطبّه یازا هر بیر طبیب
غم یئمه بیمار! دئنن یاحسین
مشکلون اولسا نه زمان٬ هئچ کیمه
ایلمه اظهار دئنن یاحسین
دوز صود اموبسن آنادان فخر ائله
شیعه ی هشیار دئنن یاحسین
ایستیوسن اولمویاسان دهریده
درده گرفتار دئنن یاحسین
دردلره درماندی حسینون آدی
دردون اگر وار دئنن یاحسین
گوزیاشیلا سعی ائله افطار ائله
موقع افطار دئنن یاحسین
آغلا اروجلوقدا سوسوزدان اگر
گورسه گوزون تار دئنن یاحسین
تار گورورموش عطشیندن امام
پس ائله تکرار دئنن یاحسین
آل نظره گاهی سوسوز قیزلاری
مثل سوسوزلار دئنن یاحسین
تشنه حسینه گوره سو ایچمه دی
تشنه علمدار؛ دئنن یاحسین
سو یئرینه قانین ایچن اصغری
یاد ائله هر بار دئنن یاحسین
بو آدی ذکر ایلیه نی شامیده
ئولدورور اشرار٬ دئنن یاحسین
گونده گلور شهره شهید حرم
محرم اسرار! دئنن یاحسین
آغلا جوان! تئز قوجالان زینبه
عین عزادار دئنن یاحسین
ایستیوسن گر اولاسان بیر گونی
قبرینه زوار دئنن یاحسین
ایله بشیرا دیلیویلن جهاد
یعنی یاز اشعار دئنن یاحسین
شروع اولوب غمیله ابتداسی آیریلیقین
غمه دوشن لره یوخ انتهاسی آیریلیقین
بو قارغیشی ائدیرم دیلده هرچه بادا باد
خراب اولیدی بنادن بناسی آیریلیقین
بیر عیدّه درد و بلا واردی دؤزمک آساندی
چتیندی هر باشا گلسه بلاسی آیریلیقین
گولوندن آیری دوشن بلبل آغلاییب سؤیلر
وصالیدن صورا یوخدور دواسی آیریلیقین
گرَک بو قورقونون اَسرارینی جوان بیلسین
قوجالدار عاشقی غم ماجراسی آیریلیقین
عزالی ایلَدی بلبل لری آپاردی گولی
گوروم کی تئز دوتولیدی عزاسی آیریلیقین
بو درده دوشمیه نین قلبینه اوتورماز سؤز
صفاسی یوخدی ولی وار جفاسی آیریلیقین
اوروشلوق آیی نین آیریلماسی چتیندی بیزه
بیزیم نوا کیمی چیخسین نواسی آیریلیقین
فقط او یئرده گوزلدور بو آیریلیق والله
کی انتهاده اولا کربلاسی آیریلیقین
اؤرک لرین سؤزونی یازدی سیّدالشّعرا
الهی اولماسین او مبتلاسی آیریلیقین
چیخدی الیمیزدن بو گوزل آی حییف اولسون
باتدی ائله‌بیل گویده چیخان آی، حییف اولسون
رحمت یاغیشی یاغدی سو، سئل آخدی چای آخدی
چوخ تئز قورودو گورّو آخان چای حییف اولسون
چوخ گورملی، چوخ سویمه‌لی، چوخ ایستمه‌لی‌دی
چوخ تئز بیزیلن ایلدی بای بای حییف اولسون
بو رسمیدی گئتسه بیری الدن، اوجالار های
گئتدی رمضان آیی دوشوب های حییف اولسون
بیر سفره آچیلمیشدی اوتوز گوندی، یغیلدی
اخذ ایلمه‌دوق درده دَیَن پای حییف اولسون
تسبیح تاسف اَلَه آل بیرده "بشیر"ا!
یوز یول بئله بیر آیریلیقا سای "حییف اولسون"
ماه رحمتدی خدایا لطف ائله احسان ائله
بو خطالی بندوی ئوز خوانیوه مهمان ائله
نامه ی اعمالیمه باخدوقجا یارب قورخورام
من دئمم کی نوکرم سن دوندریب سلطان ائله
سن فقط زهرایه خاطر عفو ائله الله منی
اوُل پل صراطیدن رد ّاولماقی اسان ائله
ماه بخششدی چوخی گوردوم گلیر درگاهیوه
منده گلدیم دوت الیمدن شامل غفران ائله
وار بو آیدا لیله القدر«أفضلٌ مِن ألفِ شَهر»
وئر سعادت بیزلره سن عاشق قران ائله
اوُل قران کی چوخلی آیاتی علی شانینده دی
حیدره خاطر الهی دردلره درمان ائله
یوخ لیاقت تاکی"حیدر" جان فدا ائتسون حسینه
لطف ائله سن بو حقیری زینبه قربان ائله
بو"صبورین"واردی عشقی سن بیلورسن زینبه
گوزلرین زینب غمینده سن فقط گریان ائله
رمضاندی باخان یوخ تب و تابیمه
یالوارور ئورگیم چشم بی خوابیمه
ای گوزوم آغلا گله جاق مهدی
بیر گونی باشه چاتاجاق عهدی
یا ابا صالح مددی مولا .... یا ابا صالح مددی مولا
یا ابا صالح مددی
رمضاندی باخور یولا قان ئورگیم
قدمینه فدا اولا قان ئورگیم
با خو را م یولاره یانا یانه
ئورگیم هجرونده دونوب قانه
یا ابا صالح مددی مولا.......یا ابا صالح مددی مولا
یا ابا صالح مددی
رمضان شد و جان جهان نرسید
خبری ز امیر جنان نرسید
جنت و حوران غزل خوانش
به فدای زلف پریشانش
یا ابا صالح مددی مولا ..... یا ابا صالح مددی مولا
یا ابا صالح مددی
رمضان شد و غرق غم و محنم
من اگر به حرم نروم چه کنم
بی سبب نیست این گونه بی تابم
عاشق شش گوشه ی اربابم
یا ابا صالح مددی مولا.........یا ابا صالح مددی مولا
یا ابا صالح مددی
آلله آلله من گنهکارم دیدون گل گلمیشم
گل دیدون همسایم اول سایم ده دینجل گلمیشم
سن دیدون دنیادن ال چک آبرو ویرَّم سنه
ایتموشم هر چند تاخیر ، اوزموشم ال گلمیشم
هر نه سن ، عَبدی اَطََعنی سسله دون من باخمادیم
قویموشام قرخ ایل گوزون یولدا معطَّل گلمیشم
قبریمون اول شبیندن چوخ هراسانم ولی
وار امیدیم عترت اطهاره اوّل گلیشم
اَلّی ایل نفسیم منی تاخیره سالدی ، عاقبت
ایله دیم نفسین ایشین عقله مُحَوَّل گلمیشم
آند ویرَّم مرتضانون بی بدیل عباسینه
قیل منیم افکاریمی عشقه مُبَدَّل گلمیشم
مشعل راه حقیقت دور شهیدانون یولی
من ایتیرمشدیم یولی دنبال مشعل گلمیشم
عالمه یوز یرمی دورت مین پاک پیغمبر گلوب
من ولی اسلامی گوردوم دین اَکمَل گلمیشم
آغلا ای دیده ی بیچاره که آخر گیجه دی
باخگیلان مرحمت یاره که آخر گیجه دی
سحر اولسا بو گیجه سفره ی احسان یغیشار
دوش دخیل حیدر کراره که آخر گیجه دی
ئورگین سفره سینی هر گلنه آچماگیلان
دی فقط خالق داداره که آخر گیجه دی
چاره سیز دردیلرین چاره سی بو بزمیده دور
یالواراق عترت اطهاره که آخر گیجه دی
سائلی بوش یولا سالماز بو کرم صاحبیدی
ویر قسم قولسوز علمداره که آخر گیجه دی
اَعیادیدَه قویدوم گِنه دَه فِطرَه قَدَم من
بو بایرامی بیلَّم حَقِ والایه حَرَم من
بیرآی گجه گوندوز سنه مهمانیدیم الله
قورتاردی قوناقلیق گَزورم باب کَرم من
من سَن دِیَنَه چاتمادیم امّا بیلورم سَن
اونناندا بویوکسَن که دیلیمدَه دِیَرَم من
چارَم نَدی یارَب قَرَه تُپراقلارین آلتدا
اَعمالیده گَر گورسَم اوگون مُهرِ عَدَم من
من عَبدِ ذَلیلَم ، ولی سن خالق سَتّار
کِئچمیشلَره گَل پَرده چَکک هَم سن وهَم من
پَس سال یولا ئوز شَاَنووَه لایق بو قوناقی
قویما اَلی بوش بیردَه یازام اَلده قَلَم من
ای مین بیرآدین صاحبی سن بیرکَرم اِئتسون
بیر قَطرِیَم امّا اولارام داخلِ یَم من
دنیاده صَفا هاردا ، حُسینون یاسی اوردا
آختارمارام هِچ سِیر لواسان و فَشَم من
دنیا گُلونَه ناز اِئدوری تُربت پاکی
اولماز غَمیم اولسام بِله سلطانه خَدَم من
تاپشیر منی ئوز حُجَّت بَر حَقّووَه یارب
تا سائل اولوم دَرگَه مولایه بو دَم من
بیر لحظه منه اِئتسَه نظر یوسف زهرا
حَتماً او باخیشدان تاپارام جامیلَه جَم من
عَرض ایلیورم (نادرم) ای فاطمه اوغلی
فِطریَّه منه وئرسون آقا مُستَحقَم من
رحمت آیی گَلدون ولی گویا گِنه گِئتدون
اِئتدون هامونی عشقه مُهیّا گِنه گِئتدون
سنله بیلوسن هر گجه لَر خَلوت اِئدردیم
عادت منه اولمیشدی بو ،امّا گِنه گِئتدون
شاید گِنه ده قسمت اولا سنله گوروشمَگ
وِئردون گجه لَر بیزلَره صَهبا گِنه گِئتدون
کونلومدَه قالان سوزلَریمی سنله دانیشدیم
بیلمَم هارا چاتدی سوزوم آیا،گِنه گِئتدون
گوندوزلَرووَه گون چاتا بیلمَز اونا سوز یوخ
امّا گجه لَر شوریدی بَرپا گِنه گِئتدون
گِزلَتدون او گِزلین گجه لَر لِیله ی قَدری
دَرک ایلَمَسم وای منه اِیوا گِنه گِئتدون
افسوس او سحرلَرکه فقط خاطره اولدی
هَر یانَه دوشوب شوریله غوغا گِنه گِئتدون
(نادرده) سنی بَدرَقه ایلَر گوزی یاشلی
زَنگار وِران قلب اولوب اِحیا ، گِنه گِئتدون
دِئدیم غرق ریایم سن دئدون گَل
دِئدیم ناپاک عَبایم ، سن دئدون گَل
دِئدیم باشدان اَیاقه غرق فِسقَم
گناهه مبتلایم ، سن دئدون گَل
دِئدیم من ناگرانم خلق بیلسَه
کوموردَنده قَرایَم ، سن دئدون گَل
دِئدیم اولما منی مهمان ائدورسَن
اگرچه بی بَهایم ، سن دئدون گَل
دِئدیم گلدیم وَلیکن یوخ گمانیم
اَلی بوش بینَوایم ، سن دئدون گَل
دِئدیم سندنصورا یوخدور پَناهیم
غریب آشنایم ، سن دئدون گَل
اولوبدور ایندی که حَقدن اشاره
امیدی باغلادیم پروردگاره
دِئدون گَل بارالها ، منده گلدیم
دِئدون شرم ائتمه اَصلا منده گلدیم
دِئدون خوش گلموسن خوان صیامَه
بو یرده یوخ من و ما ، منده گلدیم
دِئدون من قویمارام اولسون قوناقیم
خلایق ایچره رسوا ، منده گلدیم
دِئدون اولما خَجل بو بوش اَلوندَن
ئورکدَن دئ حُسینوا ، منده گلدیم
دِئدون گوز یاشووه اولّام خریدار
چوخ ایستَر چونکه زهرا، منده گلدیم
دِئدون( نادر) حسینه نوحه خوان اول
اونا یاز نوحه آغلا ، منده گلدیم
شاه لافَتی گئدور کوی یاره بو گجه
تنگ اولوبدی بوجهان شهریاره بوگجه
بو گجه علی سوزون کَهکشانلارا دِیَر
آیریلیق بناسی وار وصل یاری ایستیَر
آغلیار اَمین وَحی گویده قاره سین گیَر
قُدسیاندا گیدیلَر رَخت قاره بوگجه
چرخ کَجمدار اونا ائتمیوب نَدن وفا
گورمیوبدی خوش گونی بو جهاندا مرتضا
گوز یاشیدی هرگجه دردینه اونون دوا
ایلیَر گِلایه سین روزگاره بوگجه
بسترینده دینجَلوب بیر گجه هاچان علی
چَکدی روزگاریدن ائتمدی بیان علی
دیزلَرین قوجاقلادی ائوده باغریقان علی
عارفانه هِی باخور ذوالفقاره بوگجه
مسجده طرف علی بیلمورم گئدور نجه
اَمر حَیّ لَم یَزل دوشمسون گرک گجه
وصل یار اولوب عَلن مرتضایه بوگجه
رُکن دین سینار ولی آشکاره بوگجه
سس گلور بو عالم جودیدن حَزین حَزین
گئتمه گئتمه یاعلی افتخار عالمین
آخرین گئدیشدی بو مسجده طرف یقین
ائوده قیل نمازووی کردگاره بوگجه
کائناته امر ائدوب شیر کردگار او دَم
مانع اولمیون گرک کوی یاره من گئدَم
وصل باده سین خوشام بزم رازیده ایچَم
یاره یاریدن اولوب بیر اشاره بوگجه
