اشعار مخصوص ماه مبارک رمضان

بار الهی لطف قیل توفیق طاعت وئر منه
سایۀ لطفونده تشریف اقامت وئر منه

نفس سرکش ایستییر ائتسین منی یارب هلاک
نفسی مغلوب ائتمگه بیر قوت و قوّت وئر منه

قیل ترحّم اولماییم رحمت آییندان بی نصیب
بو صفالی آیدا توفیق عبادت وئر منه

چشمه سار معرفتدن قلبیمی سرشار قیل
معصیت لردن بری ائت صدق نیت وئر منه

کعبۀ کوینده یارب ائت منی ثابت قدم
وادی سلم و رضا ده استقامت وئر منه

زهر قیل کامیمدا آلسام غیر الیندن شهد ناب
اوز زلال رحمتوندن بیر حلاوت وئر منه

باش اگم قیلما روا اغیاره بیر دم دهرده
طبعیمی سرشار قیل یارب مناعت وئر منه

سرد قیل نفسین اودون ای ناری گلزار ایلیین
گرم قیل عشق آتشین شور حرارت وئر منه

گلدی

• چهارشنبه
• 18
• اردیبهشت
• 1398
• ساعت
• 15:13
• نوشته شده توسط
• ابوالفضل عابدی پور

او قدر ایلمیشم عمریده خطا یارب
اورک سوزون دئماقا ایلیرم حیا یارب

هوای نفس منیم روحیمی اسیر ائلیوب
همیشه ایلمیشم نفسیمه جفا یارب

نه چاره واردی اگر شامل اولماسا حالیما
بو آیدا مغفرت و رحمت و عطا یارب

شفیع درگهیوه اهلبیت و قرآنی
گتیرمیشم ائدیرم سندن التجا یارب

منیم گناهیم آغیردی ولیک آگاهم
که لطف و رحمتیوه یوخدی انتها یارب

سنی قسم وئریرم مرتضایه دوت الیمی
شکسته قلبیمه وئر رونق و صفا یارب

امیدیله بو گئجه گلمیشم سنین قاپوا
که بلکه سن ائده سن دردیمه دوا یارب

قرا یوزیله سنین درگهینده من قوناقام
عنایت ایله اولا حاجتیم روا یارب

نقدرعیبیمه لطفیله پرده چکدین سن
باغیشلا بو گئجه لطفیله هکذا یارب

ب

• چهارشنبه
• 18
• اردیبهشت
• 1398
• ساعت
• 15:24
• نوشته شده توسط
• ابوالفضل عابدی پور

ای نگار بزم وحدت دیده گریان گلمیشم
ماه غفراندور گناهیمدن پشیمان گلمیشم

چوخ چتین گونلر کئچوب سنسیز بو یورقون بنده وه
پشت سرده قویموشام وحشتلی طوفان گلمیشم

سن وئرن پاکیزه روحی ئولدوروب دفن ائتمیشم
دست خالی ٬ ورشکسته٬ غرق عصیان گلمیشم

گورمیشم ئوز چهره می آیینه ی عرفانیده
قورخمیشام وحشتلی چهره مدن هراسان گلمیشم

یا رجاء الخائفین من ئوز الیمدن قاچمیشام
سیندیروبدور نور قرآن قفل زندان گلمیشم

حرمت مهمانی واجب ایلیوبسن سن ئوزون
الده دعوتنامه بزم عشقه مهمان گلمیشم

قانی قانیلن یومازلار عفو ائله اغماض ائله
فکر ائله نادانلیقیمدان ایلیوب قان گلمیشم

خالصانه ٬ عاشقانه٬ بی ریا٬ ثابت قدم
چکمیشم روح نفاقه خط بطلان گلمیشم

ئولم اما وئرمرم الدن سنون دامانوی
محضر جانانیمه الده دوتوب جان گلمیشم

وئر سر وسامان پریشان قلبیمی آباد ائله
منزل معمار عشقه نابسامان گلمیشم

شکر اولا ایتمیشدیم اما عاقبت تاپدیم یولی
جذبه ی عشقون چکوب افتان وخیزان گلمیشم

گلمیشم شاید غلط سوزدور ئوزون گتدون منی
نابجادور محضرونده اولسا عنوان گلمیشم

چونکه سن غفارسن لطف ایلدون « غفاریه»
شوقیدن درگاه حقه اشک ریزان گلمیشم

• جمعه
• 7
• آذر
• 1399
• ساعت
• 19:58
• نوشته شده توسط
• یوسف اکبری

السلام ای ماه حق ماه عبادت السلام
السلام ای ماه عزت ماه رحمت السلام

حق سنی مختص ائدوب آیلار ایچینده ذاتینه
رحمتون نازل ائدر بو آیدا مخلوقاتینه
نامه اعمالی پاک ایلر قسم آیاتینه
چوخ گنهکاره اولار حقدن عنایت السلام

سنده نازل ایلیَر قرآنی حی کردگار
سفرهء احسانینی بیر آی آچار پروردگار
کیمسه دعوت اولسا بو احسانه ایلر افتخار
چون نه سن تک آی اولار نه بیر ضیافت السلام

سنده بیر آیه تلاوت ختم قرآن اجری وار
سنده بذل وبخششین مینلرجه احسان اجری وار
قویسا حرمت کیم سنه بولسون که رضوان اجری وار
روز محشرده آلار حقدن شفاعت السلام

آیلارون ایچره سنی حق ایلیوبدور محترم
شانیوی درک ایلسه بیر کیمسه ، حی ذوالکرم
شامل ایلر حالینه اوز رحمتوندن لاجرم
چون قوناقه میزبان ایلر محبت السلام

رتبه ده والادی هر آیدان جلال و حرمتین
عرشیدن نازل اولار بو آیدا چون روح الامین
گلمیوب گلمز سنون تک محترم بیر آی یقین
کیمسه بولمور سنده واردور نه جلالت السلام

وار مگر سنده نه شان و نه جلال و نه مقام
لیله القدرون دَیَر مین آیه ای ماه صیام
مطلع فجره کیمی نازل اولار حقدن سلام
ذات حق وئرمیش سنه عزّ و شرافت السلام

بیر گجه غم یوز ویرر اما رسول اطهره
تسلیت دیلده ملائک یوز دوتار پیغمبره
صبح وقتینده دگر خنجر یاراسی حیدره
سس دوشر سیندی بوگون رکن عدالت السلام

باشینه خنجر وورار مسجدده اشقی الاشقیا
فُزتُ ربَّ الکعبه سسلر سجده ده شاه ولا
محضر پرودگاری درک ائدر باشدا یارا
سجده ده آخر تاپار فیض شهادت السلام

یاخشی فرصتدور اجل درک ائتممیش « شیدا » سنی
ماه رحمتدور دئنن عفو ایله یارب سن منی
چون سوور درگاهینه عجز ایلین بیر بنده نی
دیلده اِغفِر ، گوزده یاش ، گوستر ارادت السلام

• شنبه
• 6
• دی
• 1399
• ساعت
• 20:12
• نوشته شده توسط
• یوسف اکبری

چاتوبدی آخرینه مه عظیم صیام
جمع اولدی سفره عشق ضیافت اولدی تمام
قورتاردی مه غفران
ماه عزت قرآن
ماه عشق رمضان
خداحافظ۴

گلوبدی عیدصیام قوتاردی ماه صیام
هزارحیف مه ضیافت اولدی تمام
بو آیدا وار شب قدر مین آیه رجحانی وار
بو آیدا اولدی شهید علی او شاه انام
قورتاردی مه غفران
ماه عزت قرآن
ماه عشق رمضان
خداحافظ۴

بوآیدا جلوه لنیب حقیقتین علمی
چاتوبدی ساحلینه کرامتین بلمی
آچوبدی سفره خدا تمام بنده لره
یایوبدی یرگوی آرا سخاوت و کرمی
قورتاردی مه غفران
ماه عزت قرآن
ماه عشق رمضان
خداحافظ۴

بوآیدا خلقه اروج شرفلی فرصتیدی
بوآیدا باش اگنه همای عزتیدی
اولارکی باش قاچیدوب ذلیل و خوارایلیوب
حقیقت آختارانا یم حقیقتیدی
قورتاردی مه غفران
ماه عزت قرآن
ماه عشق رمضان
خداحافظ۴

• دوشنبه
• 29
• دی
• 1399
• ساعت
• 23:24
• نوشته شده توسط
• یوسف اکبری

ای رمضان افسوس،آیریلورام سندن

آنداولازهرایه،سینه دولوب غملن

دویمامیشام سندن

الوداع،مه کرامت الوداع

ای مه،،عطا و رحمت الوداع

یارمضان الوداع،،ماه غفران الوداع

الله الله یاالله٢

بنده نی عفوایلوب،سنده حق رحمان

سینه ی طاهایه،نازل اولوب قرآن

الله ائدوب احسان

حیف اولا،یتوبدی باشه گونلرون

هجرووه،نجه دؤزرعاشقلرون

یارمضان الوداع،،ماه غفران الوداع

الله الله یا الله ٢

باشه یتوب افسوس،شام وسحرگاهون

یاد ائدورم اما،سوزشب و آهون

محنت جانکاهون

یادیمه،دوشوب بو غملی منظره

سجده ده،دگوبدی یاره حیدره

سجده گاهه آخدی قان،،سیندی ارکان ایمان

یارمضان الوداع،،ماه غفران الوداع

الله الله یا الله ٢

سنله وداع ایلور،غصه لی مهمانون

آیریلوراشگیله،سائل احسانون

بنده ی نالانون

بووداع،سالورحسینی یادیمه

اوت ویرور،غمی دل ناشادیمه

آیریلوردی ائللردن،،قلبی یانان خواهردن

یارمضان الوداع،،ماه غفران الوداع

الله الله یا الله ٢

• جمعه
• 8
• اسفند
• 1399
• ساعت
• 22:58
• نوشته شده توسط
• یوسف اکبری

اَلوداع ای ماه رحمت اَلوداع
ماه راز و ماه طاعت اَلوداع

اَلوداع ای ماه مهمانی هو
سفره ی جودوکَرامت اَلوداع

بهترین ماهی تو ای ماه خدا
هم طَریقت هم شَریعت،اَلوداع

خاکیان را آسمانی کرده ای
عاصیان را اهل اُلفت اَلوداع

هِق هِق آن گریه های نیمه شب
ناله های با حَرارت اَلوداع

میروی بار گناهانم بِبَر
از کَرم بِنما شفاعت،اَلوداع

کی شود مارا وِصال دیگری
یانَصیب و یاکه قسمت،اَلوداع

(نادرم) مانوس این لِیل و نَهار
ماه و هفته ،روز وساعت،اَلوداع

• شنبه
• 12
• تیر
• 1400
• ساعت
• 19:20
• نوشته شده توسط
• یوسف اکبری

گینه گلدی رمضان هامی مسلمان اولاجاق
دین اسلام اوجالوب خلق نماز خوان اولاجاق
گله جق غیرتده فاسق ، اولاجاق اهل تمیز
ایتدیقی معصیته جمـــــــله پشیمــان اولاجا ق

بیر محرمده چخوب شاهقلی بو مسجد دن
بیر ده بو آیده گلــــوب داخـل ایوان اولاجا ق
روزه سین میل ایلینلر چیخاجاقلار سفـره
ایله بیر هاموسی زوار خـــراسان اولاجا ق
او آداملار که ایدوب میلته چوخ جور وستم
هاموسی بیر گئجه ده قاری قرآن اولاجا ق
هیچ گناه اولماسا بسدور بیزه بو صوم وصلاه
قبر ایچینده بیزه او حائیل سوزان اولاجاق

ترجمه فارسی:

رمضان آمد
ماه رمضان آمد و همه مسلمان خواهند شد
دین اسلام بلند مرتبه شده و همه نماز خوان خواهند شد
فاسق غیرتمند

• یکشنبه
• 25
• تیر
• 1391
• ساعت
• 17:08
• نوشته شده توسط
• علی

رسمدور سفره آچان سفره نی تزئین ائلیور
هر طرفدن ولی چوخ اورتانی خوش چین ائلیور

چون قوناقلیق آیی دور رسم ضیافتله خدا
اوزی مهمانلیقینن سفره سین آذین ائلیور

بو آیون سفره سینه دقتیله باخسون اگر
وسط سفره نی بیر غنچه دی رنگین ائلیور

اوگُلین آدی حسن خَلقی حسن خُلقی حسن
اونین اخلاقینی الله بیزه تلقین ائلیور

بو کرامات آینون راز کراماتی اودور
آج سوسوز لاری اونین صبریدی تسکین ائلیور

"زعفرا"چنگ وفا وورسون حسن دامنینه
سنی دلسوخته ی مذهب و آیین ائلیور

• جمعه
• 28
• آذر
• 1399
• ساعت
• 21:15
• نوشته شده توسط
• یوسف اکبری

ای دل اروشلیغین آیون اتمامه یازدیلار
بو آیدا بیر ائیله گینه برنامه یازدیلار

روح و ملک گزارش ائدنده عمل لری
مهدی الیلن اللها بیر نامه یازدیلار

کیم رو سپید اولوبدی بو آی کیمسه رو سیاه
مکتوب اولوندی دفتر ابهامه یازدیلار

طرح ائتدی هر کسین عملی سرنوشتینی
تائیداولوندی لوح سرانجامه یازدیلار

اعمال نیکیم اولماسادا خوشدلم منی
نوکر حساب ائدوب در مولامه یازدیلار

• جمعه
• 28
• آذر
• 1399
• ساعت
• 22:05
• نوشته شده توسط
• یوسف اکبری

شب احیادی الهی بیزه امداد ایله
دلده تغییر و تحول اوزون ایجاد ایله

معنوی حالته تقدیریمیزی ایله رقم
دوتولان قلبلری غصّه دن آزاد ایله

غیبت حجتی اتمام ائله وئر اذن ظهور
قائم آل رسولی بیزه استاد ایله

درس قرآني اوزیندن آقانین اخذ ائلیک
شیعه نی اوجه یتور دینیده ارشاد ایله

اجنبی خطینه هر شیعه گئدور ایله ذلیل
اورگ آرامشین آل عمرینی برباد ایله

ملک ایراندا فساده اوکی دامن ووروری
عیش دنیاسینی آل همدم فریاد ایله

علوی کشورینه خائن اولان شخصی لری
ایکی دنیاده عذابیله اوزون یاد ایله

ملته خائن اولان گونده شهید قانی ایچور
اونی رسوا ائلیوب ملتی دلشاد ایله

کیم قدم صدقیله قویسا شهدانین یولینا
شان و عزت وئر اونا همره اوتاد ایله

"زعفرین"خیر عملی یوخدی خطاسی چوخدی
سرنوشتین عوض ایت دین ائوین آباد ایله

• جمعه
• 28
• آذر
• 1399
• ساعت
• 22:06
• نوشته شده توسط
• یوسف اکبری

ای خالِقِ دادارِ مَن _ ای یاوَر و دلدارِ من _ غرقِ گناه آمَدم
رحمی بکن بر حالِ من _ گشته سِیَه اقبالِ من _ من روسیاه آمَدم

دردم دوا خواهد _ دِلِ زارم صفا خواهد _ ای خدای من
جود و عنایت کن _ ز الطافت اجابت کن _ بر دعای من

ای رَبِّ من رویِ سیاه آورده ام
قلبِ پر از درد و گناه آورده ام
جانم رسیده بر لبم درمانده ام
بر درگَهِ پاکَت پناه آورده ام

دِلِ من پر زِ غَمِه اَسیرِ دردم چه کنم
به سَرَم بارونِ غَم میباره هردم چه کنم
گُلِ گلزارِ دِلَم خزان و پژمرده شده
پِیِ سر سَبزِیِ و هم بهار نگردم چه کنم

کَرَمِی بِنَما خُدایِ سبحانِ من
کرَمِی بِنَما خُدایِ مَنّانِ من

ترکی

ای خالِقِ هفت آسِمان _ دوتموش اورک عرشین دومان _ من بی امان گلمیشم
غم بنده سالمیش بنده وی _ بو بنده ی شرمنده وی _ غرقِ فغان گلمیشم

درده اسیرم من _ یوزی قاره ، حقیرم من _ رحم ائله خدا
اشکیم آخور گوزدن _ غم آهنگی گلور سوزدن _ دِلده وار نوا

بو بنده لر سن نن عطا ایستر خدا
دردی اولان درده دوا ایستر خدا
مظلوم حسینون باوفا عاشق لری
دلده نوا کرب و بلا ایستر خدا

اورگیمیزده نه صبر و دوزومیز واردی خدا
حرَمِ پاکِ حسینده گوزومیز واردی خدا
اورگین خانه سینه عشقِ حسین زینت اولیب
آقاما چوخلی یانیقلی سوزومیز واردی خدا

کرم ایله خدا اورکده وار یاره میز
نه توان و دوزوم نه الده وار چاره میز

• شنبه
• 29
• آذر
• 1399
• ساعت
• 23:36
• نوشته شده توسط
• یوسف اکبری

الوداع ای ماه عزت ماه رحمان الوداع
الوداع ای ماه رحمت ماه غفران الوداع

آیه قرآنی چوخلار ایلدی ورد زبان
شامل ائتدی لطفینه مخلوقی خالق آنچنان
اهل فرشه غبطه ایلر جمله اهل آسمان
تئز قوتولدون حیف اولا ای ماه احسان الوداع

سنده واردور چوخ فضیلت ای مه سلطان عشق
سنده نازل ایلدی اوز رحمتون سبحان عشق
تا که دعوت یولّادی مخلوقه اول منّان عشق
عشقون اهلی میزبانه اولدی مهمان الوداع

گرچه سنده چوخلاری بزم صفادن دویمادی
ائتدیلر رازونیاز اما دعادن دویمادی
موقع افطار اولاندا ربنادن دویمادی
یاد اولا حال دعاده صبحگاهان الوداع

باشدا قران ناله الغوثی چکدی نادمان
گوزده اشک و دیلده آه و ناله ائتدی عاشقان
چوخلارین عفو ایلدی بو آیدا حی لامکان
چوخلاری اولدی گناهیندن پشیمان الوداع

غرق نور اولدی شب احیاده قلب مضطران
مرحمت دریاسی اولدی لطف حقدن بیکران
کیمسه سی تا عرض ائدوب اَلعَفو و یاربّ اَلْاَمان
چکدی بد افعالینه بیر خط بُطلان الوداع

گرچه شوّالون گلور اوّل گونونده بایرامی
آیریلور عاشقلرون بو بزمیدن باهم هامی
لیک حقدن ایستوری « شیدا » بو افطار آخشامی
اولماسون آخر وداع ای ماه ایمان الوداع

• شنبه
• 6
• دی
• 1399
• ساعت
• 20:06
• نوشته شده توسط
• یوسف اکبری

بسرآمدماه صوم و صلات منبع برکات ماه مهمانی
دگر جمع شد سفره رمضان موسم احسان عهدقرآنی
خداحافظ ماه صوم و صلات
خداحافظ موسم برکات
الوداع رمضان۲

تویی ماه عشق و ماه دعا ماه عاشقی و ماه شیدایی
تو دادی برخیل بی خبران ازدرلطفت چشم بینایی
توماه عشق و دعا بودی
توماه عهد و وفا بودی
الوداع رمضان ۲
ترکی
گلیب باشه موسم رمضان جمع اولوبدی خوان کرم افسوس
چاتوب پایانه قوناخلیق آیی ماه ذی حشم و ذوالکرم افسوس
خداحافظ ماه قرآنی
خداحافظ فصل بارانی
الوداع رمضان۲

بو آیدا بیرعده جهدایلدی دیل ایوینده کی آمالینه چاتدی
ولی بیرعده زیان ایلیوب دیلده کی غمدن بی خبریاتدی
گیدیب حیف اولسون بو سرمایه
داخی ال چاتماز بوسودایه
الوداع رمضان۲

بو بیرآییدی اوندا نازل اولوب ختم مرسله آیات سبحانی
ویریب هدیه انس و جنه خدا لیله قدرینده بو قرآنی
حیف اولاقدرین بیلمدیک گیتدی
بیزی هجری باغریقان ایتدی
الوداع رمضان۲

• دوشنبه
• 29
• دی
• 1399
• ساعت
• 23:22
• نوشته شده توسط
• یوسف اکبری

ای بشر قلبه مسلط ایلمه شیطانی
سعی ایله پاک ایده سن دلده اولان عصیانی

لیله القدرگلوبدی در توبه آچلوب
فرصتون واربوگجه راضی ایله یزدانی

خالصانه اوزوی سال بوکرملی قاپیا
آرادا واسطه قوی باشه قویان قرآنی

عرض ایله خالقوه کمدی منیم خیرعملیم
بندوه ایله نظر سن بیل حسینون جانی

آند ویرم سنی اللرده اولن مولایه
نجه کی یاندی سوسوزدان اولب عطشانی

آندویرم سنی الله اوزمانه بوگجه
گودی مقتله دوشدی دوجهان سلطانی

یار و انصاری اولوب داغلی اورک سینه یارا
اوتوروب سینه سی اوسته اوشریر جانی

الی باشدا اویره زینب مضطر گلدی
بیلمورم گورودی نجه مقتل آرا طوفانی

ال آتوب دوتدی او دم خنجربرانی خانم
سو زولوب سینه سلطانه الینون قانی

• چهارشنبه
• 1
• بهمن
• 1399
• ساعت
• 18:04
• نوشته شده توسط
• یوسف اکبری

گلدی ماه رمضان جوشدی کرم دریاسی
چاغیروب سفره سینه حق اوزی کل ناسی

لیله القدریدی سرسفره حقه بوگجه
گتوروب بنده لری دیلده اولان غوغاسی

اوزومی عرض ایلورم منده کی یوخ خیرالعمل
گتوروب تنگه منی شرعملین سوداسی

هامی یردن ال اوزوب گلمیشم الله قاپوا
بندون واردی گناهینده یدطولاسی

بوجمعین حاجتی چوخدی سن اوزون ایله روا
چوخ مریض واردی کی تبدن سارالوب سیماسی

آندویرم سنی اللرده اولن زهرایه
حیدرین همسر غمدیده و مه سیماسی

آندویررم اوزمانه یخلوب پشت دره
فضه نی داده چاغیردی اولب خونپاسی

فضه داده یتیشینجه گیدوب الدن محسن
گوردی الله قاپی اولموش نجه قان دریاسی

در ودیوار آراسیندا دیدی یاندیم ننه گل
سسینی آلدی بهشتدن خانمون آناسی

• چهارشنبه
• 1
• بهمن
• 1399
• ساعت
• 18:06
• نوشته شده توسط
• یوسف اکبری

زاهدا دوزدور کی ظاهرده مسلمان اولموشام
پیرور دین و شریعت ، مست قرآن اولموشام

بَس‌کی‌توبه‌ایلیوب‌سیندیرمیشام‌ئوزعَهدیمی
کوفه‌اهلیندَن‌ده چوخ‌رسوای‌دوران‌اولموشام

اولدوغوم‌گوندن‌دیوبلرکی‌مسلمانسان،اودور
منده کُورانه عَبید باغ رضوان اولموشام

هرکیمون‌توتدوم‌الیندن،هرکیمه‌قارداش‌دئدیم
شُمریدن ‌اولدی‌بتر یارب‌اورک قان‌اولموشام

بَس کی‌خائن گورموشم من بومسلمان ملتین
قیلدیقیم ناقص‌نمازیمندن پشیمان اولموشام

بیرگونی‌یاتدیم‌عجیبه‌بیریوخی‌گوردم‌کی من
چکمیشم‌اَل‌بومسلمانلیخدان‌انسان‌اولموشام

چون‌هدف ازدین‌وقرآن تک بودور‌انسان اولاخ
منده‌انسان‌اولدوغوم‌گوندن‌خُرامان‌اولموشام

هر کیمیم یا هر نَیَم فخر ایلَرم عمروم بُویی
سائل حلقه به گوش شاه مردان اولموشام

شرمسارم چوخ گناهیم واری اما شُکر اولا
شاعر بی ذوق ارباب شهیدان اولموشام

یاندی غارتده بناتین چون پریشان تئل‌لری
غارتین دردین بولن وقتَن#پریشان اولموشام

• چهارشنبه
• 22
• بهمن
• 1399
• ساعت
• 15:54
• نوشته شده توسط
• یوسف اکبری

ای حیّ داداریم قادرقهّاریـــم
رحم اٸله رحم اٸله خالق غفاریم
چوخ گناهیم وار غمه آماجـــــم
مهربان الله سنه محتاجــــــــــم
عفوایله یارب ۲

بواوروجلوق آیی باشه چاتدی خـــــدا
ناامیدایلـــــــمه گلمیـــــشم قاپووا
بنده ی زارم روسیاهم مـــــــن
رحم ایله یارب بی پناهم مــــــــــن
عفو ایله یارب۲

من سنون اللهیــــم رٵفتون گورمیشم
الی بوش بندیــــــه رحمتون گورمیشم
سن منی قٶسون چاره سیزقالّام
بحرمحنتده ال ایـــــــــــاق چالّام
عفوایله یارب۲

• چهارشنبه
• 13
• اسفند
• 1399
• ساعت
• 17:12
• نوشته شده توسط
• یوسف اکبری

ای اهل رحمت(حاجت)،،کئچدی ضیافت
باشه یتیشدی ،ماه عبادت
لطف ائتدی ایزد،خلاق سرمد
خلقه آچیلدی ،،ابواب جنت
احسن تبارک،،اولسون مبارک

گرچه قوتاردی،ماه عبادت
امااوره کده،،چوخ قالدی حسرت
ای کاش اولاق بیز،،غرق سعادت
لطف حقیله،،مشمول رحمت
احسن تبارک،،اولسون میارک

احسان ائله ای،حی تعالا
گرخیرعملده،،نقصانیم اولسا
کئچدی اوروجلوق،،ای حی اعلا
جرم وخطانی،،یارب باغیشلا
احسن تبارک،،اولسون مبارک

ای تکیه گاهیم،سنسن پناهیم
عفوایله چوخدی،،جرم وگناهیم
بایرامدی الله،سنسن گواهیم
سنسیزجهاندا،،یوخدور پناهیم
احسن تبارک،،اولسون مبارک

• چهارشنبه
• 13
• اسفند
• 1399
• ساعت
• 17:15
• نوشته شده توسط
• یوسف اکبری

الله الله یتوب،باشه ماه دعا
بنده عاصیم،،دوت الیمدن خدا
من سنون بندهٔ،،زارو
شرمندووم
قویماغمنن یانام،،هرکیمم بندووم
اللهیم اللهیم مهربان اللهیم

بیرآی اولدوم سنه،میهمان اللهیم
سن چاغیردون منی،،مهربان اللهیم
باشه چاتدی خدا،،گرچه ماه صیام
بنده یه،رحمتون
اولماز اصلآتمام
اللهیم اللهیم،،مهربان اللهیم

درگهونده سنون،ائتمیشم معصیت
ایچمیشم من بوآی،،بادهٔ معرفت
دوت الیمدن سن ای،،حی دارافریم
رحمتونده قالیب،،هرسحرگوزلریم
اللهیم اللهیم،مهربان اللهیم

• چهارشنبه
• 13
• اسفند
• 1399
• ساعت
• 17:17
• نوشته شده توسط
• یوسف اکبری

"بحق هذاالقرآن"
الهی بو گئجه احسانیوه باغیشلا منی
صفای روضه‌ی رضوانیوه باغیشلا منی
اولوبدی بو گئجه نازل کتابِ قرآنون
بو باشیم اوسته‌کی قرآنیوه باغیشلا منی

"بکَ یا اللّه"
الهی بو گئجه پنجِ تنه باغیشلا منی
تلطّیله نظر سال منه باغیشلا منی
کی اؤن دفعه «بِکَ یَااَللّه» ایلورم تکرار
سنی قسم وئرورم من سنه، باغیشلا منی

"بمُحمَّدٍ"
الهی بو گئجه اُول سروره باغیشلا منی
کی دوشموش ادی بوتون دیل‌لره، باغیشلا منی
پیمبرین اتگین دوتموشام امیدیله
کمال حضرت پیغمبره باغیشلا منی

"بِفاطِمَهَ"
الهی حوض نبی کوثره باغیشلا منی
شفیعه و شرفِ محشره باغیشلا منی
خلوصیله دیورم من «بِفاطِمه» یارب!
مقام فاطمه‌ی اطهره باغیشلا منی

"بِعلِیٍّ"
الهی باخ منِ بی‌چاره‌یه باغیشلا منی
اوز عرشیوه چکیله‌ن قاره‌یه باغیشلا منی
من اون دفعه «بِعلِیٍِ» دیوب نوا ائدورم
علی باشیندا اولان یاره‌یه باغیشلا منی

"بِالحَسَنِ"
الهی ایلموشم چوخ خطا باغیشلا منی
خطامه خط چک اوزون قیل عطا باغیشلا منی
دوتوب حسن اتگین «بِاالحسن» دیوب یانورام
به حقّ مرتبتِ مجتبی باغیشلا منی

"بِالحسَینِ"
الهی بو گئجه‌نین رازینه باغیشلا منی
بهارین عطرِ گلِ رازینه باغیشلا منی
اولوبدی وِرد لبیم «بِاالحُسَینِ» یااللّه!
حسینون عزّتِ ممتازینه باغیشلا منی

"یادی از ماه بنی هاشم"
الهی بو گئجه گؤزیاشیمه باغیشلا منی
هوای توبه دوشوب باشیمه، باغیشلا منی
یوزوم قرادی الیم بوشدی چوخ¬دی عصیانیم
جمال ماه بنی هاشیمه باغیشلا منی

"بِعَلیّ بنِ الحَسَین"
الهی لطف ائله چات داده سن باغیشلا منی
ترحّم ایله بو مأواده سن باغیشلا منی
مریض حکمت کرب‌وبلا طبیبیمدی
دعای حضرت سجّاده سن باغیشلا منی

"بِمُحَمَّدِبنِ عَلیٍّ"
الهی بو گئجه بو خاطره باغیشلا منی
یاشایشیمدا اولا خاطره، باغیشلا منی
کی اؤن دفعه دیورم «بِمَحَمَّدِبنِ عَلی»
علوم و مرتبه‌ی باقره باغیشلا منی

"بِجَعفَرِبنِ محَمَّد"
الهی صادق اولان عاشقه باغیشلا منی
او درگهونده اولان لایقه باغیشلا منی
«بِجَفَرِبنِ مُحَمَّد» دیوب صفا ائدورم
رئیسِ مذهبیمیز صادقه باغیشلا منی

"بِمُوسَی بنِ جَعفَرٍ"
الهی اهل دِلین پیرینه باغیشلا منی
قرآنون آیه‌ی تطهیرینه باغیشلا منی
قاپوندا من کی «بِمُوسَی بنِ جَعفَرٍ» دیورم
او حضرتین غُل زنجیرینه باغیشلا منی

"بِعَلیّ بنِ مُوسی"
الهی بو گئجه اوز شأنیوه باغیشلا منی
بو آیدا حُرمتِ مهمانیوه باغیشلا منی
آقام امام رضانین گؤزل آدین دیورم
غریبِ ملک خراسانیوه باغیشلا منی

"بِمُحَمَّدِبنِ عَلیّ"
الهی قویما اولام من شقی، باغیشلا منی
نشان وئروب منه راهِ حقی، باغیشلا منی
دیلیمده ذکر ائدورم، «بِمَحَمَّدِبنِ عَلی»
به نام پاکِ محمَّد تقی باغیشلا منی

"بِعَلِیٍِ بنِ مُحَمَّد"
الهی وار یئری دنیا، دِیَه باغیشلا منی
کلیمِ عشق، گَلَن وادیه باغیشلا منی
موفّق ایله علیّ النّقی‌نین عشقینده
چراغ راه هُدی هادِیه باغیشلا منی

"بِالحسَنِ بن عَلِی"
الهی ایله اوزون داوری، باغیشلا منی
کَرَمله عفو ائله بو احقری باغیشلا منی
اوچوبدی مرغ دِلیم سامرایه ساری بو دم
به احترامِ حسن‌عسکری باغیشلا منی

"بِالحُجَّهِ"
الهی پورِ علی مهدی‌یه باغیشلا منی
واریم گناه، ولی مهدی‌یه باغیشلا منی
گؤزوم یولیندادی «بِالحُجَّهِ» اولوب ذکریم
گؤزل‌لرین گؤزلی مهدی‌یه باغیشلا منی

"تخلّص"
الهی محترم انسانلارا باغیشلا منی
غمیله سینه‌سی سوزانلارا باغیشلا منی
«بشیر» ایله‌دی عنوان مقدّس آدلاری
دیلیمده ذکر اولان عنوانلارا باغیشلا منی

• جمعه
• 20
• فروردین
• 1400
• ساعت
• 22:42
• نوشته شده توسط
• یوسف اکبری

ساقی منه می بذل ایله ماه رمضاندی
تعجیل ایله گون ایندی چخار وقت اذاندی

می ایچدیر اولوم مست و خراباتی و سرخوش
مستانه لقین فیضی دی کی تک جه قالاندی

یانسن ئورگی خلقی سالان می دن اوزاقه
عطشان ئورگیم می هوسنده ایله یاندی

میخانه نی الله گوروم آباد اولا هر دم
میخانه دیمه ، معبد عشّاق جهاندی

میخانه ده یوخ کذب و ریا ، بخل و حسادت
منصوب ایلمه مستی بو انصابه یالاندی

مخموره نه لازمدی چاتا نام و نشانه
مستان جهان دهرده بی نام و نشاندی

شیخ عمرونی مسجدده ویریر ذکریله باشه
پیوسته ایله عاقبتندن نگراندی

مستین نظرنده نه جهان واردی نه جنّت
یارین نظری مدّ نظردی ، بو عیاندی

دنیا نه دی ، عقبا نه دی ، یاریم منیم اولسون
یارین نظر لطفی منه فوق جناندی

سعی ایله (هدایت) آلاسان کامیوی می دن
می دن داها وار هر نمنه درده سالاندی

• چهارشنبه
• 5
• خرداد
• 1400
• ساعت
• 21:09
• نوشته شده توسط
• یوسف اکبری

به سبک (مرغ سحر ناله سر کن)

به لطــــف حَیِّ تبارک
آمــــــــده عید مبارک
عید فطرو عیــد بخشش
بندگان را گــو مبارک
یا الــــــهی یا تبارک
بندگان را گو مبارک2

رسیده شَوّال و عید است
لطف خدای مجید است
مژده عاشقان ،مژده شیعیان
عید غفران و سعید است
عید رحمت ،عید حکمت
عید ســـــر تــا پا سعادت
حمد خداونـــد یکتا
خـــــــالق عالی و اعلا

قسمت مــــا شد ماه بندگی
مــــاه ضیافت ،ماه تقوا
ماه لطف و ماه رافت
ماه نـــور و معنویت
ماه ســـــــراسر سعادت
ماه بنــــدگی و رحمت
ماه نــــزول، آیه ی حق
مـــاه دعـــوت، با فضیلت

ترکی

مژده گلوب عید رحمت
عیــــــد سراسر سعادت
عید فطر اولوب ،مبارکدی
قبول حـق اولسون اطاعت
شکر اولا حی تبارک
بیزلره بایرام مبارک2

قوتـــــاردی ماه فضیلت
خاتمــــه تاپدی ضیافت
ماه بندگی ترک عصیان
ماه طاعـــــات و عبادت
قیل عنایت داور الله
بندگــــــانه یاور الله

شکر اولا پــــــروردگاره
لطف ایلـــدی اهل زاره
بو ایلده اولدوق،میهمانِ
سُفــره ی حَیِّ کردگاره
یا بَشیرُ و یا مُبَشِّر
یا بَصیرُ و یا مُبصَّر

ای بیزه احسان ایدن خدا
لطف فـــراوان ایدن خدا
بنده ی غـــرقِ،در گناهم
دردیمه درمان ایدن خدا
یا علیم و یا مُعَلِّم
یا قَسیم یا مُقَسِّم

لطف ایله ای حــَیِّ داور
ای اَحــــدو پاک و اکبر
من سنــــــــه عبدم الهی
گچ گنهیمدن ،جان حیدر
(پوریایه) عیدیانه
ایله اعطا ای یگانه

• دوشنبه
• 21
• تیر
• 1400
• ساعت
• 22:06
• نوشته شده توسط
• یوسف اکبری

عید فطردی یاران عالم اولدی گلباران
پاک اولوب گنهکاران
بایراموز مبارک _ بایراموز مبارک

حقّه میهمانیدوز مست امتحانیدوز
عبد میزبانیدوز _ آی خجسته بیداران
بایراموز مبارک _ بایراموز مبارک

عالی امتحان وئردوز عشقوزی نشان وئردوز
نفسوزه امان وئردوز _ اعتقادلی سرداران
بایراموز مبارک _ بایراموز مبارک

طاعتوز قبول اولسون نصّ پنج اصول اولسون
رحمته شمول اولسون _ آی گرامی دینداران
بایراموز مبارک _ بایراموز مبارک

• دوشنبه
• 4
• مرداد
• 1400
• ساعت
• 11:54
• نوشته شده توسط
• یوسف اکبری

رمضان رمضان ای ماه فیض وغفران
نه تزآیریلدین سن بیزلردن ماه احسان
اورکده قالدی سوزوم
دالونجاقالدی گوزوم

رمضان ای ماه عبادت الهی
بوعبدذلیلین چوخ دورجرم وگناهی
شفاعته سن اول روزمحشرگواهی
عاشقم من سنه ای ماه روح ایمان

رمضان یواش گیت ایتمه قلبیمی القان
دالونجاقالدیم من گورنجه دیده گریان
فراقونده اولام من روزوشب پریشان
سنله مانوس اولدوم بیرآی ای شهرعرفان

رمضان من دلدن سنه علاقمندم
انسان سازبیرآیسان من عبدمستمندم
واسطه اول گینان محشرده دردمندم
خطاوجرمیمی گیچسین خدای رحمان

سندن چیخدی الیم محزون دل فکارم
ای قلبیم قراری هجروندن بیقرارم
بهارین ابری تک گورنجه اشگبارم
گرچه من اینجیتدیم سنی ای ماه قرآن

رمضان ای اولان بیرپارچاخیرورحمت
سنده آچیلدی بیرآی سفره قناعت
خوش گلدین ای یاربامهربامحبت
آلدیم چوخ دردیمه سندن چاره ودرمان

• یکشنبه
• 17
• مرداد
• 1400
• ساعت
• 22:28
• نوشته شده توسط
• یوسف اکبری

‍ گلدی ماه رمضان خلقیده ایمان چوخالور
رَگِ تقوا و تَقدّسده گینه قان چوخالور

اون بیرآی غفلت ایدنلربیرآیا صفده دوروب
ایشیدوب درگه خلّاقیده غفران چوخالور

باغ جنّاتیده سُفره بَزیور حورو مَلک
گون به گون بارگه حَقّیده مهمان چوخالور

اولوب ابلیسِ رَجیمون هَلَه بازاری کساد
پای منبرده، مَساجدده مسلمان چوخالور

بَرَکات رمضان عالمی حیران ایلیوب
اون ایکی آیدا بیرآی قاری قرآن چوخالور

بوآیون نسبتی وار حیدرکرّار آقاما
اونا خاطردی بوآی بوذروسلمان چوخالور

حیف افطاره کیمی هامّی تقیّه ایلیور
تاکه افطارآچوروق غیبت وبهتان چوخالور

جهدایدون طاعت یکماهَه میزاولسون ابدی
غافل اولسوق گینه ده حیلۀ شیطان چوخالور

• چهارشنبه
• 20
• مرداد
• 1400
• ساعت
• 20:52
• نوشته شده توسط
• یوسف اکبری

مومنا خلقه گلستان صفادور رمضان
ماه پر نعمت و پر فیض و عطادور رمضان
گر ضیافت تاپا بولسن گوره جکسن ثمرین
واقعاً سفرهء احسان خدادور رمضان

ذکر ایدوب بو سوزی پیغمبر حق سرور دین
مژده اولسون بویوروبدور سیزه ای اهل یقین
چون گلیبدور بوگوزل فصل ده قرآن مبین
محور محکم ارضیله سمادور رمضان

خلق عالم هامی محتاجدی الطاف حقه
نعمت اللهدی یر گوگ دولوسی ماخلقه
شکر واجب دی که انسان ایده رب الفلقه
مجلس قول و عمل ذکر و دعا دور رمضان

ای که عبدیتون اللهه ثبوت اولدی سنون
نور ایمانه روشن قالاجاقدور وطنون
امن و ایمنده دی مال و حشمون جان و تنون
بیمه پرداز وسزاوار بقا دور رمضان

اولین روشنی روحدی انسانه بو آی
مینلر آی گلسه مدار اوستونه چاتماز بونا تای
گونلرون عشقیله عرفانیله ایمانیله سای
قیمتین گوزله اوجوز ساتما بها دور رمضان

علم و عرفاندا یازیللار بو آیا میم تاپا حال
بالیقین اهل سعادت اولاجاق اهل کمال
آچلاجاق لحظه به لحظه یوزینه باب وصال
عهدین ایفاسینه ایام وفادور رمضان

جمله عاشقلره ماه رمضان محفل راز
مهد پرفیض وفیوض انجمن راز و نیاز
اهل ایمان دل شبلر ایدر احیای نماز
بالخصوص امته کشتی نجادور رمضان

معنویت یولی همواردی هر یول گیدنه
دادرس اول گوزلیم دردینی اظهار ایدنه
امتحان فصلی دی حقدن گلجاق نمره سنه
شاهد مدرک شایان جزادور رمضان

علم طبی دیور انسانه خوش عادتدی بو آی
جسمه صادر کن دستور عباتدی بو آی
مایهء صدق و صداقتدی سلامتدی بو آی
مکتب الطائهء هر شاه و گدادور رمضان

لیلة القدر بو ایستکلی آیین مایه سیدور
قرآنین آیه لری مایه و سرمایه سیدور
هم علی سقفیدی دیواریدی هم پایه سیدور
ماه شمشیریدی هم ماه ولادور رمضان

ماه مخصوص خداوند جلی دور رمضان
ماه مربوط به ذات ازلی دور رمضان
ماه پیغمبر و زهرا و علی دور رمضان
ماه مظلومیت و ماه عزادور رمضان

ماه انسان و ملک,حوردی ماه رمضان
ماه عشق و شرف و شوردی ماه رمضان
عصر موسالرینه طور دی ماه رمضان
ماه پر مهر و وفا حجب و حیادور رمضان

ماه ممتاز خداوند ازل دور رمضان
عالی جولانگه و میدان عمل دور رمضان
آزمون گاه کمالات ملل دور رمضان
ماه میزان عمل جرم و خطا دور رمضان

مسجد و منبر و محرابدی ماه رمضان
مسند شیخ دی هم شاب دی ماه رمضان
مفخر خاکدی هم آب دی ماه رمضان
همده هرچاره سیز امراضه دوادور رمضان

مظهر و آیت سبحاندی بو ماه رمضان
مکتب قوم مسلماندی بو ماه رمضان
مرکز علمدی عرفاندی بو ماه رمضان
یاز""امینی""سند حمد و ثنادور رمضان

• جمعه
• 22
• مرداد
• 1400
• ساعت
• 11:58
• نوشته شده توسط
• یوسف اکبری

بدنام سن ای بنده اگر سن بو جهاندا
مشغول خطا سن هله پیدا و نهاندا
غیبت ائلیورسن دل آچوب سوز دانشاندا
گل چاتدی ضیافت آیی بس قالدون هایاندا
آلله سنی عفو ایلیر حتماً رمضاندا

فرق ایلمز هیچ پیر و یا اینکه جوانسان
خلق ایچره اگر دهریده رسوای زمانسان
بیر بیله ندن عاقبتوندن نگرانسان
محراب عبادتده گوزی یاشلی دوراندا
آلله سنی عفو ایلییر حتماً رمضاندا

توبه قاپیسی دای آچیلیب آلما اجازه
بی واسطه دور اللهیلان راز و نیازه
دور باشلا اوباشدانلاری سن سوز و گدازه
آهون گجه لر فرشیدن عرشه اوجالاندا
عفو ایلییر آلله سنی حتماً رمضاندا

امّیدیله گل غصّه دن هیچ اولما مکدَّر
عاشقدی علینون آدینا خالق داور
غم ائتمه باغیشلاندیراجاق حیدر صفدر
بیست و یکم آخشامی گلوب سینه ویراندا
عفو ایلییر آلله سنی حتماً رمضاندا

بیر آیدی بو آی جوشه گلوب چشمۀ رحمت
آلله ائلیوب بنده سینه بسکه عنایت
یاتماقیوه ده شامل اولور اجر عبادت
باخ لطف خدایه گجه بسترده یاتاندا
عفو ایلییر آلله سنی حتماً رمضاندا

• شنبه
• 30
• مرداد
• 1400
• ساعت
• 23:15
• نوشته شده توسط
• یوسف اکبری

رمضان گتدی ولی قلبی دولی قان آپارور
مرده انسانلار آرا باش گوتوروب جان آپارور

قدرینی بولمدوخ آهسته یغیشدیردی اوزون
سفره سین جمع ائلیوب سفره ده قرآن آپارور

اوخویان چوخدی گوروب یوخدی عمل ایلیه نی
حسرتیلن حسناتین گویه مهمان آپارور

قالدی حسرت بیزه گتدی الیمیزدن حسنات
پر بها نعمتی الدن نجه، ارزان آپارور

عشق بازارینی ائتدوخ اوزوموز سست و کساد
آرادا کامه چاتیب بهره نی شیطان آپارور

حرمتین ساخلامادوخ اللری بوش دوشدی یولا
گوزلرین محضر دادارینه گریان آپارور

پیشواز ایلین آز اولدی پشیمان گیدوری
غصه لر دوغرادیلار قلبینی شان شان آپارور

شکوه سی واردی خلایقدن اوتور آللهینا
اوبیری ایللره تای آهیله افغان آپارور

شب قدرینده یازوب نامه ی اعمالیمزی
یاخجی اعمال عوضی قورخولی دیوان آپارور

آرزو ایلییرم که یازا الله صمد
بو آیین بهره سینی ملت ایران آپارور

• سه شنبه
• 4
• آذر
• 1399
• ساعت
• 12:44
• نوشته شده توسط
• یوسف اکبری

یا رَب سَنی ویرّوخ قَسم اُول شیرِ خُدایه
بیر رَحم اِئله بو اَلسیز اَیاقسیز فُقَرایه

اِی مَرحُمتی پَردۀ اَفعال ذَمیمه
وی عَزمی وِئرن رُوح روان عَظم رَمیمه
وئرّوخ سَنی سُوگند بو اَسماء عَظیمه
عَفو اِیله بیزی پَنج تن آل عَبایه

بَیر آنیده قَهرون اِئده گر عالمی نابود
یا مَرحَمَتون مین بِئله عالم اِئده مُوجود
مَخلوق نِئجه دَم چَکر اِی خالق مَعبود
مَحکوم بِحُکمُوخ هامی بو اَمر قَضایه

طاعاتون اولوب جُملۀ ذَرّاته فَریضه
اِسمونله مُزیّن اُولی عُنوان عَریضه
اِی اِسمی دَوا ذَکری شَفا کُل مَریضه
صَحّت وِئر اؤزون جِمله مَریض ضُعَفایه

دَرگاهُیوا بو آه و فَغاندان بودی مَنظُور
بو دَردیله ئؤز بَنده لَرون اِیلمه رَنجور
پِیغَمبریلَن روز جَزاده اِئله مَحشُور
اُونلار که بو دَردیلِه گئدوب دار بَقایه

یا مَن سَتَرَ کُلَّ عُیُوباً وَ بَلایا
لَطفیلِه اؤزون اِیله گیلن دَفع بَلایا
شَهر اَهلی پَراکنده اُولوب جُمله خدایا
رَحم اِئت بو قالان اَلسیز اَیاقسیز فُقَرایه

وِئرّوخ قَسم اُول وَقتَه که سُلطان مَدینه
مین زَخمیله آتدان یخلُوب رُوی زَمینه
فَریاده گلوب زِینب و کُلثوم و سَکینه
اَفغانیله یوز قُویدولا مِیدان بَلایه

چون چخدی حسین سینه سینه شِمر سِتَمگر
قُویدی او شهِ کم سِپهون حَلقینَه خَنجَر
عَجزیله او شَه سُویلدی اِی خالقّ داوَر
باخ حَلقِ حُسینه سِتم شِمر دَغایه

چون تَشنه لَب ئؤز قانینه اول شه بَلَنوب دور
گرد غَمیله روی هَوا تیره لَنب دور
اُوندا اُسَرا باشینه کُوللَر اَلَنوب دور
گوردیله حسین باشی گِچُوب نُوک جِدایه

اَفلاکَه چخُوب آل عَلی شیون و شِینی
چون نَصبِ سِنان اِیلدیلر رَأس حسینی
گفتاره گلوب فاطمه نُون نُور دو عِینی
قُرآنی تَلاوت اِئله دی آیه بَه آیه

آسُوده لیق اِیستَرسَن اَگر دَرد و بَلادن
اِی شیعه یاپوش دامن شاه شُهدادَن
خُوف اِیلمز ای (راجی) غَم روز جَزادن
هر کیم سَنه رُونَق وئره بو بَزم عَزایه

• پنج شنبه
• 11
• شهریور
• 1400
• ساعت
• 13:50
• نوشته شده توسط
• یوسف اکبری