اؤلیرم بیرجه یئتیش داده عمو
قویما نعشیم قالا صحراده عمو
باشیم اوستونـده اگر گلسه سسین
جان وئریر جسمیمه عیسی نفسین
آنامـا سویلـه منـی گـؤزله‌مـه‌سین
قالـدی حسـرت منـه دنیاده عمو
آلـدی اطرافیمــی بـو لشگـر کیـن
یولومی کسـدی عمــو شیث لعیـن
داخی گلمک منه چوخ اولدی چتین
سن ازون گل یئتیش امـداده عمو
سسلــرم یئتمیــری بیریانـه سسیم
دگدی اوخ سینمـه سینـدی قفسیم
سـن گلینجــه اولـور آخـر نفسیم
چـون دگیب یـاره بو ناشاده عمو
منــی یالقیــزلادی بــو قـوم عدو
سوسوز اؤلدوردی عمو وئرمدی سو
قرمـزی قانیــم اولـوب آب وضو
ایستـی قوملار منـه سجاده عمو
شاهبازیـن دئمـه بی‌شهپر اولوب
تیـر اعـدا منـه بال و پـر اولوب
قاتلیم الده دوتوب خنجر اولوب
باشیمـی کسمگــه آمــاده عمو
سوسوز اؤلمک نه کی زحمتدی منه
بو یــولون زحمتـی راحتـدی منه
اؤلــورم عیــن سعــادت‌دی منه
سـال بــو حالتده منی یاده عمو
ای عمـو قالـدی قوری یئرده باشیم
سایـه گــورمز بولـورم بیرده باشیم
لله الحمــد اولـوب آخـرده بـاشیم
آشنــا خنجــر فــولاده عمــو
کربلا زمزمه سی 2 – صرّاف
منبع:سایت مدایح
- سه شنبه
- 7
- شهریور
- 1391
- ساعت
- 8:33
- نوشته شده توسط
-
جواد
برای بارگذاری فایل در سایت اکانت مداحی بسازید
امام هشت را در شبکههای اجتماعی دنبال کنید
ارسال دیدگاه