آچ گوزلرین فاطمه قبرین اوسته گلموشم
هریاننان ال اوزموشم دل شکسته گلموشم
فرقتیندن یانوب روز و شب من آغلارام
نار هجرینده هر لحظه سینه داغلارام
غصه دن اون سگیز ایل گولمه دی سنین اوزون
دردیله یاندی دیلین،اشکیله دولوب گوزون
سیندی قابیرقان گینه،سن دئیوردون حق سوزون
غصه و ماتملن آخر قوتارمیسان ئوزون
آتشِ ظلمی باب حنانه ویردولار
بیعت اوسته سنه تازیانه ویردولار
هانسی ئوزویله سایوم دردیوی باشدان باشا
حقیمدی گوز یاشلاریم سیل تک آخوب داشا
دوقّوز ایلده سالمادین تازه معجری باشا
اؤلدون ئوزون سسلدون مرتضی علی یاشا
هانسی درده یانوم من وفالی فاطمه
حیدری سن قوجاتدون یارالی فاطمه
امر خدایه آتان اللریمی باغلادی
خیبر یخان حیدری اوز ایوینده ساخلادی
غیرتیمدن آغلادیم،ذوالفقاریم آغلادی
اوغلوم خسن نه گوروب،دیزلرین قوجاقلادی
بو غمه سینه می نت اؤلونجه داغلارام
ذوالفقاره باخوب غیرتیمدن آغلارام
قالسون بو سوزلر منی آیری درده سالموسان
قبر ایوینده نیلوسن،صبریم الدن آلموسان
آنداولا اوز جانیوه حیدری قوجاتموسان
یادیمه هی دوشور نصف شب اویانماقون
دردیلن رنجیلن،شب نمازی قیلماقون
- جمعه
- 14
- دی
- 1397
- ساعت
- 19:40
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه