گل جان وئرور زهرا علی جان
ای عالمه مولا علی جان
بیکس و تنها علیجان
باغریم اولوبدی قان عم اوغلی
جانیم سنه قربان عم اوغلی
جان عم اوغلی جان عم اوغلی
گرچه سنه دلبستیم من خستیم من
قرآن اوخی جان اوستیم من خستیم من
جان حسین چوخ ائتمه شیون
تا بیلمه سین بو سرّی دشمن
یاندی خرمن صولدی گلشن
وئر غسلیمی پیراهن اوستن
قوی جسمیمی قبره اؤزون سن
یورقونام من یورقونام من
مندن صورا دورت نور عینیم سینه داغلار
نوحه دییَن وقته حسینیم زینب آغلار
یانّام او حاله قوپدی طوفان
ائتدی تهاجم قوم عدوان
توکدیلر قان آلدیلار جان
محسن بالام گئتدی الیمدن
قؤزاندی واویلا دیلیمدن
دود اوجالدی منزلیمدن
ایکاش همان لحظه ئولیدیم غملی حالون گورمییدیم
مرحب یخان ال باغلاناندا اشک آلون گورمییدیم
مندن صورا سن تک قالارسان
هی قبریم اوسته یول سالارسان
عطریمی اوردان سن آلارسان
غم ذکرین اللهه دییَرسن
ظلمت گجه ماهه دییرسن
دردیوی چاهه دییرسن
سن تک هانی بیکس جهاندا وای عم اوغلی
دشمن گولر سن آغلیاندا وای عم اوغلی
☑️ جواب مولا
یا فاطمه ای روح تقوا
دردون آلوب مندن شکیبا
جان طاها جان طاها
توکمه بئله اشکون جماله
سالما منی بحر ملاله
ائتمه ناله ائتمه ناله
سنسیز منه زنداندی دنیا گئتمه زهرا
مظلوم علینی قویما تنها گئتمه زهرا
من بیکسه سن یاوریدون
تک جانیوه بیر لشکریدون
حیدره غم پروریدون
حقّیم وار ئولسم غمدن ایندی
دردون بوجانه چوخ چتیندی
دل غمیندی جان حزیندی
بیل حالیمی سوز دلیمدن گئتمه زهرا
دور غم گونومده دوت الیمدن گئتمه زهرا
چیخماز یادیمدان ای یگانه
تیر غمه اولدون نشانه
صادقانه عاشقانه
گوردون منی چنگ خطرده
مردانه دوردون پشت درده
اوندا جانیم گلدی درده
تترور سسون هر سوز دیَنده گئتمه زهرا
اولما یاران واردی بدنده گئتمه زهرا
ای یادگار ختم مرسل
قالخمور نیه بو نازنین ال
باری دینجل باری دینجل
سنسیز حسین دؤزمز فراقه
سسلن اونی گورست علاقه
آل قوجاقه آل قوجاقه
گوز کاسه سی اولموش لبالب گئتمه زهرا
آغلور دالونجا نازلی زینب گئتمه زهرا
- چهارشنبه
- 26
- دی
- 1397
- ساعت
- 21:5
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه