غملو گئجیله گوندوزوه آغلاما علی
زهرا فدا اولا گوزوه آغلاما علی
ای سینه سی شراره ، یانان شمع انجمن
عالم یانار یانان سوزوه آغلاما علی
سن آغلیاندا عالم امکاندا آغلیور
گوز یاشی توکمه گل یوزوه آغلاما علی
مظلوم علی ، کومکسز علی ، مهربان علی
تنگ ایتمه عالمی ئوزوه آغلاما علی
اتمام حجّت ایلدون ای حجّتِ خدا
بیر کیمسه باخمادی سوزوه آغلاما علی
هجران اودیندا یانماقوا آغلارام سنون
باش قویما ایندی غم دیزوه آغلاما علی
من آغلارام سنه ولی آغلوسان منه
قربان او آغلیان گوزوه آغلاما علی
دشمن سالوب نه حالته بو زار و خسته نی
ای دلشکسته ، درک ایله پهلو شکسته نی
سن آغلاما غریب وطن ، قوی من آغلیوم
ای آشنای رنج و مُحن قوی من آغلیوم
آماده اول عم اوغلی یاخنلاشدی آیریلیق
رونقسیز اولدی باغ و چمن قوی من آغلیوم
دورت غنچه گُلّریم قالاجاق باغبانسیز
گلزاره دولدی زاغ و زغن قوی من آغلیوم
مندن صورا یتیم اولی کلثوم و زینبیم
آغلار قالار حسین و حسن قوی من آغلیوم
ای باشیمون تاجی سن ئوزون دلشکسته سن
پهلو شکسته ام ولی من قوی من آغلیوم
آگاهیسن ئوزون نه آنام وار نه قارداشیم
کیمدور بو درد و رنجی بیلن قوی من آغلیوم
بیر گون مدینه اولموشودی خانه ی الم
اولدی ایویمده بیت الحَزنَ قوی من آغلیوم
- شنبه
- 13
- بهمن
- 1397
- ساعت
- 20:29
- نوشته شده توسط
- ابوالفضل عابدی پور
- شاعر:
-
مرحوم خالق فکری
ارسال دیدگاه