فاطمه یعنی لیاقت فاطمه یعنی وقار
فاطمه یعنی شعور و اشتیاق و اعتبار
فاطمه یعنی تمام خاطرات ماندگار
فاطمه یعنی کتاب حقه مهر افتخار
فاطمه کوه شهامت پرغرور و استوار
فاطمه اسباب خلقت منزلی افلاکدی
روحی گویلرده گزور فرمانروای خاکدی
فاطمه یعنی سراپا عصمت و حجب و حیا
فاطمه یعنی صفای روزگار مصطفی
فاطمه یعنی کمال عشق ناب مرتضی
فاطمه یعنی رموز کردگاره آشنا
فاطمه تاج خلایق افتخار انبیا
فاطمه ام ابیها مادر احساسدی
حامی مولادی عشق حیدره حساسدی
فاطمه گر اولماسیدی عالم اولمازدی پدید
اولماسیدی فاطمه امید اولاردی ناامید
عشقی کهنلمز مبارک ساحتی دایم جدید
درگهینده حوریلر همچون غلام زر خرید
باغ زیبای بهشته حب زهرادور کلید
آند اولا هم مصطفی هم مرتضانین جانینه
شیعه ی بی فاطمه شک ایلسون ایمانینه
عالم و چرخ فلک زهرایه خاطر خلق اولوب
انس و جن و ماملک زهرایه خاطر خلق اولوب
گلستاندا گل چیچک زهرایه خاطر خلق اولوب
حشر و میزان و محک زهرایه خاطر خلق اولوب
جنت و باغ فدک زهرایه خاطر خلق اولوب
لطف زهرادن بو عالم ذره ناچیزدور
اولماسا زهرا بهار عمروموز پاییزدور
بیر بئله گورسیدی خالق گر صلاح مکتبی
تا ائده مبعوث جمع پاک نسواندان نبی
فاطمه لایق کسیدی اخذ ائده بو منصبی
اهل دل انکار ائدنمز یازدیقیم بو مطلبی
چون فقط زهرا بئجردیب دامنینده زینبی
هم لیاقت هم بلاغت دختر طاهاده وار
خلق و خوی مصطفی تنها فقط زهراده وار
ایستدی خالق تانینسون پنج تن عالملره
ائتدی فخریلن اشاره نوگل پیغمبره
فاطمه بیرده آتاسی پاکزاد و طاهره
بیرده زهرا صاحبی اولدی اشارت حیدره
فاطمه اوغلانلاری عنوان اولوب بو دفتره
یعنی زهرا اولماسیدی سن یارانمازدین نبی
روح زهرادور سنه تقدیم ایدن بو منصبی
بیر خانم که شهرت و آوازه سی دوشموش دیله
بیر خانم که حوریلر دامانینی دوتموش اله
بیر خانم که شانینه قرآنیده کوثر گله
بیر خانم که ئوز آتاسی هم قیز هم مادر بیله
بیر خانم که اولماسیدی نوح باتمشدی گله
امر واضحدور مقدس ساحتی پر جاه اولار
درگهینده کیم گدادور عالمینه شاه اولار
بیر خانم که هیبتیندن نور حریت یاغا
بیر خانم که دامنیندن عالمه زینت یاغا
بیر خانم که گوزلریندن جوهر عصمت یاغا
بیر خانم که لبلریندن گوهر حکمت یاغا
بیر خانم که اللریندن دائما رحمت یاغا
بیر نظر سالسا زر ایلر فاطمه داغ داشلاری
انبیا سسلندی یا زهرا اوجالدی باشلاری
بیر خانم که مهر باطل ووردی کفر و باطله
بیر خانم که نصف شب قیلدی نماز نافله
بیر خانم که دوتدی اوندان روح شیطان فاصله
بیر خانم که کشتی ایمانی چکدی ساحله
بیر خانم که طوی لباسین هدیه ویردی سائله
شیعه دن ایلر شفاعت روز محشر بللیدی
بیر نظر ائتسه خانم کل مسائل حللیدی
بیر خانم که چهره سی کور ایلیه مهر و مهی
بیر خانم که جلوه سی نور ایلیه آل اللهی
بیر خانم که نوکره بذل ایلیه تاج شهی
بیر خانم که وسعتی اولموش بهشته منتهی
گور روادور شعله ی دردیله یانسون درگهی؟
تیر غم آماج ائدوب پیغمبرین گنجینه سین
یاندیروب کیم درگهون یاندیرسون آلله سینه سین
بیر خانم که وصف ائدوبدور خالق داور اونی
بیر خانم که امته تاپشوردی پیغمبر اونی
بیر خانم که همسر ائتدی حضرت حیدر اونی
بیر خانم که حق یازیبدور شافع محشر اونی
عار اولا دنیایه یوردی عاقبت غملر اونی
یاندی قلبی پوزقون احوالی غم اولدی حیدره
دوشدی بیر درده خانم درمانی قالدی محشره
سالدی بیر حاله زمانه افتخار عالمی
هانسی دردیندن یازوم درد گراندور هر غمی
دردینی اثبات ائدور آق ساچلاری قد خمی
چوخدی گیزلین یاره سی افسوس یوخدور مرهمی
ئولمیونجک گورمدی یاره لرین ئوز محرمی
ایستموردی غملی مولانین کسیلسون چاره سی
قویمادی حیدر بیله وار سینه سینده یاره سی
گون او گون اولدی قویوب تک فاطمه دلدارینی
پوزدی زهرانین فراقی حیدرین پرگارینی
نصف شب مولا قویوب مغسلده یورقون یارینی
ایستدی غسلون وئره بیر غم پوزوب افکارینی
آه او دمدن مرتضی بیلدی نهان اسرارینی
قویدی دیواره یوزون سسلندی مولا وای منه
صورتون نیلیدی زهرا کیم ووروب سیلی سنه؟
کیم ووروب سیلی سنه سولسون یوزی سئنسون الی
یاندیروب کیم درگهون عالمده سونسون مشعلی
وار سینونده بیر یارا ایکاش گورمیدیم ولی
حیدره بیلدیرمیوبسن قلبیم اولدی غصه لی
ترک ائدورسن سن منی بس نیلسون سنسیز علی
بیر توکون زهرا بیلورسن عالمه من ویرمرم
یاره وه قربان اولوم دیندیر دانشدیر حیدرم
- یکشنبه
- 14
- بهمن
- 1397
- ساعت
- 10:59
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه