خالقین قدرتی واردور چکه انسانی گویه
نئجه کی چکدی اونون قدرتی عیسانی گویه
حضرت ختم رسل ده گویه معراج ائلیوب
آپاروب خالق ئوزی حضرت طاهانی گویه
هرنه گویلرده گوروب سس وار علینین سسیدی
او صدا وئرمیشیدی حالت عرفانی گویه
سوروشوب پیک خدادن بو سوزی پیغمبر
بو نه سسدور که وئرور جلوۀ شایانی گویه
من گلن وقتیده معراجه علی یِردِیدی !
نئجه مندن قاباق اوج ایلدی بیر آنی گویه
جبرئیل عرض ائدوب ای صاحب اجلال و کرم
بو علیدور که وئرور حالت روحانی گویه
چون علیسیز دوزه بیلمولَّه ملک لر گویده
خالقین امری چکور یئردن او مولانی گویه
یئر اونون قدرینی بیلمز اونی گوی یاخشی تانیر
اودی تفسیر ائلین سورۀ طاهانی گویه
یئری وار اهل ولا فخر ائلهین مولایه
مرتضانی آپاروب طاعت و ایمانی گویه
بعضی فکر ایلیور افضل دی علیدن عیسی
چونکه عیسانی چکوب خالق سبحانی گویه
ایستورم من دییم افضل دی علی عیسادن
دییه بیلسم گئدر احسن سسی هرآنی گویه
یوخ جسارت نظریم حضرت عیسایه بلی
بو مسلَّمدی آپارمازلا هر انسانی گویه
واردی تشبیهیم اگر طبعیم الیمدن دوتسا
یازارام علت پرواز مسیحایی گویه
بیر ترازوده قویولسا ایکی سنگین وزنه
اوکی یونگولدی گئدر کفّۀ میزانی گویه
چون علی سنگینیدی فضل ترازوسینده
قالدی یئرده آپاروب حضرت عیسانی گویه
گر نظر ایتسه علی بو نچه بیت اشعاره
عالم عشقیده یئردن چکر#احسانی گویه
- یکشنبه
- 21
- بهمن
- 1397
- ساعت
- 12:23
- نوشته شده توسط
- ابوالفضل عابدی پور
- شاعر:
-
احسان بدرخانی
احسان