مژده ای مردان ولا
گلدی اورگه شور و صفا
چاتدی باشا غملر
شیعه اشک شوقین الر
سسلر ائلهکی عشقه گلر
یا ساقی کوثر
حیدر بو گون اولموش عالملر امیری
عشقیندن اولوبدی عاشقلر اسیری
بویوروب رسول خاتم که به امر حیّ یکتا
کیمه مصطفادی مولا اونا مرتضادی مولا
یا اباالحسن یا حیدر (4)
دین خاتم کامل اولوب
الله کرمی شامل اولوب
جانانیم علی دی
شیعه جان قربان ائلییر
عالملره اعلان ائلییر
سلطانیم علی دی
هر کیمسه اولوبدی مست می کوثر
مین عشقیله سسلر حیدر مدد حیدر
ائدر اقتدا امامه بله شیعیان حیدر
ائله سسله تیترسون تا تن دشمنان حیدر
یا اباالحسن یا حیدر (4)
کیمدی حیدر حقّه ولی
پیغمبر اسلامه وصی
عالملر امامی
جنّ و انسون سروریدی
آزاده‌لرین رهبریدی
والادی مقامی
بیر عاشق مست و سوداگری‌ام من
یوخ حشریده قورخوم چون حیدری‌ام من
بو گئجه می ولایت منی مست مست ائدوبدی
که جهاندا عشق حیدر منی حق‌پرست ائدوبدی
یا ابالحسن یا حیدر (4)
شیعه‌نون یوخ دلده غمی
آفاقه ویرار عشق علمی
آقاسی علی دی
من کُنتُ مولا بویوروب
شاهنشه بطحا بویوروب
مولاسی علی دی
بی‌نور ولایت دل منجلی اولماز
مین شاه اولا خاکِ پای علی اولماز
یارانوبدی ماسوالله پای آلار ولی الیندن
تاپاجاق ره سعادت کیم اؤپه علی الیندن
یا ابالحسن یا حیدر (4)
- یکشنبه
- 21
- بهمن
- 1397
- ساعت
- 12:31
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه