ترنّم ائتمگه بلبل چیچکلی بیر باهار ایستر
غم هجران چکن عاشق نگار گلعذار ایستر
ملالتدن خلاص اولماق نوای چنگ و تار ایستر
سؤینجه میل ائدن کؤنلوم اوزون غمدن کنار ایستر
کماله یتمگه خلقت علی تک شاهکار ایستر
ولیعهد پیمبردیر علینی کردگار ایستر
سولارهرغنچاگلشنده خزان سیزبیرباهاراولماز
طراوتلن قالاردائم محبت گلشنی سولماز
اسه وحشتلی طوفانلارمحبت گوللرین یولماز
علی نین عشقی گراولسااؤرکلرکینلن دولماز
علی نین عشقین عالمده اؤرکلرپایدارایستر
ولیعهدپیمبردیرعلینی کردگارایستر
ولایت بوستانینداعلی نین جسمی سنبلدور
محبت گلستانینداعلی بیرسولمیان گلدور
علینین شأنینی بیلمک بوگون انسانه مشکلدور
علی حقدورولایت ده بیلیرهرکیمسه عاقلدور
علینی یاخشی درک ائتمک چتیندیرهوشیارایستر
ولیعهدپیمبردیرعلینی کردگارایستر
علینین گل وجودیله تاپیب گلزاردین زینت
علی نین ذوالفقاریندان آلیب دین لشکری قدرت
علی مولای عالم دیرعلی دیرزینت خلقت
علی باب فضیلتدورعلی دیرمظهرحکمت
علی نین پارلیان شمعین اؤرک پروانه وارایستر
ولیعهدپیمبردیرعلینی کردگارایستر
علی دیرظالمه دشمن علی دیرمظلومین یاری
علی تک کیمدورعالمده یتیمانین پرستاری
بیوک سرمشقیدورخلقه علی نین قول وکرداری
یاریب ظلمت لرین باغرین علی نین نوررخساری
بنای عدلی حفظ ائتمک علی تک پاسدارایستر
ولیعهدپیمبردیرعلینی کردگارایستر
وجودوم قویگلان یانسین علینین اشتیاقیندا
نه خوشدوریانساپروانه اگرشمعین ایاقیندا
بوعادتدیریانارعاشق یارین داغ فراغیندا
توان ایستراومولادن کؤنول بوخسته چاقیندا
علی دیردردیمه درمان اؤنو جسم نزارایستر
ولیعهدپیمبردیرعلینی کردگارایستر
بنای دینی عالمده علی دیرایلین محکم
بودینه بیله مولایه نئجه فخرائتمسین عالم؟
علی دیرچرپنان قلبیم علی دیرسرّیمه محرم
علی دیرسؤدیگیم جانان علی دیردردیمه مرهم
کدردن قان اولان کؤنلوم علی تک غمگسارایستر
ولیعهدپیمبردیرعلینی کردگارایستر
ولی اللهی سسلرلرملکلرعرش اعلاده
برابردیروجودیمله علینین عشقی دنیاده
علی اعلادی حکمتده علی افضلدی تقواده
همیشه قهرمان اولدی علی میدان دعواده
رشادت صحنه سی " آذر " علی تک شهسوار ایستر
ولیعهد پیمبر دیر علینی کردگار ایستر
- یکشنبه
- 21
- بهمن
- 1397
- ساعت
- 13:14
- نوشته شده توسط
- ابوالفضل عابدی پور
- شاعر:
-
مهدی مازندرانی
ارسال دیدگاه