نلر خلق ائلییب ذات الهی
بو دنیانین تجلّا و رفاهی
مقام و منصب و اجلال جاهی
علی سیز هئچ زماندا درده دگمه
ائوین همسایه سی اولسا پیمبر
قورولسا آدیوا محراب و منبر
یازیلسا بامیوه اللهُ اکبر
علی سیز هئچ زماندا درده دگمز
اولا سلطانلیقین مثل سلیمان
علوم و حکمتی مانند لقمان
اورکدن باغلاسان مین واهی پیمان
علی سیز هئچ زماندا درده دگمز
ئولونجه دوشمه سه تسبیح الیندن
توکولسه آب زمزم سقّلیندن
نقدری فیضین اولسا اوّلیندن
علی سیز هئچ زماندا درده دگمز
یازیلسا آدیوا لوحی نوشته
ویریلسا کعبه ده دیوار و خسته
سورونسن مین آغاج باغ بهشته
علی سیز هئچ زماندا درده دگمز
مجهّز اولسا بش گون زندگانلیق
مجهّز زندگانلیقدا جوانلیق
مجلل قصریده امن و امانلیق
علی سیز هئچ زماندا درده دگمز
گله سلطانلیقین مُلک مجازه
سالینسا آدیوا مین کاخ تازه
علی دن اولماسا صادر اجازه
علی سیز هئچ زماندا درده دگمز
گر ائتسن عمرووی قرآن حمایل
ئوزونده اولسا هر شکل و شمایل
علیه اولماسان قلبینده قائل
علی سیز هئچ زماندا در ده دگمز
آدین اولسا علم هر قلّه قطبه
ویریلسا چیگنیوه مین فانی رطبه
اوخونسا آدیوا مین بند خطبه
علی سیز هئچ زماندا درده دگمز
گرعبدالباصطیده اولسا صوتین
نمازینده زبور اولسا قنوتین
نماز و روزه و سعی ثبوتین
علی سیز هئچ زماندا درده دگمز
- سه شنبه
- 23
- بهمن
- 1397
- ساعت
- 11:35
- نوشته شده توسط
- ابوالفضل عابدی پور
- شاعر:
-
کربلایی احد ظهرابزاده
ارسال دیدگاه