تا واردی جانیمده توان آدووی مشق ایلرم
مشق ایلینده آدووی یکسره عشق ایلرم
نظر ایله بو زاره سن
دردیمه سن چاره سن
عنایت ایله آقا
بو قلب بیماره سن
ای گوزل آدون دردیمه دوا یا علی
روحیمه جلا قلبیمه صفا یا علی
بو رگلریمده قان جوشور
ذکر ایلیور یا علی
هر تپش قلب دیور
یا علی و یا علی
وصی پیمبر علی
ساقی کوثر علی
تمام عالملره
مرشد رهبر علی
ای گوزل آدون دردیمه دوا یا علی
روحیمه جلا قلبیمه صفا یا علی
بزندی عرش و عدن و فرش
مشک و گلاب و عنبره
بذل ایلیولله جانلاری
مقدم پاک حیدره
نقدر اولا غم اگر
بو گجه اورکدن گیدر
جشن ولادتونده
فاطمه عیدی ویرر
ای گوزل آدون دردیمه دوا یا علی
روحیمه جلا قلبیمه صفا یا علی
ای شاه مردان جهان
بیزه امداد ایله
ریشه ی زور و ستمی
گنه بر باد ایله
ولایتی برحق علی
شاه موفق علی
دوباره بیر گون اولار
عدلی محقق علی
ای گوزل آدون دردیمه دوا یا علی
روحیمه جلا قلبیمه صفا یا علی
قویماز عزیز فاطمه
شیعه لری خوار اولا
قسمت اولار که شاهیمیز
شیعه سینه یار اولا
علم ولی اللهی
اوغلونا اهدا ایدر
مهدی ظهور ایلسه
عدلینی احیا ایدر
ای گوزل آدون دردیمه دوا یا علی
روحیمه جلا قلبیمه صفا یا علی
- چهارشنبه
- 24
- بهمن
- 1397
- ساعت
- 14:10
- نوشته شده توسط
- ابوالفضل عابدی پور
- شاعر:
-
اکبر پورآقا
ارسال دیدگاه