• پنج شنبه 9 فروردین 03

 ولی الله کلامی زنجانی

متن شعر ترکی در مدح و غدیریه -(خدایا شاهد اول بو جان)

2154
1

خدایا شاهد اول بو جان
علی سیز دردیمه دیمز
نه جان بو عالم امکان
علی سیز دردیمه دیمز


منه چاتسا بیوک بیر پای
که ذوالقرنینه اولسام تای
بیر الده گون بیر الده آی 
علی سیز دردیمه دیمز


علیدن آلمیشام عزت
علی سیز عزّته لعنت
باشمدان توکسه لر نعمت
علی سیز دردیمه دیمز


او سربازم کمر بسته
علی ذکریمدی پیوسته
شهید اولسام نماز اوسته
علی سیز دردیمه دیمز


فلکلرده چخوب دورسام
فرشتیله قدم ویرسام
قیزیلدان قصر سالدیرسام
علی سیز دردیمه دیمز


باشیمدا وار علی شوری
ئورکده معرفت نوری
خلاصه جنت و حوری
علی سیز دردیمه دیمز


ولایت سیز حقیقت جو
گورنمز حقّی رودر رو
نماز بی وضو دور بو
علی سیز دردیمه دیمز


دعا و ندبه نین فیضی
طواف کعبه نین فیضی
صفا و مروه نین فیضی
علی سیز دردیمه دیمز


اوخوسا قاری الرحمان
صدق الله دئسه هرآن
دئنن مین حافظ قرآن
علی سیز دردیمه دیمز


عربستان مسلمانی
غدیره یوخدی ایمانی
گجه ده چیخسا قرآنی
علی سیز دردیمه دیمز


منی آلّاتما وهابی
علیدور خلقت اربابی
بو زرق و برق قلّابی
علی سیز دردیمه دیمز


بو ذکری ائتمیشم ازبر
دییم لبیک یاحیدر
جهانی وئرسه لر یکسر
علی سیز دردیمه دیمز


مریض عشقم ای یاران
علیدن ایسترم درمان
دوا و نسخه ی لقمان
علی سیز دردیمه دیمز


بیزه ملت ائدور حرمت
دیوللر خادم عترت
آغیر عنوان آغیر شهرت
علی سیز دردیمه دیمز


اولاندان عاشق حیدر 
ئوتوردی شاهلقی قنبر
دئدی بو تخت و بو کشور
علی سیز دردیمه دیمز


علیلن باغلاسا پیمان
اولار حبّ الوطن ایمان
و الّا کشور ایران
علی سیز دردیمه دیمز


نیه ترویج اولور فحشا
آییل ای شیعه ی مولا
خراب اولسون بئله دنیا
علی سیز دردیمه دیمز


علی سیز خضر اولار گمراه
آدیدا اولسا سیف الله
زبیر و طلحه ی خود خواه
علی سیز دردیمه دیمز


بو سوز روح تولّادی
شعار قلب زهرادی
دئدی جان وقف مولادی
علی سیز دردیمه دیمز


اولور گرچه خزان عمروم
ولی وار جاودان عمروم
مریض جانیم جوان عمروم
علی سیز دردیمه دیمز



  • چهارشنبه
  • 24
  • بهمن
  • 1397
  • ساعت
  • 19:18
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 456.47 KB
تعداد بازپخش 75
تاریخ بارگذاری چهارشنبه 24 بهمن 1397 12:19
عنوان : به این سبک اجرا شود سبک علی مولای درویشان سلیم موذن
حجم فایل 398.73 KB
تعداد بازپخش 58
تاریخ بارگذاری چهارشنبه 24 بهمن 1397 12:20
عنوان : به این سبک اجرا شود سبک علی مولای درویشان مقدم

ارسال دیدگاه



ورود با حساب گوگل

ورود کاربران