مژده اولسون شیعه لرعالمه سرورگلوب
گوزآچوبدی کعبه ده کعبۀ دیگرگلوب
بت لاری سندیرماقا بت شکن حیدر گلوب
رحمت یزدان گلوب ساقی مستان گلوب
بونمازاوسته اولا دینینه قربان گلوب
یا علی حیدر مدد یاعلی صفدر مدد
ایله زهرایه گوره شیعیانه بیرنظر
ساقی آچ میخانه نی لبریز ایت پیمانه نی
ایله غملردن رها عاشق و دیوانه نی
طبعیم ایستور مدح ایده دلبر جانانه نی
یازقلم پیغمبره با وفا یاور گلوب
فارِس میدان گلوب فوق هر انسان گلوب
بو نماز اوسته اولا دینینه قربان گلوب
یا علی حیدر مدد یاعلی صفدر مدد
ایله زهرایه گوره شیعیانه بیر نظر
وار یری ساقی بیزه بیر دولی ساغر ویره
ابر رحمت لر شاخا عطرو هم عنبر ویره
خاتم پیغمبران وعدۀ کوثر ویره
یاورقرآن و دین شافع محشرگلوب
نوگل بستان گلوب دینه رو ح وجان گلوب
بو نماز اوسته اولا ...
لب آچوبدی بلبلان بیر سرود عرفانا
معنی ایمان گلوب جان فدادی قرآنا
نوش ایدوب صهبای عشق عاشق اولموش جانانا
عشقی معنی ایتماقا الده می ساغر گلوب
عارف دورا ن گلوب خصم نامردان گلوب
بو نماز اوسته اولا ...
عالم معناده دوزگون اولدی تا فصل بهار
دوتدی یکسرکایناتی رحمت پروردگار
گوز آچوب دنیایه گلدی قلب عالم با وقار
روخجل اولدی قمر تابناک اخترگلوب
یوسف کنعان گلوب بیر مه تابان گلوب
بو نماز اوسته اولا ...
بو گلوب آنلاق لی شاگردتا اولا پیغمبره
قائد دین محمدص شرزه شیردی داوره
وار لیاقت شوهر اولسون بو بتول اطهره
احمده داماد اولا کوثره همسر گلوب
خسرو خوبا ن گلوب بندۀ سبحان گلوب
بو نماز اوسته اولا ...
بو ولی اللهیدی چشمۀ علم و شرف
شهر علمه باب دور هر سوری درّ صدف
رهبر کل جهان مرتضی شاه نجف
سندیرا دشمن صفین حیدر و صفدر گلوب
ناطق قرآن گلوب عالمه بیر جان گلوب
بو نماز اوسته اولا ...
بو گلن گوندن تاپار امتی خوش روزگار
بیر رشادت گوستری الده دوتسون ذلفقار
جان ویرر جانانه تاپسون دین و قرآن اعتبار
قهرمان دوغدی آنا مادره دلبر گلوب
نوحیله طوفان گلوب عدل وهم دیوان گلوب
بو نماز اوسته اولا ...
باب خیبر قوز یوب بیر الیله بو آتار
حافظ جان رسول رختخوابینده یاتار
حیف اولا محرابـیده بیر گونی قانه باتار
قان دولا محرابینه شاهد اکبر گلوب
یار مظلومان گلوب دشمن شیطان گلوب
بو نماز اوسته اولا ...
تازه مولود عشقینه ساقی دولدور ساغری
مست می ایت (عدلینی) هم قلم هم دفتری
اون اوچ ماه رجب گلدی دنیا رهبری
گوز آچوبدی کعبه ده کعبۀ دیگر گلوب
مست نخلستان گلوب دردلره درمان گلوب
بو نماز اوسته اولا ...
بو سوزه بانی اولان مادح درباریدی
آد( عطا پور) عارف و عاشق و دینداریدی
اللی ایلدی مدح گو بوحسین غمخواریدی
مادح اولسون حیدره محفله زیورگلوب
عشقنی اعلان ایده مست اولوب مستان گلوب
بو نماز اوسته اولا ...
- سه شنبه
- 21
- اسفند
- 1397
- ساعت
- 11:38
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه