وئرین ای شیعیان مژده امیر مومنان گلدی
قدومیندن وورا بوسه پر آچدی قدسیان گلدی
شه ملک ولا
علی مولا علی
آدی درده دوا
علی مولا علی
آچوب آغوشینی کعبه ائدوب مولادن استقبال
قدومیندن ئوپوب ائتدی شه والادن استقبال
اولوب گهواره سی ائتدی دُر یکتادن اسقبال
او بیت حضرت حقه بو گون بت سیندیران گلدی
شه ملک ولا
علی مولا علی
آدی درده دوا
علی مولا علی
جهاندا جلوه گر اولدی جمالِ حضرت مولا
گونی واله ائدوب حدِّ کمالِ حضرت مولا
ائدوبدی خلقتی حیران جلالِ حضرت مولا
گوی اهلی سسلدی به به که یارِ بی کسان گلدی
شه ملک ولا
علی مولا علی
آدی درده دوا
علی مولا علی
ووروبلار عرش اعلایه ملک لر پرچم شادی
بزنموش نوریله یر گوی گلن فخر مسیحادی
علی نور الاهیدور علی نیایه مولادی
ولی اللهیدور بیت خدایه میهمان گلدی
شه ملک ولا
علی مولا علی
آدی درده دوا
علی مولا علی
علینی کیم خبر آلسا اگر گویده ملک لردن
دیللر گئت اونی آختار سئنان غملی ئورک لردن
خبر وئرموش او مولامیز ئورک لردن ، فلک لردن
وصیِّ حضرت طاها عزیز عرشیان گلدی
شه ملک ولا
علی مولا علی
آدی درده دوا
علی مولا علی
علیدور ناطق قران علیدور عالمه سلطان
علیدور روح با ایمان علیدر فاتح میدان
علیدور بندۀ سبحان علیدور نور الرّحمان
علی پیشوازینه شخصاً پیمبر شادمان گلدی
شه ملک ولا
علی مولا علی
آدی درده دوا
علی مولا علی
علی آیاته معنادی صفای قلب طاهادی
عدالت آسمانینده علی بیر ماه زیبادی
علی عالمده معنای تولّی و تبرّی دی
شجاعتده دیانتده او بحر بی کران گلدی
شه ملک ولا
علی مولا علی
آدی درده دوا
علی مولا علی
- سه شنبه
- 21
- اسفند
- 1397
- ساعت
- 11:49
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه