عاشقم روی نگاره عاشقم
بلبل مستم بهاره عاشقم
مست جام حیدرم بیر عمردور
هم علی هم ذوالفقاره عاشقم
بندۀ حی تبارک یاعلی
جشن میلادون مبارک یاعلی
سس دوشوب دهره مه بطحا گلور
گلستانه دلبر زیبا گلور
سو سپور یوللارینه فوج ملک
عالمه چون دلبر زهرا گلور
بندۀ حی تبارک یاعلی
جشن میلادون مبارک یاعلی
جان گرکدور لایق جانان اولا
جان عالم حیدره قربان اولا
محضرینه یوسف زیبا گلوب
درگهینده شوقیله دربان اولا
بندۀ حی تبارک یاعلی
جشن میلادون مبارک یاعلی
بو نگارین چوخ رخ نیکوسی وار
گوز دیمه بیر نرگس جادوسی وار
بد نظردن حفظ ایله یارب بونی
مّد یاسین تک کمان ابروسی وار
بندۀ حی تبارک یاعلی
جشن میلادون مبارک یاعلی
عاشقوک بیز عاشقان نینوا
مرتضی یا مرتضی یا مرتضی
بارالها لطف عاشقلره
قسمت ایله هم نجف هم کربلا
بندۀ حی تبارک یاعلی
جشن میلادون مبارک یاعلی
- سه شنبه
- 21
- اسفند
- 1397
- ساعت
- 11:55
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه