عاشقم من يا علی عشقونده اولام جان نثار
قبروين مشتاقی دور گوگلوم اوركده يوخ قرار
بابِ احسانوندا وار چشـم اُميديم يا علی
حُبّ عشقوندن منه بيرجرعه بسدی ايت خُمار
مست مست ايت جام كوثردن منی تا روزحشر
يا علی گويان گلوم محشرده اَلده كوله بار
ای اميد دردمندان وی صفا بخش قلوب
بيرتوكون دنيايه ويرمم اولمارام سندن كنار
لافتی الّا علی لاسيف الّا ذوالفقار
شأنوه نازل اولوب دور ايلين پروردگار
سن دوغولدون كعبه ده كعبه تاپوپ عّزو شرف
معدن عدل و عدالت سن عدالت خواهه يار
دستماز آلام دانشسام سوز ديسم سندن علی
گلشن عشق ايچره اولسام سن سيز اولام مثل خار
سن خليفه جانشين سن بعـد پيغـمبر بيزه
سن صلوة اوسته ويروبسن دين حقّه اعتبار
سن نماز اوسته شهيد اولدون بوله تا اهل دين
رهروانه الصلوة اولسون گرگ دلده شعار
قانوه غلطان اولان گون كوفه ده قان آغلادی
چوخ يتيم لر گوندوزی اولدی دوباره ليل تار
سجده گاه عشقيده دل آچمادون نفرينه سن
فُزْتُ رَبُ الكعبيه ايتدون قناعت مه نگار
خادموز«عدلی» ئولن ساعت يولون گوزلر آقا
جان زهرا لطف ايله قويما قالا چوخ انتظار
- پنج شنبه
- 23
- اسفند
- 1397
- ساعت
- 13:52
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه