گل جان وئرورم قارداش
غربتده پریشانم
قلبی یارا زهرایه
من بو گجه مهمانم
واگیر ::
خبر وئر گلسون عباسیم حسین جان
قویمیون خوار اولسون یاسیم حسین جان
گل ایله کفن حاضر لطفونده گوزوم واردی
گل بیر دانشاق با هم سینمده سوزوم واردی
من ام مصیباتم هر درده دوزوم واردی
اما غم هجریندن بی طاقت و بی جانم
گل باری گوزل آدین سینمده یازیم باشدان
گلسن سپرم مرجان یوللاریوه گوزیاشدان
قارداش باجیدان دویسا دویماز باجی قارداشدان
من دویمامیشام سندن دیداریوه عطشانم
زینب باجوی دوران غمدیده لره قوشدی
بو شام پریشانه باش چکسن حسین خوشدی
غربتده کناریمد واللهی یئرین بوشدی
بو محفل و منزلده من حسرت جانانم
دوشدوم سنیلن قارداش دریای مصیباته
آماج و نشان اولدوم هر یئرده بلیّاته
سن جنته یول سالدین من کوفه و شاماته
بو غملی قضایادن جان اوسته ده گریانم
ای بند دل زهرا ای نور دو عینیم گل
درگاه خداونده قوزاندی یدِینیم گل
قارداش باجلیق حقون حفظ ایله حسینیم گل
ای قبله ی حاجاتیم یوللاروه قربانم
ای جسم سمن بوسی مقتلده قالان باشسیز
گل آغلا منه قالدیم غربت آرا یولداشسیز
گر آغلاسا نسگیلدی قارداشسیزا قارداشسیز
چوخداندی گوزوم آغلور غمخوار عزیزانم
گل الده گتور تربت اول قانلی بیاباندان
تپراقینه قات قبریم خوشبو اولا اول قاندان
دولسون لحدیم بلکه عطر گل رضواندان
باز آی بر این منزل ای یوسف کنعانم
- پنج شنبه
- 23
- اسفند
- 1397
- ساعت
- 17:14
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه