ای جان رسول الله ای کان کرم مولا
مقصود دل عالم مولود حرم مولا
دلده گوزل آدون اولسون مبارک
فرخنده میلادون اولسون مبارک
آرتدی آناوین شأنی مریمدن آلوب سبقت
بیتین اوجا دیواری منشق اولوب اول ساعت
الله ائوینه گئچدی اول بانوی با عزت
اولدون متولد حق وئردی سنه دم مولا
سن شیعیه سرورسن عشق اهلینه رهبرسن
الگوی جوانمردان محبوب پیمبرسن
بیز تشنهٔ احسانوق سن ساقی کوثرسن
ائتمه باشیمیز اوستن ئوز سایه وی کم مولا
نورون رجب آییندا دنیانی ائدوب روشن
دهری بورودی عطرون ای طرفه گل گلشن
سس گلدی ملکلردن بو حُسنه هزار احسن
سن جسمیده چون جانسان جانانه قسم مولا
یوسف یوزیوی گورسه عجزیله سلام ایلر
داوود ائشیدوب صوتون تحصیل کلام ایلر
مریم گتورر اوغلون کویونده غلام ایلر
عالم یارانوب سنله طاهایه خدم مولا
ای فخر بنی هاشم مخدوم بنی آدم
لاحِقدی سنه کوثر عاشقدی سنه زمزم
سئچدی سنی پیغمبر وئردی الیوه پرچم
تا گردش دنیا وار یاتماز او علم مولا
من گرچه سیه رویم درویش سر کویم
دلبسته ی گیسویم مشتاق دو ابرویم
تا جویم علی جویم تا گویم علی گویم
من قطره ی ناچیزم سن قلزم و یم مولا
اولسیدی گوزل قبرون واقع اگر ایراندا
قالمازدی حرم خلوت بیر لحظه بو ساماندا
بو امره رضا اوغلون شاهددی خراساندا
دلدن سیزه عاشقدی بالمرّه عجم مولا
ای جان جهان دویماز نه گوز نه ئورک سندن
وار زمره ی عشاقه امداد و کمک سندن
سن زینبیوین جانی ال بیزدن اتک سندن
احسانوه محتاجوق دللر دولی غم مولا
- یکشنبه
- 26
- اسفند
- 1397
- ساعت
- 14:29
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه