عالم امکانیده مهر درخشاندور علی
مصطفایه یار و یاور شاه مرداندور علی
کعبه ده دنیایه گلدی نور حی لم یزل
عالمی ائتدی منور نور رحماندور علی
واریئری پروانه تک عالم دولانسون باشینه
کون و امکاندا اولان شمع فروزاندور علی
محور عدل و عدالت حامی قرآن و دین
بو جهان هستیده فرزانه انساندور علی
ساقی کوثردی حیدر کفو زهرای بتول
جانینه جانلار فدا چون جان جاناندور علی
فاتح خیبر علیدور مرحبی مغلوب ائدن
فارس جنگ و جدل بیر شیر غراندور علی
روحیدور جسمه وئرر عالمده قدر و منزلت
اولسا عالم جسم اگر بو عالمه جاندور علی
ای ولایت اهلینه دنیاده ایراد ایلین
خواب غفلتدن اویان ارکان ایماندور علی
عاشقان حیدره چوخ طعنه وورما مدعی
زینت ارض و سما دنیایه سلطاندور علی
دین و ایمانیم علیدندور بونا فخر ایلرم
مجری قانون دیندور دینه قرباندور
(سالکا)صدقیله دوت مولا علینون دامنین
چونکه درد بی دوای عشقه درماندور علی
- چهارشنبه
- 12
- خرداد
- 1400
- ساعت
- 22:39
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه