علی ای مظهر حق شاه ولایت
علی ای لایق کرسی خلافت
محرم رازیم
روح نمازیم
جشن ولادتون مبارک اولا مولا
شیعووه عیدیانه ویر سال یولا مولا
یا مولا یامولا یا مولا یامولا یا مولا یامولا
سن او شاه سان کی یره ظلمه یخوبسان
سن او گون سن گیجه قرخ ایوده چیخوبسان
روح بقاسن
باب رجاسن
عدلیوه انصافیوه ایثاریوه قربان
قدرت سرپنجووه قوللاریوه قربان
یا مولا یامولا یا مولا یامولا یا مولا یامولا
بیزه آدون آقاجان تاج شرفدی
قبلۀ اهل شرف شهر نجفدی
نور هداسن
شیر خداسن
یوخدی نظیرون عرصۀ علمیده تک سن
وارث سوگنامۀ باغ فدک سن
یا مولا یامولا یا مولا یامولا یا مولا یامولا
تانیوبلار قاپووی دردی اولانلار
غم الیندن الی قوینوندا قالانلار
آدیوه قربان
قوما قاپوندان
ساخلا قاپوندا شیعووی محترم ایله
هر کسین اولسا بوردا دردی کرم ایله
یا مولا یامولا یا مولا یامولا یا مولا یامولا
باشیوا یاره دگنده دیدون ای شاه
بو یارا ایلدی راحت منی والله
قدرون اوجالدی
دردون آزالدی
گوردی یارالی باشیوی آغلادی زینب
معجرین آچدی یارووی باغلادی زینب
یا مولا یامولا یا مولا یامولا یا مولا یامولا
باغلانار باشین اگر یاره سی اولسا
قویولار مرهم اگر چاره سی اولسا
ای پرو بالیم
واردی سوالیم
باجی گرک نیلیه باد غم اسیلسه
چاره ندی قارداشینون باشی کسیلسه
یا مولا یامولا یا مولا یامولا یا مولا یامولا
باخدی باخدی یارالی پیکره زینب
ال آتوب باشدا قرا معجره زینب
قرداشا باخدی
گوزیاشی آخدی
سسلدی ای دشمنی نامرد آنام اوغلی
قلبینه دولدی باجووین درد آنام اوغلی
یا مولا یامولا یا مولا یامولا یا مولا یامولا
یوز دولاندیرما بو بیچاره لروندن
ننمون عطری گلور یاره لروندن
جانیوه قربان
قانیوه قربان
سن یخیلاندان باجوین قدی کماندی
یاتما بو ایستی قوملارین اوسته یاماندی
یا مولا یامولا یا مولا یامولا یا مولا یامولا
- یکشنبه
- 26
- اسفند
- 1397
- ساعت
- 15:44
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه