مدینه دن آنام گل
ئورکده وار یارام گل
سرشگیمی گوزومدن
عذاره باغلارام گل
بیر غریبم منیم دردیم بیلن یوخ
جان اوستییم ائللریمدن گلن یوخ
ننه اسیر هجرم
اوزاقدا اولدوزوم وار
نفس دوشوب شماره
ئورکده چوخ سوزوم وار
گوزوم گزور وصالین
مدینه ده گوزوم وار
آماندی گل بو لطفون
گوزومدن آتمارام گل
امام متقینم
ئورکلره امیرم
فلک سالوبدی سِندین
الینده دستگیرم
من اون بیر ئیل ائلیمدن
آرالیام اسیرم
بو درد بی دوایه
الیمده یوخ چارام گل
بو محبس جفاده
نه غملیدور اتاقیم
نه وار رفیق و همدم
نه شمع و نه چراغیم
چخاندا جانیم ای کاش
آنام اولا قوناقیم
اگر قوناقیم اولسان
گوز اوسته ساخلارام گل
اگر چه عزتیم وار
امام انس و جانم
چراغ بزم عرفان
امید بی کسانم
شکنجه لر یوروبدی
ضعیف و ناتوانم
بو حال مضطریلن
جهانی داغلارام گل
غریبه ئولکه اولماز
غریبلرین حبیبی
یاراسی اولسا اولماز
یاراسینون طبیبی
نظردن آشنالر
سالوبلا بو غریبی
گجه گونوز آنا بو
مکاندا یاتمارام گل
- شنبه
- 10
- فروردین
- 1398
- ساعت
- 17:11
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه