گل گوزومده اولوب گوزیاشیم القان رضا جان
وار سینیق قلبیده درد بی پایان رضا جان
قلبیم اولوبدی غمدن یارالی
نه جرمه دوشدوم ائلدن آرالی
بیر بئله ظلم اولوبدی کیمه دورو زماندا
کیم قالوب حبسیده بی گناه غربت مکاندا
یوخدی مظلوم اولان من کیمی فانی جهاندا
واریری قلب اولا غصه دن شان شان رضاجان
قلبیم اولوبدی غمدن یارالی
نه جرمه دوشدوم ائلدن آرالی
باشه عمروم چاتوب اگنوه گی غم لباسین
گل بو بی کس آتووون اوغول باشلا عزاسین
جان وئرنده آتا رسمیدی گوزلر بالاسین
گل تلاوت باشیم اوسته ائت قرآن رضا
قلبیم اولوبدی غمدن یارالی
نه جرمه دوشدوم ائلدن آرالی
اولموشام آند اولا جانوه بو دنیادان سیر
بسکه زندان ائدوبدی منی محزون و دلگیر
جان یتوبدی دوداقیمه وار بوینومدا زنجیر
رحمه گلمور نیه دشمن نادان رضاجان
قلبیم اولوبدی غمدن یارالی
نه جرمه دوشدوم ائلدن آرالی
درب و دیوار زندان گلور آه و فغانه
سند ظالم گلنده الینده تازیانه
شدت ظلم اوغول دای گتوردی منی جانه
چیخدی حدن جفا صبره یوخ امکان رضاجان
قلبیم اولوبدی غمدن یارالی
نه جرمه دوشدوم ائلدن آرالی
سن اگر گلموسن حالیمه کیم آغلار اوغلوم
سینه سین باشیم اوسته منیم کیم داغلار اوغلوم
بو یولوندا قالان گوزلری کیم باغلار اوغلوم
کیم ائدر نعشیم اوسته منیم افغان رضا جان
قلبیم اولوبدی غمدن یارالی
نه جرمه دوشدوم ائلدن آرالی
وار یری روزو شب دویمویام آه و نوادن
یوخ یانیمدا بیری چونکه یارو آشنادن
اودلانوبدی اورک شدت زهر جفادن
بو چتین درده یوخدی داخی درمان رضا جان
قلبیم اولوبدی غمدن یارالی
نه جرمه دوشدوم ائلدن آرالی
گل بو غربت آرا گلشن عمروم سولور گل
گوزیاشیلا بالا گوزلریم غمدن دولور گل
فاطمه عدنیده غصه دن زلفون یولور گل
قاره سالدی باشا سرور نسوان رضا جان
قلبیم اولوبدی غمدن یارالی
نه جرمه دوشدوم ائلدن آرالی
- دوشنبه
- 12
- فروردین
- 1398
- ساعت
- 17:37
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه