من فدا اولدوم نمازه حق کتمان اولماسون
پایدار اولسون نماز انکار قرآن اولماسون
من نماز اوسته بویاندیم قانه دوشدوم زخمدار
کسب ایده اهل نماز عالمده مندن اعتبار
تا نفس وار دوشمیه مؤمن نمازیندن کنار
دینینه بی اعتنا دین اهلی بیر آن اولماسون
دینه یاندیم اودلی دلدن سوزو سازآیرولمادی
بودیلیمدن ذکرحیّ بی نیازآیرولمادی
هردل شب هرسحرمندن نمازآیرولمادی
تا نمازاهلی نمازه سُست ایمان اولماسون
نائل اولدوم دین یولوندا خدمت شایانه من
دینی دوتدوم آشنا – دنیا سوزون بیگانه من
شمع دینه ایلدیم اوز جانیمی پروانه من
ایله یاندیم ایله بیر پروانه سوزان اولماسون
اوزحیاتیمده جهانه حقّی اعلان ایلدیم
عُمریمی هرحالیده من وقف قرآن ایلدیم
عاقبت اوزجانیمی قرآنه قربان ایلدیم
ایله قربان اولدوم اصلا ایله قربان اولماسون
من دئدیم جاری اولا لازمدی هراحکام دین
خلق اولا محکوم هرحکم ایتسه قرآنِ مُبین
ایتمیه قانون قرآنه تجاوز مشرکین
حکم قرآن بسدی اجرا اوزگه فرمان اولماسون
من دئدیم هرکس موافق اولماسا قرآنیله
دامن قرآنه چنگین وورماسا ایمانیله
روبرودورهرایکی دنیا مُبین خُسرانیله
ایله بیرخسران که اصلا ایله خسران اولماسون
من دئدیم قرآن دیور عورتده لازم دور حجاب
ایلسون عورت کیشی بیر بیرلریندن اجتناب
داندی بو حکمی قطامه سالدی کونه انقلاب
ایله قان توکدوردی عالمده اونا قان اولماسون
من دئدیم قانون قرآن پایدار اولسون گرک
دین اموراتینده عامل مردکار اولسون گرک
دین ایشیندن نامسلمانلارکنار اولسون گرک
مسلمینین سرپرستی نا مسلمان اولماسون
من دئدیم دینی گرک اسلامیان خوارایتمه سون
مُسلم وکُفّارالی بیربیرلرینه یتمه سون
زیربارِکُفره عالمده مسلمان گیتمه سون
اَگمه سون کُفّاره باش مَخذول دوران اولماسون
من دئدیم مسلم گرک شرعین حدودین یخماسون
منجنیق کفریله اسلامیانی سخماسون
ذرّه جه قانون قرآندان کناره چخماسون
دستگاه کُفریله هم عهد و پیمان اولماسون
تابع قرآن گرک دنیایه دینی ساتماسون
طرح قانون ایلیوب قانون دینه قاتماسون
یاتماسون اسلامیانی یأسیله یوخلاتماسون
دهریده جمعیّت اسلام پریشان اولماسون
دینینه اولسون مسلمانلارگرک چوخ چوخ بصیر
اولماسونلا اهل کُفره کورکورانه اسیر
ایتمه سون بی دین لرتا اوزلرین خلقه امیر
حکمران قرآنیانه آل سفیان اولماسون
گیتمه سون اسلامیان عالمده خواب غفلته
اختیارین ویرمه سون هرعُنصر بی غیرته
فاسد عُنصر چکمه سون تا خلقی تَحتِ بیعته
جبریله حیثیّت و ناموسی تالان اولماسون
مسلمین اوزقامتیندن رخت غیرت سویماسون
کُفره همدست اولماسون قرآن ودیندن دویماسون
مشرکین اسلام الیله دینه بدعت قویماسون
اهل دین بدعت لریله خانه ویران اولماسون
پایمال اوز حقّینی اهل شریعت ایلمز
عزّت نفسین آتانمازمیل ذلّت ایلمز
دین یولوندا باش ویررکفاره بیعت ایلمز
کُفر مذهبدن دیر اسلامه سلطان اولماسون
بو نماز اوسته منه تاپموش وورلماق اختصاص
جانه دویموشدوم بو عالمده عجب اولدوم خلاص
یاره لندیم سجده ده گلدی اَلَه منظور خاص
تا که حقّیمده منیم مَسمُوع بهتان اولماسون
آخرعمریمدی بیرآز وقت فرصت ایلرم
فرصتیمجه سیزلره بیر نچه صحبت ایلرم
چوخ اهمیّت نمازه من وصیّت ایلرم
تا نمازه سیزده بیرسُستی ونسیان اولماسون
سیزلره مندن وصیّت دور اَدای واجبات
جمله سی حجّ وجهاد و صُوم دور ردّ زَکات
اَلله اَلله اَلصّلوات اَلصّلوات اَلصّلوات
وای او نفسه بو نمازه اوندا ایمان اولماسون
اولمیون قرآندان اوزگه بیرکتابه پای بند
ایلیون قرآندان استقبال شایان دین پسند
قبل آنکه مشرکین قرآندان اولسون بهره مند
تا سیزه سرماۀ تحقیروخذلان اولماسون
یتمدی عمرومده نقصان ذرّه جه ایمانیمه
عامل اولدوم صدقیله ذکر ایتدوقوم عنوانیمه
حق دانشدیم ابن ملجم باتدی نا حق قانیمه
نه روا نادم او شوم و سُست پیمان اولماسون
سجده ده وردی باشیمدان بیریارا دست مَجاز
فی الحقیقه ویردی بو یاره منه بیرامتیاز
من نمازاوسته یخلدیم قائم اولسون تا نماز
تا دم محشرنماز احکامی پنهان اولماسون
فخردور قربان دین اولماق- بیزوق آل خلیل
یاره لندی سجده ده باشیم قانیم اولدی سبیل
سجده ده باش بوحسینمده اولارتشنه قتیل
نیزه ده تکبیرسویلرسجده نقصان اولماسون
قانلی باشیله اولارنوک جداده سرفراز
شوریله قرآن اوخورهریرده با لحن حجاز
بولدوررخلقه منم قربان قرآن و نماز
تا که قرآن و نمازین حقی کتمان اولماسون
(تائبا) نازل ایدوب قرآنی حیّ لم یزل
اعتصام ایت چکمه هرگز دامن قرآندان ال
باخ گوزل فرمانینه احکامینه ایله عمل
تا سنه روز جزاده خصم قرآن اولماسون
- چهارشنبه
- 8
- خرداد
- 1398
- ساعت
- 15:28
- نوشته شده توسط
- ابوالفضل عابدی پور
- شاعر:
-
صادق تائب
نیما تقوی