آنا هرایه یتیش ئوزون
باخ بو شور و غوغایه
دگیبدی ضربت نه نوعی گور
فرق شاه والایه
اماندی گل داده ای آنا اوت توتوب دیلیم یاندی
یارالانیبدور بابام علی یاندی قلبیم اوتلاندی
دگیب یارا باشینه اونون ناله عرشه قوزاندی
دوشوب ائله حالته علی گل آنا تماشایه
عذاری بنزیر سولان گوله غملیدور اماندورگل
دولوبدی قان گوزلرینه صبرائوی تالاندور گل
اگرچه چوخ یاره گورموشم بو یارا یاماندور گل
یارالی گل باغلا یاره سین آغلا حال مولایه
سنه گجه غسل ائدن ئولور سینه وی آنا داغلا
یارالیدوربیرطبیبی یوخ گل یاراسینی باغلا
سنون غمینده چوخ آغلییب سنده گل بونا آغلا
ائویم یخیلدی داخی آنا باخ بو شور و غوغایه
ئولنده سن ئولدی مرتضا بو یارا بهانیدی
سنون فراقینده دائماً غرق بو ترانیدی
دیردی الله قوتار منی غمکش زمانیدی
همیشه سویلردی فاطمه اُفّ اولا بو دنیایه
یادیمدا وارسن ئولن گجه قلبی تیرغم بولدی
علی سنه غسل ائدن زمان گوردوم اول زمان نولدی
گورنده قمچی یرین بابام اوندا مرتضا ئولدی
الین چکیب غسلودان بابام سویلیوبدی اسمایه
اماندی آهسته سو توک وار یاراسی زهرانون
منی خجالت ائدیب عجب بو وفاسی زهرانون
ئورکده گیزلتدی دردینی وار حیاسی زهرانون
آپاردی بو یاره لری چون نشانه طاهایه
همان علیدورکه قوللاری ظلم الیله باغلاندی
جفای اشراریله یانان سینه سی الولاندی
چکه چکه مسجده ساری محنتیله یوللاندی
حمایت ائتدون او گونکی گون سن امام والایه
همان علی مشگله دوشوب فرقتون دیلین داغلیر
دولوبدی قان گوزلرینه اشگین عارضه باغلیر
نه نوعی گور غملی زینبین ای آنا یانیب آغلیر
سنقدی گویلوم نوالیم گلگینن بو مأوایه
- پنج شنبه
- 9
- خرداد
- 1398
- ساعت
- 12:44
- نوشته شده توسط
- ابوالفضل عابدی پور
- شاعر:
-
داود قره زاده
ارسال دیدگاه