ماسوایه سس دوشدی عرشیدن
فرشیده ئولوب شاه لافتا
مصطفادی ماتم نشین بو گون
قاره پوش اولوب اهل ماسوا
لرزه یتدی رکن هدایته
سر نگون اولوب پرچم هدا
بیر محیط صوتیله جبرئیل
ایلدی ندا ئولدی قطب دین
حق یولوندا حق حق دیوب گیدوب
آیت خدا رهبر امین
نازل اولدی ارواح انبیا
یر یوزینه با نوحه و انین
شرکت ایلیوب بو مصیبته
ساخلادی عزا روح اوصیا
غسل و کفن و دفن امامیده
فرضیدور امام اهتمام ایده
بو سببدن امر اولدی حجّتِ
حقّه درک فیض همام ایده
ایلیوبدی ایفا وظایفین
ایستدی نمازه قیام ایده
اقتدا ایدوب روح انبیا
مقتدا اولوب شاه مجتبا
باتدی گون هوا اولدی تیره گون
نوره ظلمت شب حجاب اولوب
لایموت موتینده درگهِ
کبریاده بیر انقلاب اولوب
عاقبت قویوب توپراقا یوزین
بو ترابه بستر تراب اولوب
راحت اولدی ایذای دهریدن
آند اولا خداونده، مرتضا
بیر علی که چیگنینده هر گیجه
یاتمیوبدی ایتامه نان ویروب
بیر به بیر طریق حمایتی
مردم جهانه نشان ویروب
جان فویوبدی تثبیت عدلیده
عاقبت بو سوداده جان ویروب
تابع قضا و قدر اولوب
هادی قدر مرشد قضا
بیر علی که وصف ایلیوب خدا
کایناته شأن و هویتین
قاسم ریاض جنان ایدوب
عالمه علینین محبتین
علت کمال ایلدی اونون
دین حقّه نصب ولایتین
بو علینی هر کیمسه سؤمَسَه
ناریده مُخَلَّددی مطلقا
شبرده علم چکدی قدسیان
چرخ اخضرین نُه رواقینه
آل حیدرین وا علی سسی
اوج ایدوب بو گون عرش طاقینه
شدت مصیبتدن اونلارین
آز قالوب یته جان دوداقینه
غم غم اوستونه گلدی گون بگون
تا یتوشدی اوضاع کربلا
خاندان شاه ولایته
انتقام الین آچدی اهل کین
کربلاده پیغمبر اوغلونی
سنگسار ایدوب قوم مشرکین
داش دگوب جبین امامته
ظلم الیله سوندی چراغ دین
سیندی سینۀ کشتی نجات
قان ایچینده غرق اولدی ناخدا
تیره دل جماعت جری اولوب
بحر ظلم طوفانه باشلادی
فرقۀ اراذل ال آچدیلار
اهل کینه طغیانه باشلادی
چیخدی ظلم الی آستینیدن
بی درنگ تالانه باشلادی
ایتمیوبله بیر ظلمه اکتفا
اود ووروبلا یاندی حرم سرا
محفل صفا محضر ادب
بلبلان باغ غم و محن
رأی ویردیلر کیم بو نوحه نی
بو زمینه ده یاز #کلامی سن
یا علی دیوب دلده طرح اولوب
لوح سینه ده مطلع سخن
سنده #اشکی سهم اول بو نوحه ده (1)
مطلبی یتور شعری ویر باشا
ــــــــــــــ
(1) حاج مجید اشکی تبریزی ، فرزند مرحوم کلامی تبریزی
- پنج شنبه
- 9
- خرداد
- 1398
- ساعت
- 14:4
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه