شورش محشر بپادی
قدسیان غرق عزادی
ماه رحمت دوشوبدور خسوفه
آغلاشوللار یتیمان کوفه
یاعلی یا علی یا علی جان (2)
باش آچوب جنتده طاها
ذکری دیلده واعلیا
عالمین بو عزا پوزدی حالون
سولدوروب اهل بیتون جمالون
گویلره قاره چکیلدی
زینبون قدی بوکولدی
قلب زاری گلردی نوایه
سسلنردی آنا گل عزایه
جان ویروب روح مناجات
بیرده مثلی گلمز هیهات
بولمدی قدرینی اهل عالم
غصه دن اولدی چوخ حالی برهم
چوخ جلالیله نهایت
دفن اولوب شاه ولایت
شیعیان جسم شاه شهیدان
قالدی گونلر قباقینده عریان
جان یارالی یارالی یارالی ...
#گریز به قتلگاه
گرچه حیدر دلشکسته
جان وئروبدور زار و خسته
اوغلی اما او میدان ایچینده
قالدی گودالیده قان ایچینده
بیر طرفده شمر ملعون
بیرده زینب گلدی دلخون
ال آتوب قاتلین خنجریندن
تا دوتوب قان آخوب اللریندن
صبر ایله رحم ائت آماندور
کسمه باشین بیر دایان دور
بیر دویونجا دایان آغلیوم من
قوی حسینون گوزون باغلیوم من
آچدی گوز تا شاه خسته
گوردی زینب باشی اوسته
سسلدی گئت آنام باجی زینب
دورما بوردا غم آماجی زینب
باجی جان گئت خیمه گاهه
همدم اول فریاد وآهه
اهل کینه عناده دوراللار
خیمه گاهه باجی اوت ووراللار
- پنج شنبه
- 9
- خرداد
- 1398
- ساعت
- 14:15
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه