شکر اولا خالق مهربانه
گلدی زهرا گلی گلستانه
مجتبی گوز آچوب بو جهانه
شمس الضحادی
بدرالدجادی
سبط شه قل انما
میر هدادی
کر :
جان زهرا خوش گلوبسن
سبط طاها خوش گلوبسن
گورمیوب روزگار بیله بیر گل
عارضی لاله تک زلفی سنبل
نغمه خواندی گلوب شوره بلبل
خالق سبجان
کریم و منان
گلشن دینه آچدوروب
سرو گلستان
آخدی بحر امامت خدادن
جوشلانوب جامی شور و وفادن
داشلانار نوری صلح و صفادن
خورشید سرمد
عزیز احمد
شانلی زماندا آچدی گوز
گل محمد
حسن و سیماده بو بی مثلدی
بنزوری احمده چوخ گوزلدی
خلق ایدن خالق لم زیادی
ایلدی اعطا
خالق یکتا
حسنده زیبا حسنی
سویوندی زهرا
بو بتوله گل سرسبددی
صنع حی مجید و احددی
هم عزیز حمید و صمددی
بو مه انور
روحی مطهر
گلدی اولا علی کیمی
عالمه رهبر
مصطفی تک بونون هیبتی وار
شاه مردان علی غیرتی وار
فتنه خاموش ایده جرئتی وار
شاه زمندی
سیمین بدندی
قامتی دلجو سی حسن
اسمی حسندی
مصطفایه حسن سبط اکبر
جان زهرا و هم روح حیدر
کربلا شاهینه هم برادر
قامتی دلجو
ناطق خوش خو
پایه نه کرب و بلا
سیرتی نیکو
اون بش ماه صوم خدادی
گوز آچان عالمه مجتبادی
هر مریض دردینه بو دوادی
گر رو سیاهوخ
غرق گناهوخ
(عدلیده ) بیزده خادم
درگه شاهوخ
- دوشنبه
- 3
- تیر
- 1398
- ساعت
- 9:45
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه