وار قیامت عالمیندن بیر علامت بو گجه
جانویرور باشدا یارا شاه ولایت بو گجه
کاش امامت رختنی اوز قامتیندن سویمیه
جَنّت المَأواده طاها قلبنی غم اُویمیه
آیرولوب تا اهلبیتین دیده گریان قویمیه
ضعف حالت لیک آچورراه شهادت بوگجه
دامن تاریخه ویردی ابن ملجم نقش ننگ
عالم اسلامی دولدوردی غبارتیره رنگ
نقش ننگ ورنگ تیره دللری ایلوبدی تنگ
برّوبحری چولقیوب درد و مصیبت بوگجه
علمیله سالموشدی دنیایه شعاع مثل قمر
تابع شیطان اولان ویردی صلواه اوسته سحر
زهره آلوده ایدی شمشیری سالوب باشه اثر
آزقالورخاموش اولا شمع هدایت بو گجه
گون کسوف ایلور سالا دنیایوزونده انقلاب
اولماسا گون دیدۀ عالم گورنمز ماهتاب
یوز ویرر بو کایناته ذره ذره التهاب
وار قیامیندان قیامتدن اشارت بوگجه
بو دل شبده امام و رهبر دین جان ویرور
باش یارا آخدوقجا قانی نخل دینه قان ویرور
قطرۀ اشک یتیمان چون ستاره سان ویرور
واعلیا سسلوری هر یرده اُمّت بو گجه
بوگجه ایستورعدالت چشمه سی تاخشک اولا
آغلاماقدان زینبون جامی سرشکیله دولا
ورطۀ غمده باجی قارداشلاری گل تک سولا
نقشۀ شوم دنی دور قتله علّت بو گجه
بو امیر المؤمنین دور فلک علمه آفتاب
نه روادی ظلم الیله گل یوزه چکسون نقاب
آلسون آغوشه یارالی جسمنی تیره تراب
یریوزونده قورتولاعدل و عدالت بوگجه
بو امام الماس وجدانین بهایه سـاتمیوب
نصف شبده کوفه ایتامین گوزوندن آتمیوب
فکرینی مشغول ایدنده بی نوایان یاتمیوب
کشتۀ قرآن تاپوبدی خواب راحت بوگجه
بو شهید اولسا جهاندا رونق وجدان اُلَر
عفّت و شرم و حیا هم آیت ایمان اُلَر
روح اسلام و شـریعت هیکل قرآن اُلَر
قالماز عالمده اُلَرروح صداقت بوگجه
ابن ملجم انتخاب ایتدی او گون راه ستیز
پیروانی خرمن دینه سالوب ایندی ابیز
اصل اسلامه ویرورصدمه مسلمان اشک ریز
درس آلاخ کاش بیزعلیدن درس هِمّت بوگجه
آرتوراخ هِمّت الین اسلامه پشتیبان اولاخ
پرچم وحدت آچاخ اجراگر قرآن اولاخ
دین قالا قرآن قالا اسلامه بیز قربان اولاخ
قطع اولاتا دینیدن دست جسارت بوگجه
سرنوشت مسلمینه گر تاپا ال اجنبی
ملعبه ایلرجهاندا دین و قرآن مذهبی
ویرپیامون مردمه«عدلی» بولوندور مطلبی
رهگشا اول مسلمینه ایله خدمت بو گجه
- دوشنبه
- 3
- تیر
- 1398
- ساعت
- 14:10
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه