نه بزمدور اثر ماتم و عزا گورونور
جهاندا غلغله شورآه و وا گورونور
گینه قولاق دوتولور یا علی صداسیندن
فضای عالم آرا ناله و بکا گورونور
باخاندا نیّر مژگان چشم احبابه
نظامیلن دوزولوب درّ پربها گورونور
دوتوبدی ولوله آفاقی، گؤگلرآغلار قان
تمام مسجد و محرابیده قرا گورونور
کیمین عزاسیدی یاران؟ غریبه ماتم دور
بوغمده نوحه سرا عرش کبریا گورونور
آچوبدی باشنی چاک ایلیوب گریبانین
شفیع روز جزا ختم انبیا گورونور
بقیعد‌ن گلی بیر سس دیور عم اوغلوم وای
بلی او ناله چکن خیرة‌النساء گورونور
گیوبدی جامه‌ی نیلی توکر گؤزیندن یاش
جگرلری توکولن طشته مجتبی گورونور
عمامه الده بسان هلال عید صیام
یوزونده گرد الم شاه کربلا گورونور
فغان وا ابتا دمبدم چکر عبّاس
الی بلینده رسا قامتی دو تا گورونور
دیار شامیده زینب دوتوب خرابه ده یاس
اولوبدی زلفی پریشان او بینوا گورونور
قلجلانوب باشی محرابیده باتوب قانه
یقین کی تعزیه شاه لافتی گورونور
ریاض غمده ائدر ناله #قمری شیدا
اونون ترانه‌سی سرمایه‌ی بُکا گورونور
- سه شنبه
- 4
- تیر
- 1398
- ساعت
- 10:40
- نوشته شده توسط
- ابوالفضل عابدی پور
ارسال دیدگاه