سبک : یخلمیشام مقتله باش یارالی قان گلور ... یخلدی سقا یره...
ای شه والا علی جان ماسوا علی
نایب ختم رسل حجت خدا علی
یاعلی یاعلی یاعلی علی علی
آدوه جان فدا بدرو خیبرین یلی (2)
سن او شهنشاهی سن گلمیوبدی تای سنه
قدرتون اولدی علن جنگلرده دشمنه
لرزه سنیدون سالان جان کفره یک تنه
ای لقب اشهری شاه لافتی علی
یاعلی یا علی یا علی علی علی
آدوه جان فدا بدرو خیبرین یلی (2)
ای قلۀ فتحه دین پرچمین ساچان علی
قاباقینان عرصه ده دشمنی قاچان علی
بیر الیلن قلعۀ خیبری آچان علی
بازوی پر قدرته جانیمیز فدا علی
یا علی یا علی یاعلی علی علی
آدوه جان فدا بدرو خیبرین یلی (2)
پنجه سی موم تک تن دشمنی سیخان علی
مرحب نام آوری تپراقا یخان علی
کعبه ده پیغمبرین چیگنینه چیخان علی
کیمیدی سندن صورا بتلاری قیرا علی
یا علی یا علی یا علی علی علی
آدوه جان فدا بدرو خیبرین یلی (2)
خاطری ای عالم و آدمه اولان عزیز
مریمیلن آسیه بارگاهینه کنیز
سجده ده باتدون قانا گوزلر اولدی اشک ریز
گویده ملکلر سنه ساخلادی عزا علی
یا علی یاعلی یاعلی علی علی
آدوه جان فدا بدرو خیبرین یلی (2)
ای اولان هرعصریده رهبر ایکی عالمه
داغلی اورگون دچار اولدی بیر بیوک غمه
چولقالادی غم سنی جان وئرنده فاطمه
حالوه ارض و سما ایلدی نوا علی
یا علی یاعلی یاعلی علی علی
آدوه جان فدا بدرو خیبرین یلی (2)
فاطمه نون دردینه کیمدی دهریده دوزه
هرزمان آدی گلیر غصه یوز وئرور بیزه
غسل ائلیور دون گجه گوزیاشی سوزه سوزه
ویردی غم و غصه سی قلبوه یارا علی
یا علی یاعلی یاعلی علی علی
آدوه جان فدا بدرو خیبرین یلی (2)
- شنبه
- 17
- تیر
- 1402
- ساعت
- 21:9
- نوشته شده توسط
- یوسف اکبری
- شاعر:
-
حاج روح الله رمضانی
ارسال دیدگاه