دیار کوفه ده یارب مگر قیامتدی؟
چکٔ اهل ناری جهیمه اگر قیامتدی
دوشوب تزلزله یر داغلار ایلیور حرکت
خیام صبره ویروبلار شرر قیامتدی
بولوط توکر یره قان گوگده آغ یاغیش یرینه
یر اوسته تند قرایل اسر قیامتدی؟
قلوبُ یومئذٍ واجفهٔ همان گوندور؟
نه اوسته ملت اولوب دربدر قیامتدی؟
دیور سماده بو گون جبرئیل قتلاً علی
علی شهادته چاتسا اگر قیامتدی
صدا گلوب اوجادان مومنان اسلامه
اولوبدی کوفه ده شق القمر قیامتدی
مراد کعبه سی فزت و ربّ الکعبه دیور
ویروب درخت وفاسی ثمر قیامتدی
آچوب جفایه الین ابن ملجم ملعون
علی قلجدان اولوب خونجگر قیامتدی
ابوترابی ترابه یخوبدی مسجد ده
بهشته تا یتیشوبدور خبر قیامتدی
آلوبدی روح الامینون صداسینی طفلان
صود اممیور آنادان صود امر قیامتدی
گون ایستیور تز افقدن فقط بوگون چخسون
گوره باتوب نجه شمس ظفر قیامتدی
اوغول حسن گلوب اول مقتدا جماعته سن
نمازه قویما یتیشسون خطر قیامتدی
گلیمه بوکدی امام زمانی هاشمیان
دیدی ایویمده همان خوش سیر قیامتدی
بیر آز قالاندا ایوه ساخلیون ایاقه دوروم
اولوب گوزتلینیم جان بسر قیامتدی
بو حالیده منی گورسه اگر قیزیم زینب
بابام اولوب گتورولّر دیر قیامتدی
امام گلدی ایوه ضَجّه چکدی زینب زار
دیدی الهی منه قیل نظر قیامتدی
طبیب گلدی دیدی یاره سی درین یارادی
ایدوبدی مغزینه خنجر اثر قیامتدی
- سه شنبه
- 4
- تیر
- 1398
- ساعت
- 10:41
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه