گرچه رحلت ایلوب مرتضی حسینیم
صبر ایله بو غمده بر ملا حسینیم
پوزما حالیوی قارداش
توکمه گل یوزه قانیاش
آغلاما حسینیم
هجر مرتضاده باتما چوخ ملاله
صبر ایله عزیزیم ایتمه بیله ناله
توکمه گل عذاره اشگوی چو ژاله
بو سرشگ چشمه من فداحسینیم
پوزما حالیوی ...
ابرتک دوتولما بیله اشگه دولما
گلمه شورشینه خسته حالت اولما
ای عزیز جانیم بیربیله پوزولما
بیله ذکرون ایتمه وا اَباحسینیم
پوزما حالیوی ...
ایلیینده رحلت خسرو ولایت
ایلیوبدی صبری بیز لره وصیّت
ایلیاق بو امره بیز گرک اطاعت
صبرایداخ بوغمده مطلقا حسینیم
پوزما حالیوی ...
بو فنا جهانین یوخ دور اعتباری
جمله ذی حیاته بیله دور قراری
توش اولا خزانه عمرویون بهاری
خواراولا گلستان گل سولاحسینیم
پوزما حالیوی...
سن عزیز جانسان جان مجتبایه
بیرشکسته نی تک گلمه چوخ نوایه
بو سرشگ چشمون ساخلاکربلایه
اوردا وار باشوندا ماجراحسینیم
پوزما حالیوی ...
اوردا اهلکینه شرعیدن چیخا لّار
ترک ایدلّه دینی دین ایوین یخالّار
منجنیق غمده روحیوی سیخالّار
دست ظلم آچالّار اشقیا حسینیم
پوزما حالیوی ...
اوندا سوز آهون اود سالار جهانه
دوندرلّه غمدن قدیوی کمانه
تیر درده قلبون تا اولار نشانه
اودلانار غمونده ما سواحسینیم
پوزما حالیوی ...
سانما من جهاندا بیر دقیقه گوللم
تیرغمله منده قلب زاری دللم
گوزده اشگ حسرت کربلایه گللم
سویلرم او گونده منده واحسینیم
پوزما حالیوی ...
من اولاندا سنله کر بلاده همدم
فاطمه گلر اوز جدیمیله با هم
مرتضی آتاندا گوزده اشگ ماتم
ساخلاروخ اویرده بیزعزاحسینیم
پوزما حالیوی ...
ای شهید عطشان عالمین رجاسی
آغلادان جهانی غملی ماجرا سی
واردی(هوشینون)بیردردبی دواسی
ایله لطفویله سن دوا حسینیم
پوزما حالیوی ...
- سه شنبه
- 4
- تیر
- 1398
- ساعت
- 12:32
- نوشته شده توسط
- ابوالفضل عابدی پور
ارسال دیدگاه