ای شیعه لر کوفه ده مرتضی قیلیجلانوب
حق اوسته شاهنشه اولیاء قیلیجلانوب
قان آغلیون سس قوشون زینبین نواسینه
چونکه قیامت قوپوپ مرتضی قیلیجلانوب
واگیر:
آغلیون آغلیون باشه قاره باغلیون
آتش درد و محنتده سینه داغلیون
دینین که دنیایه قُطّامه ساتدی کوفه ده
آللاتدی بیر کافری کامه چاتدی کوفه ده
محراب عشق و شرف قانه باتدی کوفه ده
چونکه نماز اوسته شاه ولا قیلیجلانوب
خواب جهالتده کی یاتدی ناخلف کیشی
سیم و زراوسته ائدر عمرونی تلف کیشی
بش گون فنادهریده اولسا بی هدف کیشی
بیلمز ندن آیت کبریا قلیجلانوب
درک ائلمز کی علی عدل و دادیدن دیور
رد نفاق ایلیور اتحادیدن دیور
میدان عشق و شرفده جهادیدن دیور
بیلمز اوظالم که خیبر گشا قیلیجلانوب
دشمن خیالیمده پنداری یازما آی قلم
دست قضا و قدر گورنه ائلیوب رقم
زینب اولوب کوفه ده غرق محنت واًلَم
چونکه شهنشاه ایزد نما قیلیجلانوب
عرشه اوجالدیب نوا خوان عصمتین دوزی
اسپهرایمان و عشقین پاریلدار اولدوزی
فریاد ائدیر دمبدم حیدرین بویوک قیزی
الله اکبر شه لافتی قیلیجلانوب
زاغ و زغن نیلیوم دولدی باغ و گلشنه
چاتدی فنا یرده مین محنت و بلا منه
قالدیم قرا گونلره هارداسان گل آی نه نه
محراب طاعتده میرهدی قیلیجلانوب
قامت اوجالدوب عدو کینه اوسته قان سالوب
الدن بو اندوه و محنت توانیمی آلوب
ای چاره لر چاره سی چاره لر سنه قالوب
گل داده که عالمه مقتدا قیلیجلانوب
سن گلمه سون دست امیدی یاره باغلارام
سیلاب محنت دمادم عذاره باغلارام
سن کی دئمیشدون نه نه یاخشی یاره باغلارام
گل یاره سین باغلا شیر خدا قیلیجلانوب
بارغمه توش اولان زینبون سنه فدا
گل چاره قیل غملره ای عزیز مصطفا
(مژده ) بوغمنامه نی ای شفیعۂ جزا
یازدی نه نه مفخر اوصیا قیلیجلانوب
- سه شنبه
- 4
- تیر
- 1398
- ساعت
- 13:50
- نوشته شده توسط
- ابوالفضل عابدی پور
- شاعر:
-
مژده اردبیلی
ارسال دیدگاه