سبک:یافاطمه من عقدهٔ دل وانکردم...
قانه بویاندی مرتضا اولدی قیامت
یر سسلنوب واویلنا اولدی قیامت
یاهوسسیلن دولدی فلکلر
میر حنینه آغلار ملکلر
گل پیکری باتدی نماز اوستونده قانه
آگاه اولوب افلاکیان گلدی فغانه
یر گوی اولوب ظلمت سرا مستضعفانه
گویا یاغوب گوگدن بلا اولدی قیامت
قاره بویاندی عرش معلّا
فریاده گلدی جنتده طاها
دنیا اولوب ماتم زده میر حنینه
چاتدی مصیبت لوحه سی نور دوعینه
چوخ نسگل اولدی هامّودان مظلوم حسینه
بیردن دئدی یاربنا اولدی قیامت
ئولدی عدالت الله اکبر
فریاده گلدی غملی اورکلر
ال باشدا قاچدی مسجده نالان یتیملر
ایوای دییردی هردم و هرآن یتیملر
دنیاده قالدی زار و سرگردان یتیملر
فریاده گلدی مصطفی اولدی قیامت
زلفین یولاردی زینب دمادم
بیت الحزنده آغلاردی آدم
ایوای که نور عالمین آغلار قالوبدی
بند دل میر حنین آغلار قالوبدی
زلفین یولوب زینب حسین آغلار قالوبدی
افلاکیان گئیدی قرا اولدی قیامت
قالدی یتیملر مولایه حسرت
زینب اولوبدور غرق مصیبت
ئولدی علی ّالمرتضا ئولدی عدالت
صاحب عدالت اولماسا اولماز قضاوت
بحر بلایه غرق اولوب اهل عبادت
عالم اولوبدور برملا اولدی قیامت
آغلار«نوازی»شیر خدایه
ناله اوجالسون یردن سمایه
- سه شنبه
- 4
- تیر
- 1398
- ساعت
- 14:7
- نوشته شده توسط
- ابوالفضل عابدی پور
- شاعر:
-
فتح الله خدانواز
ارسال دیدگاه