عشق شاه مردان هرروحه ویرورجان
دین یولوندا ایتدی خدمت شه مردان
سن بودینه قربانسان
ملجأ یتیمان سان
ای شه ولایت (2)
ای پشت و پناه پیغمبر اکرم
غملی حالتینده اولدون اونا همدم
اعمالوه شاها حیران اولوب عالم
سنکه باب احسانسان
ملجأ یتیمان سان
ای شه ولایت (2)
بیرعمر بودینه خدمت ایلیوبسن
بی دینه جهاندا بیعت ایتمیوبسن
عمروده فراغت بسکه گورمیوبسن
سنکه درده درمانسان
ملجأ یتیمان سان
ای شه ولایت (2)
شهرمکه ده سن ایلدون قرائت
دشمنان دینه سورۀ برائت
لطفیله ایدوبدی حق اوزی حمایت
سن مطیع فرمانسان
ملجأ یتیمان سان
ای شه ولایت (2)
ای اولان رسوله محرم اسرار
ایلیوبدی تعریف اول سیّد ابرار
تعریفوه ایتدی کفار اوزی اقرار
سن پیمبره جانسان
ملجأ یتیمان سان
ای شه ولایت (2)
بش ایل ایلیوبسن کوفه ده خلافت
کوفه اهلی ایتدی اوندا سنه بیعت
سیندیران او عهدی بی وفایه لعنت
سن ولیّ یزدانسان
ملجأ یتیمان سان
ای شه ولایت (2)
شکر ایدر خدایه ایلیوب عنایت
سنده وار«محمد»مهردین ولایت
حشراولاندا ایسته ایلسون شفاعت
سن حامی قرآنسان
ملجأ یتیمان سان
ای شه ولایت (2)
- چهارشنبه
- 5
- تیر
- 1398
- ساعت
- 9:49
- نوشته شده توسط
- ابوالفضل عابدی پور
ارسال دیدگاه