شاه لافتی گلدی
حجت خدا گلدی
شیعه شاد و خنداندی
یعنی مرتضی گلدی
واگیر :
یا علی علی مولا
یار و یاور طاها
مخزن کرامتدی
قاضی عدالتدی
قبله گاه حاجتدی
منبع شجاعتدی
حوض کوثره ساقی
علّت بو خلقتدی
جانشین طاها و
یار مه لقا گلدی
فاطمه ائوین آباد
قدسیانی ائتدون شاد
افضل سفیرانه
گلدی بیر گوزل داماد
شیعۀ همان مولا
عیدتان مبارک باد
اون بیر اولدوزون ماهی
مشعل هدی گلدی
مهریدن مُنوّردی
کائناتچون زیور
کنز حقّیده گوهر
دخت مرسله شوهر
شهریار عالمدی
هم وصیّ پیغمبر
شاه انس و جاندور بو
حق ائدوب عطا گلدی
ای شه ملک سیما
ای مه فلک پیما
انور جمالیندن
با صفا اولوب دنیا
عالمه گوزون آچدی
همسر خانم زهرا
پیشوازینه اوندا
ختم الانبیا گلدی
عالمه شفق گلدی
گوهر و صدف گلدی
اهل عالمین اوسته
عالی بیر کنف گلدی
شاد اولوب نبی دلدن
چون شه نجف گلدی
هادیِ بشر مولا
دینه جان فدا گلدی
سالدی عالمه سایه
اولدی خلقه پیرایه
کعبه ده گوزون آچدی
گلدی یعنی دنیایه
عاشقان دیور تبریک
شیعیانِ مولایه
زیب و زیور عالم
دهره مقتدا گلدی
- سه شنبه
- 21
- اسفند
- 1397
- ساعت
- 11:40
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه