ای معنی کرامت و حجب و حیا خانم
زیبا مزاریوه اولا عالم فدا خانم
.
بو گونده سیز که گوز آچدوز بو عالمه
غرق شعف اولوبدی امام رضا خانم
.
نه بیت جعفر و نه مدینه نه ملک دل
سنله تاپیبدی یکسره دنیا صفا خانم
.
عیدالله آدلانوبدی بو گونلر سیزه گوره
هر قلب عاشقه وریب عشقین جلا خانم
.
شأنونده واردی طاهره سن معنی کمال
ایلر آتان حمیده رشیده صدا خانم
.
پیغمبرون مثالی آتان سویلویردی چوخ
ای راضیه تقیه سنه من فدا خانم
.
بیر سوز دئیوبدی حضرت صادق آتان اوزی
محشر گونونده شافع روز جزا خانم
.
هر کیمسه گر دوشه گذری قم دیارینه
صدقیله یالوارا اولار حاجت روا خانم
.
بیر سفره آچمیسان کرمیله او شهرده
مطعم اولان او سفرده شاه و گدا خانم
.
روشندی مسئله کرم اهلی کرم ائدر
فرق ایلمز غریب اولا یا آشنا خانم
.
منّت قویوب دولانسا گوزوز لطفیله اگر
ایلر بو آغلیانلاریوا اکتفا خانم
.
مین تاج و تخت سلطنته ناز ائدر او کس
مقبول اولونسا نوکر آل عبا خانم
.
ایران جماعتی یتوب اوندا سعادته
سیز باجی قارداشی بیزه وئردی خدا خانم
.
اهل کرم دیله گتومز ایلسه کرم
ای صاحب کرم کرم ایله عطا خانم
.
ای ملجاء و امید «جوانمرد» و عاشقان
عالم بولر سیزی اؤزونه مقتدا خانم
.
نالایقم ولی نه ائدیم گویلومه دوشوب
بیر دم طواف مرقد موسی الرضا خانم
.
لایق اولام اگر او شهون پای بوسینه
یالوارام آغلارام آلارام کربلا خانم
.
گر قسمت اولسا روضه رضوان #کربلا
یانام اورکدن ایلرم آه و نوا خانم
.
یول خیمگاهه سالام او ساعت او لحظه نی
بیر بیر خیال ائدوب ائدرم آه و وا خانم
.
.
گریز به #وداع
.
.
گورّم خیال عالمینون غملی روضه سین
بیر باجینی که هجره اولور مبتلا خانم
.
گویا دئیر حسین ، باجی گل قارداشون گدیر
غم ایلمه که یوخدی سیزه آشنا خانم
.
روز الستی یادیوه سال اولما چوخ ملول
ثبت ایلیوب بو گونلری لوح قضا خانم
.
صبر ایله آل کناریوه دلخسته قیزلاری
قویما عدو بو قیزلاریمی چوخ وورا خانم
.
باشیم ده گر کسیلسه باجی گلمه مقتله
ایلر جسارتون علن شمر دغا ، خانم
.
غارت ائدنده خیمه لری چوللره قاچون
قویما باجی که قیزلاریم اودا یانا خانم
.
بیمار امامه ده باجی اول سرپست اوزون
مندن صورا سیزه اولاجاق مقتدا خانم
.
- یکشنبه
- 23
- تیر
- 1398
- ساعت
- 10:33
- نوشته شده توسط
- ابوالفضل عابدی پور
- شاعر:
-
امین جوانمرد
ارسال دیدگاه