سن ای بانوی حورایِ بهشتی
رقم ویردون بیزه بو سرنوشتی
اولاق دلبسته ی اولاد حیدر
بیزه اعطا ایدیبسن بو سرشتی
.
دائماً سسلرم
سنه من نوکرم
معصومه جانم
معصومه جانم(۲)
.
.
.
.
قاپوندا ایشلدیکجه گوز،گدا وار
سنون عشقونده مینلر مبتلا وار
دوروبدور سینه ده ال لر ملائک
حریمونده هامی درده دوا وار
.
عصمتین ماهیسن
خواهر شاهیسن
معصومه جانم
معصومه جانم
.
دائما سسلرم
سنه من نوکرم
معصومه جانم
معصومه جانم(۲)
.
.
.
.
آنون زهرایه خاطر ایت کرامت
آدون قربانی ای بانوی رحمت
گوزوم گورسون گینه کربوبلانی
دوشوبدور باشیمه شوق زیارت
.
قویماقلبیم یانا
غصه دن اودلانا
معصومه جانم
معصومه جانم
.
دائماًسسلرم
سنه من نوکرم
معصومه جانم
معصومه جانم(۲)
.
.
.
وارون زهرایِ اطهردن نشانه
جلال و شوکتون گلمز بیانه
بویوردی بوسوزی صادق آقامیز
بیزه قم شهریدور چون آشیانه
.
سن کیمی عالِمه
گلمیوب عالَمه
معصومه جانم
معصومه جانم
.
دائماًسسلرم
سنه من نوکرم
معصومه جانم
معصومه جانم(۲)
.
- یکشنبه
- 23
- تیر
- 1398
- ساعت
- 11:26
- نوشته شده توسط
- ابوالفضل عابدی پور
- شاعر:
-
مهدی عابدینی
ارسال دیدگاه