عشق عالمينده موهبت جاودانه وار
اسباب حيرتی هامى پیر و جوانه وار
.
عرفانچى لار او قالبِ بى روحه ال تاپوب
عاشقده ليک روحيه ى عارفانه وار
.
معشوق ائتسه تربت عشاقه گر گذر
يردن كفن دريده چیخاللار جوانه‌وار
.
حيراندى دهر بعضى باجى قارداش عشقينه
از بس بو باجيلاردا غم بيكرانه وار
.
مردانه كلّ عمريلرين عشقه وئردیلر
جاويد بير بهار او غملی خزانه وار
.
اوخ چیخماميش كمان ئورگين اوخليار چیخار
پرواز تكيه سى خمِ قدّ كمانه وار
.
عشقِ حسين اگر كه ئوركلرده آلدى ير
اوّل او عشقه سينه ى زينبده خانه وار
.
بير آيرى باجى من تانورام مجتهد در عشق
درس حيا و عفتى خيل زنانه وار
.
بنت الإمام أخت الإمام عمةالإمام
معصومه اى كه لطفى زمان و مكانه وار
.
ايران ديارينه بركت گتدی گلماقى
بير ميهماندى منّتى ده ميزبانه وار
.
شمس الشّموسه گلدی كه نجم النّجوم اولا
حقدن سلام نجمه‌ی طاهر روانه وار
.
گر اولمادى حجاز و عراقون لياقتى
ايراندا اهل بيته گوزل آشيانه وار
.
خوش طالعوک رضا بيزه سلطانليق ايليور
اول شه كه حكم سلطنتى آسمانه وار
.
باخ قارداشا ئوزون باجينون بيل مقامينى
مطلب مُبيّن اولدى نه حاجت بيانه وار
.
سؤيلوب بونا امام زمانى كه: إشفعى
گورمز مثالينى نقدر بو زمانه وار
.
زهرا مزارين آختارانى يولليون قما
بوردا مدينه فاطمه سيندن نشانه وار
.
تز تز گدون ديون كه داريخديم مدينه یه
اى اهل قم الوزده عجب خوش بهانه وار
.
بير سفره دور تمام جهان قم اونون دوزى
باب كرم آچوب هاميا آب و دانه وار
.
ميرزاى قم شفاعتى قم اهلينى گؤرر
معصومه نون شفاعتى كل جهانه وار
.
اول گون كه دوشدى يوللارا زنگ رحيليلن
هاتف دئدى بو زنگیده غملى ترانه وار
.
بير نامه الده دوشدى يولا آلدى كيم خبر
معشوقيدن بويوردى همين بو نشانه وار
.
آختاردى دلبرين ولى افسوس تاپمادى
درک ائتدى دهريده روش ظالمانه وار
.
تنها او زينبى دى كه آختارديقين تاپوب
باش سيز بدن كه وصلتى تير وسنانه وار
.
مخيمدن آيريلوردى خيال وصاليله
بيلمزدى وصل قيمتينه تازيانه وار
.
قارداش ديه ديه يارالى بير بدن تاپوب
گوداله ظرفيت شه كون ومكانه وار
.
نظم جهانى ناله لرى برهم ايلدى
`گوز ياشينى يارالينا مرهم ايلدى...”
.
- یکشنبه
- 23
- تیر
- 1398
- ساعت
- 11:39
- نوشته شده توسط
- ابوالفضل عابدی پور
- شاعر:
-
مهدی فعال
ارسال دیدگاه