بو غربت ئولکه ده دوشوب
باشیم بلایه یا رضا
چخور جانیم آدامسیزام
یتیش هرایه یا رضا
بو غربت یرده انیسیم آه و فغاندی
هایاندا قالدون رضا جان صبریم تالاندی
گوزوم یوللاردا قالوب قارداش باغریقانم
باجون معصومه وئرور جان تئز گل اماندی
غریبم هارام وار
اورکده یارام وار
رضا جان ...
باشی بلالی باجیام
کمند عشقه بسته ام
ئولوب آتام عزالیام
غمین و دلشکسته ام
الون قربانی گوزومی گل باغلا قارداش
اورگیوی غم اوتوندا سن داغلا قارداش
اجل گلدی، باشیم اوسته بیر آغلیان یوخ
منه گل ایندی عزا ساخلا آغلا قارداش
غریبم هارام وار
اورکده یارام وار
رضا جان ...
قرا گونه بو باجوی
سالوب زمانه هارداسان
بهار عمرومی فلک
وئروب خزانه هارداسان
وصالوندن ای گل زهرا بی نصیبم
مریض عشق اولموشام امّا بی طبیبم
فراقون سالدی منی چوخ درد و بلایه
غریبانون ضامنی گل منده غریبم
غریبم هارام وار
اورکده یارام وار
رضا جان ...
اگر چه باشیمی فلک
سالوبدی غصّه و غمه
بلالریم هاچان چاتار
بلایِ زینب عمّه مه
وئروردی جان شامیده یورقون هم عزالی
بدن خسته اللری یاره باش یارالی
اورک غملی قانلی بیر کوینک سینه سینده
دیوردی گل هارداسان ای زهرا مارالی
غریبم هارام وار
اورکده یارام وار
حسین جان ...
رشیده قدّی دوندروب
داخی کمانه آیریلیق
منی ئوز عشقیم ئولدورور
اولوب بهانه آیریلیق
باجون سندن آیریلاندان یانموش بلاده
قوجالتدی دردون منی دشت نینواده
باجون ئولسون قالدی گُل جسمون قوملار اوسته
چخور جانیم گوزلریم قالدی کربلاده
غریبم هارام وار
اورکده یارام وار
حسین جان ...
- جمعه
- 7
- آذر
- 1399
- ساعت
- 19:38
- نوشته شده توسط
- یوسف اکبری
- شاعر:
-
حاج افشین بابک اردبیلی
ارسال دیدگاه