شعور و معرفت مسکن تاپار امکان اولان یئرده
کمال اوج ائیلیوب عرشه گئدر انسان اولان یئرده
.
عدالت مسندیدنده اگلشن قاضی اولا عادل
تاپیلماز ملکیده ظالم هدف میزان اولان یئرده
.
حکومت سود جو قاضی شریح جیره خوار اولسا
اوگون وای ملته ملکه دیللر قان اولان یئرده
.
موازین سعادت طبق احکام شریعتدی
یاشایش خلق آرا شیرین اولار ایمان اولان یئرده
.
دیانت دولدورار هر بئش مکانی دور دنیاده
گورونمز فقر و نادانی شرف وجدان اولان یئرده
.
هامی قانونیلر ناقصدی ، انسانلار فهیم اولسا
غلطدور کذب دور، قرآنیدن فرمان اولان یئرده
.
دونر گلزاره عالم ، حُکمی اجرا اولسا قرآنین
بیری بیر فرده ظلم ائیلر مگر دیوان اولان یئرده؟
.
بشر آرامش کامل تاپار سیر تکاملده
گَزَر مین شور و شوقیله سر و سامان اولان یئرده
.
حسین ابن علیدن راه و رسم عشقی ئورگندیم
رموزین ئورگدیب ئوز قانینه غلطان اولان یئرده
.
” امانی ” خیر و شردن غافل اولما دار دنیاده
کی خیر و شر جزاسی گورسنر دیوان اولان یئرده
.
- دوشنبه
- 24
- تیر
- 1398
- ساعت
- 11:6
- نوشته شده توسط
- ابوالفضل عابدی پور
ارسال دیدگاه