موسی جعفره ائدوب لطفینی حق عطا بو گون
یثربی روشن ایلدی نور رُخِ رضا بو گون
.
ختم پیمبرین بو گون گلدی وصیَّ هشتمی
نور جمالی حیرته سالدی تمام انجُمی
بیزده گلون خطاب ائدک ایندی امام هفتمی
گوزلرون آیدین ای اولان بو اوغولا آتا بو گون
.
آدینی حق علی یازوب ابوالحسندی کُنیه سی
عالمی دولدوروب گورون حکمت و علمینون سسی
قیتره بوش محالیدور بحرِ کرمدی بیر کسی
فخر ائلسین وجودینه شیعه مرتضی بو گون
.
کیمدی گورون جهانیده شمس شُموس آلوب لقب
گللری عاشق ایلیر گل یوزونه بو غنچه لب
مثلینی دوغمیوب بونون نه بیر عجم نه بیر عرب
گلسه مُرید اولار بونا یوسف مه لقا بوگون
.
دوزدی که بحر علمیدی جمله ائمّه هُدا
عالم آل مصطفی بیر بو شهه اولوب نِدا
بیر لقبی رئوفیدور بو صفتی سووَر خدا
آهو قضیّه سی اولور شاهد مُدّعا بو گون
.
گوگلرون اهلی جملگی غبطه ائدور بو گون یره
شکر ائلیوله شوقیدن قدرت حیّ داوره
ضمن اشاره بو سوزی عرض ائلیوله بیر بیره
اذن وئره زیارته کاش بیزه خدا بو گون
.
پَر وُرور عندلیب لر هواده شور و حالیلن
دئیوللر ایلیوب خدا بو گونده قدرتین علن
بونون ولایتی اولور اورکلرین پاسین سیلَن
خوش حالینه مریدینون گلور عجب آقا بو گون
.
بو گونده شادکامیدور جناندا حوریلر تمام
قوروبلا مجلس طرب ائدوبلر اوردا ازدحام
جهانه چون قویوب قدم دیولله هشتمین امام
او خاطره بهشتیده زیاد اولوب صفا بو گون
.
باخوب آناسی اوغلونون قاش گوزونه جمالینه
شکر ائلدی همان زمان خالق ذوالجلالینه
نازیله ئوپدی لبلرین فخر ائلدی او حالینه
گورنه اوغول وئروب دئدی خالق کبریا بو گون
.
هر نه قدر شکر ائلسم آزادی خدای ذوالمنه
بذل عنایت ایلیوب بو گوزلی وئروب منه
آرتیروب عزّ وشانیمی حجّتینه ائدوب ننه
رتبه می حیّ لامکان گور یتوروب هارا بو گون
.
عنایت اولدی((صالحا))رئوف امامیدن سنه
نه دردون اولسا قلبیده دی سن او پاک دامنه
یتیرسن ایلییَر کرم ایکی جهاندا ایمنه
خبیر دور نیازوه او معدن سخا بو گون
.
- دوشنبه
- 24
- تیر
- 1398
- ساعت
- 12:14
- نوشته شده توسط
- ابوالفضل عابدی پور
- شاعر:
-
کربلائی صالح سیفی سرابی
ارسال دیدگاه