ای ائدن خراسان دیارینی رشک هر مکان یا امام رضا
ایلین زیارت مزاریوی نیلوری جنان یا امام رضا
یا امام رضا «4»
اول حریم پاکه گلن گرک آب زمزمیله آلا وضو
کیم گلوب گوره گل مزاریوی ایلمز یقین آیری آرزو
زائرون جهاندا عزیز اولار حشریده تاپار عزّ و آبرو
فخر ائدر ئولونجه او تربت پاکه یوز قویان یا امام رضا
یا امام رضا «4»
کیم دوتا بو عالمده دامننون کسمه سن او کسدن عنایتون
گلسه طوسه شامل اولار اونون حالینه عطا و کرامتون
لطف ایله منیم گویلوم ایستوری بیر نصیبیم اولسون زیارتون
هجر اوخی دلور قلبیمی ائدور قدیمی کمان یا امام رضا
یا امام رضا «4»
کیم سنی قسم وئرسه اوخلانان مشکی یولدا باب الحوائجه
سن دعا ائدرسن خدا ائدر دردینه او دمده معالجه
صدقیلن گلن آستانیوه ال تاپار او یرده نتایجه
بوش الیله قیترمسن بیرین گلسه هر زمان یا امام رضا
یا امام رضا «4»
درد هجر ایاقدان سالوب منی قلبیمه دولوب غصه ومحن
گتموسن دیوللر زیارته بیست و هشتمی هر گلیب گئدن
کیمسه دردیمی بولموری آقا لطف ایله سنی حیّ ذوالمنن
ممکن اولسا ایسته گلم سنی فاطمه آنان یا امام رضا
یا امام رضا «4»
دعوت ایله بیرده مزاریوه «صادقی» دوباره گله آقا
راضی اولما اول پاک مدفنی گورممیش بو «شیدا» ئوله آقا
جرمی چوخدی گرچه بو مجرمون لطف اوزیله گل عفو ایله آقا
دادینه یئتیش یوخدی کیمسه احوالینه یانان یاامام رضا
یاامام رضا «4»
- شنبه
- 6
- دی
- 1399
- ساعت
- 21:6
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه