ای دلیم یان غم سراده
آغلا بو ماتم سراده
ضامن آهو دوتوب یاس
غم زده اوغلی جواده
.
غملیدی هرندن ماجراسی
باشلانوب ایندی گویلرده یاسی
عدنیده فاطمه حتمی سسلر
وای جوادیم جوادیم جوادیم
.
.
.
.
آیری دوشدی ئوز ائیلیندن
شعله چکدی اوت دیلیندن
ناله سی تترتدی عرشی
بی وفا همسر الیندن
.
چاتمادی بیرکسه آه و واسی
تنگه دوشدی اویورقون نواسی
اوت دوتوبدی یانوب قلب مادر
عدنیده فاطمه حتمی سسلر
وای جوادیم جوادیم جوادیم
.
.
.
.
بیر نفر یوخ داده گلسون
سس ویروب فریاده گلسون
شهر غربتده خدایا
لااقل فریاده گلسون
.
دردینون یوخ نه چاره دواسی
قیتروب قان بویاندی لباسی
گل مثالی سولوب اولدی پرپر
عدنیده فاطمه حتمی سسلر
وای جوادیم جوادیم جوادیم
.
.
.
.
ذکریدور یا حی سبحان
ئوز ائیونده یاندی قران
الله الله نیلسون بس
لبلریندن قیترور قان
.
جان ویرور شیعه لر رهنماسی
تشنه ئولدی رضانون بالاسی
عدنیده فاطمه حتمی سسلر
وای جوادیم جوادیم جوادیم
- دوشنبه
- 31
- تیر
- 1398
- ساعت
- 12:24
- نوشته شده توسط
- ابوالفضل عابدی پور
- شاعر:
-
حاج شیراله حیدری زنجانی
ارسال دیدگاه