ای ساقی بزم غربت
مخمور شراب فرقت
چیخ پرده دالیندان مولا
بلکه قوتولا بو حسرت
.
گل قالب بیروحه جان وئر
مرغ وصاله آشیان وئر
گل قبر زهرانی نشان وئر
(( آقام آقام آقام آقام ای))
.
.
.
ای اون بیرامامین روحی
طوفان بلانین نوحی
نُه طاق سما بنیادی
حور و ملکین ممدوحی
.
دلبند مام پر شکسته
پابند اولان عهد السته
گل قوی قدم بوگوزلراوسته
(( آقام آقام آقام آقام ای))
.
.
.
مست ِ می دیداروخ بیز
محو رخ دلداروخ بیز
بازار وصالینده سنون
هر درده خریداروخ بیز
.
ای شیعیانین پیشواسی
داغ فراقین مبتلاسی
هرچاره سیزدردین دواسی
(( آقام آقام آقام آقام ای ))
.
.
.
برج شرفین مهتابی
حق طاعتی نون محرابی
درمانده لرین درمانی
ای ملکوموزین اربابی
.
هجرینده قانه باتدی گوزلر
یاندی فراقیندان ئورکلر
ای تاجدار آل حیدر
(( آقام آقام آقام آقام ای))
.
.
.
ناموس دوعالم سن سن
عیسایه وئرندم سن سن
اوچ ناکیشی نین قامتینی
آرخادن ائدن خم سن سن
.
گل داغ هجرون درده سالدی
گوللر فراقیندن سارالدی
گل گوزلریم یوللاردا قالدی
(( آقام آقام آقام آقام ای))
.
.
.
سال یاده بلا طوفانین
یاد ائت شهدا سلطانین
گوز یولدا قالوبدور جدّون
گل صودامرین آل قانین
.
ای گوهر کنز معانی
بیزدن قبول ائت بو دعانی
وئر تذکره کرب وبلانی
(( آقام آقام آقام آقام ای))
.
.
.
ای فاطمه نین ریحانی
وی دردلریمین درمانی
اولسون بو«مصیّب»جانی
بیر تار توکون قربانی
.
ای رحمت یزدانه بانی
سن بیل عمون عباس جانی
قووما قاپوندان بو گدانی
(( آقام آقام آقام آقام ای))
.
- سه شنبه
- 1
- مرداد
- 1398
- ساعت
- 10:18
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه