وجودی اولان حقه مظهر علی
بؤُتون اهل ایمانه سرور علی
.
وئروبدور مورخلر عالی خبر
علیدور که هر رزمیده باهنر
ائدردی صف دشمنی بی اثر
رشادتده کافیدی بو مختصر
کلامین ائدوب تیغه برتر علی
.
علیدور چاتان رتبه سی کامله
علیدور که علم ئورگدوب جاهله
علیدور اوزوک بذل ائدن سائله
علیدور طعامین وئرن قاتله
وجودی اولوب عدله منظر علی
.
بویوردی بئله منبر اوسته رسول
بو گون سنی دوققوز اولوبدور بتول
گلون ائلچی زهرایه ائتدیم قبول
که بخت اولدوزوندا گوروندی حلول
اوتورمیش او دم پای منبر علی
.
صورا درک ائدوب محضر حضرتی
سوزی آچماقا لیک وار خجلتی
آچوبدور ئوزی مصطفی صحبتی
بویوردی خیالون گزر وصلتی
حیادن توکوبدور یوزه تر علی
.
دئدی بو سوزی اوندا خیرالورا
اوتانما بو مطلبده ای مرتضا
بتولی سنه خلق ائدوبدور خدا
بو تزویجه الله اولوبدور رضا
سنوندی بو زهرای اطهر علی
.
یوزون دوتدی زهرایه خیرالبشر
بویوردی قزیم اولموسان بختور
بصیرت گوزیله گر ائتسون نظر
گوررسن بو وصلتده عالی ثمر
نتیجه وئرر اون بیر اختر علی
.
قیزینان وکالت آلوب ماحصل
چکوبدور هارا گور علینی عمل
وکیل اولدی داماده حی ازل
علیدور بلی بندۀ بی مثل
اولار شافع یوم محشر علی
.
عروس اولدی چون حضرت مرضیه
بو فرخنده گون ثبت اولوب نامیه
گلوب مجلسه مریم و آسیه
یازیلدی فراتون سویی مهریه
تبسم ائدوب اوندا حیدر علی
.
سماواتیده چون کسیلدی کبین
مزین اولوب طاق عرش برین
زبرجدله یاقوت اولوبدور عجین
گیوب اگنینه رخت اطلس گلین
اوگون اولدی زهرایه همسر علی
.
قدم قویدی ماوایه چون مرتضا
ساقیندا دوروب خاتم الانبیا
صولوندا دایانمیش اودم اوصیا
گلوب دسته دسته ملکلر طویا
صدا گلدی الله اکبر علی
.
چراغان اولوبدور گجه آسمان
گویون قوشلاری اولدولار نغمه خوان
اوتورمیش او مجلسده شاه زنان
بو نوعی ائدوب قیزلار اوندا بیان
مبارکدی دخت پیمبر علی
.
گلوبدور بیر عورت اودم داخله
ائدوبدور عروسه او طویدا گله
لباسیم دئدی یوخدی ای فاضله
وئروب فاطمه طوی دونون سائله
دئدی کهنه ده گیسم ایزتر علی
.
دیر گونده (نادر) سنه جان فدا
نه (نادر) سنه کل ایران فدا
نه ایران سنه کون وامکان فدا
نه عالم سنه بلکه رضوان فدا
مقامون سنون بیلدی داور علی
- سه شنبه
- 1
- مرداد
- 1398
- ساعت
- 11:33
- نوشته شده توسط
- ابوالفضل عابدی پور
- شاعر:
-
حاج نادر بابایی
ارسال دیدگاه