اشعار ازدواج حضرت علی (ع) و حضرت زهرا (س)

گلدی روز وصلت حیدر و زهرا
دولدی شور و شوقیلن سینه طاها
حیدر گؤزلدی فاطمه تکدی
با هم دیون بو طوی مبارکدی
.
.
.
فاطمه دلدارینه چاتدی یا الله
حیدریلن غملرین آتدی یا الله
شرقدن رحمت گونی چون طلوع ائتدی
آسماندا ماه غم باتدی یا الله
حیدر گؤزلدی ...
.
.
.
غیر زهرا حیدره همصدا اولماز
دردینه زهرا کیمی آشنا اولماز
عقد وصلت عرشده برقرار اولدی
راز عزت هرکسه بر ملا اولماز
حیدر گؤزلدی ...
.
.
.
حیدره طاها دئدی گل منه یار اول
یا علی دلبندیمه یار و غمخوار اول
سن بیلورسن فاطمه قلب طاهادی
قویما سئنسون قلبینی چوخ وفادار اول
حیدر گؤزلدی ...
.
.
.
وئردی زهرانین الین حیدره طاها
ائتدی فرمایش قیزیم ای گل زیبا
بو عم ا

• سه شنبه
• 1
• مرداد
• 1398
• ساعت
• 11:28
• نوشته شده توسط
• ابوالفضل عابدی پور

تهنیت ای اهل ولا هامی بو دهریده خندان اولوب
عازم علینون ایوینه بو گجه سرور نسوان اولوب
.
یوخدی داخی غمدن اثر
قلب جهان شاداولوب
عالم امکان سووونور
چون علی داماداولوب
.
بزندی فلکلر
چالور ال ملکلر
سوووندی اورکلر
علیجان علی جان (2)
.
.
.
درگه معبوده آچوب بو گجه ختم پیمبرالین
حقه ایدورحمد و ثنا چون اولوبدی قیزی زهرا گلین
فاطمه نی بخت ایوینه آپارور تاج سر مرسلین
خانه مولایه روان اوزیده ختم رسولان اولوب
.
یوخدی داخی غمدن اثر
قلب جهان شاداولوب
عالم امکان سووونور
چون علی داماداولوب
.
بزندی فلکلر
چالور ال ملکلر
سوووندی اورکلر
علیجان علی جان (2)
.
.
.
فاطمه نون مرکبینین دوتوب افسارین اوزی جبرئیل
عجزیله ه

• سه شنبه
• 1
• مرداد
• 1398
• ساعت
• 11:32
• نوشته شده توسط
• ابوالفضل عابدی پور

مبارک اولسون عاشقان
وصال زهرا و علی
داماد اولوبدی بو گجه
مولا علی مولا علی(2)
.
جشن دوتوبدی فرشتگان
اولوب پیمبرده شادمان
دیولَّه چون حورای جنان
یا علی یا فاطمه(4)
.
.
.
.
زهرایه خاطر مرتضی
گلدی پیمبر ایوینه
زهرایه طوی بزمینی قورا
طاها ئورگی سوینه
.
جشن دوتوبدی فرشتگان
اولوب پیمبرده شادمان
دیولَّه چون حورای جنان
یاعلی یافاطمه(4)
.
.
.
.
باشلاندی طوی فاطمیه
غریبه مدینیه
تبریک وتهنیت اولا
هم زهرایه هم علیه
.
جشن دوتوبدی فرشتگان
اولوب پیمبرده شادمان
دیولَّه چون حورای جنان
یاعلی یافاطمه(4)
.
.
.
.
یردن بونوعی سس گلور
مولاعلی مولاعلی
گویدن ملائک لردیور
قورتولدی زهرانین غمی
.
جشن دوتوبدی فرشتگان
اولو

• سه شنبه
• 8
• مرداد
• 1398
• ساعت
• 11:58
• نوشته شده توسط
• ابوالفضل عابدی پور

غصه وغمدن اولدی قلب جهان آزاد
گویده ملکلرسسلورحیدرایوون آباد
یوخدی بیله داماد
حیدرایوون آباد
.
هرگزدیمم آی چون بیله رخشنده آی اولماز
یوسفده گوزلیکده بوداماده تای اولماز
.
تکدی وجاهتده
حسن وملاحتده
باشدی سلیمانان
جاه وجلالتده
.
کُر:
گویده دیور گوی اهلی جانم علی جانم
یرده دیور یر اهلی آدینه قربانم آدینه قربانم
.
.
.
.
.
مرحبا بو داماده چون مه انوردی
صول طرفده سلماندی ساقدا اباذردی
اورتاداحیدردی
فاتح خیبردی
.
ظاهرده اگر جشنه گلوب اهل مدینه
باطنده ملکلرده انوب روی زمینه
.
به به بوجلوسه
دللرده خلوصه
الحق کی بوداماد
لایقدی عروسه
.
گویده دیور ...
.
.
.
.
.
ام السلمه تبریک عرض ایلور عروسه
زهرانون الین

• دوشنبه
• 31
• تیر
• 1398
• ساعت
• 13:22
• نوشته شده توسط
• ابوالفضل عابدی پور

بوگون مدینه ده طوی اساسی برپادی
ایدوله اهل ولا مدینه ده شادی
.
نه طوی کی شاه نجف علی دی دامادی
عروس حجله سرا بطول عذرادی
.
یرده عقد، اوخور طاها
گویدن گول سپور حوراء
ذکر ، یاعلی ، زهرا
دولوب دهره
.
یا حیدرعلی مولا ...
یا زهرا گل طاها
مبارکدی
.
.
.
.
.
دولوبدی هلهله دن تمام کون ومکان
ولایت اهلینه شرح اولوندی، یلتقیان
.
گؤی اهلی «کوثر» اوخور یر اهلی «ناد علی»
وصال شمس و قمر بوگون اولوبدی عیان
.
هجران آخره چاتدی
ساقی کوثره چاتدی
زهرا، حیدره چاتدی
مبارکدی
.
یا حیدرعلی ...
.
.
.
.
.
اوزَرّیک الده دوروب بویاندا، روح الامین
اویاندا، الده قیزیل گول، اهل عرش برین
.
بو طویدا شاهده باخ جلال عاقده باخ
هاچا

• پنج شنبه
• 3
• مرداد
• 1398
• ساعت
• 13:06
• نوشته شده توسط
• ابوالفضل عابدی پور

بیر خبر دور یازورام فاطمه اولسون کمکیم
یازا بیلسم اولاجاق اجرله سرشار اتکیم

هدفیم شعرده زهرا خانمون شوکتیدی
عرش و فرش ایچره اونون طنطنه ی دولتیدی
قادر آللّهون اونا قائل اولان حرمتیدی
قبری تک قدریده مجهوله قالان زهرادی
غصّه دن وقت شبابی قوجالان زهرادی
دُرّ نایاب سپهر ادبون اولدوزیدی
سوّمین پنج تن علیّه دی طاها قیزیدی
خوان احسان خداوند کریمون دوزیدی
محرم سرّ خفیاتیدی عالیّه صفات
بهترین ذکردی حُسنی' آدی روح حسنات
خانه ی کعبه ده ختم رُسُل ائتموشدی جلوس
نئچه اشرافی مشاهیر عربدن مأنوس
اولدیلار حضرته شوقیله الین ائتدیله بوس
صورا عرض ائتدیله ای فخر فخام ملکوت
ساحت اقدسی جبریله اولان رحل هبوط
گلمیشوک محضر پاکونده تاپاق آرامش
قلبمیزده ولی وار متفقاً بیر خواهش
گر چی اسرار ضمائرده واروندور دانش
بیر مجلّل طویمیز واردی قیزون دعوتدی
متبرّک قدمی هاردا اولا نعمتدی
دئدی پیغمبر رحمت دیرم دعوتوزی
حفظ ائدر فاطمه بی شبهه سیزون حرمتوزی
آرتیرار قویسا قدم مجلسوزه شوکتوزی
حاصل حضرت یتریب فاطمیه پیغامی
گوردی تشویشه دولاندی خانمون آرامی
دیله گلدی نبوی جنّتینون حوراسی
معرفت گلشنینون غالیه بو طوباسی
عرشیانون ابدی فاضله منصوراسی
بابا هر امر ایلسون لازمه سی اجرادی
اولارون نیّتی امّا منه استهزادی
متموّلدی بیلورسن او یهودیّه زنان
واردی شوهرلرینون ثروت بسیار و کلان
شال و دیبایه ملبّسدی خانملار شادان
مین قلم زینت ائدر جشنه گلنلر اوزینه
خار ایستور ساچا هر تک تکی زهرا گوزینه
سن بیلورسن کی منیم یوخدی زر و زیب و طلا
کیم گوروب فاطمه دستبند آلا خلخال سالا
ظاهری زینته یوخ رغبتیم ای گنج ولا
مال دنیادن اوزون کی بلوسن واردی نئیم
کهنه چادردی باشیمدا بابا بیر پیرهنیم
من بو وضعیله گئدم طویدا سینار حرمتمیز
تاپاجاق خدشه بابا مکتبی حیثیتمیز
هتک حرمت اولا دُؤزمز نبوی غیرتمیز
اولارین وعده سی زهرایه شماتتدی بابا
سوزلری طعنه دی تحقیر و اهانتدی بابا
ائشیدیب بو سوزی تا فاطمه دن ختم رسول
اورگی قانه دونوب اولدی پیمبرده ملول
ناگهان حضرت جبریل امین ائتدی نزول
دئدی یا سیّدی آللّه سنه گوندردی سلام
صورا زهرایه ده بیر طرفه حکیمانه پیام
اوزی بو امره خدای ازلی وئردی رضا
تئز مهیّا ایله زهرا گئده حتماً او طویا
حکمت بارقه میز اوردا گرک ظاهر اولا
لاجرم بنت نبی دوردی ائدیب حمد و ثنا
گینوب کهنه لباسلارینی تئز دوشدی یولا
مندرس رختیله شه بانوی سلطان حجیز
ایکی دنیایه ملیکه ایکی دنیایه عزیز
تک گئدور جشنه نه وار خادمه کُلفَت نه کنیز
مو پریشاندی یوخیدی آناسی شانه ویرا
بزم اغیاره گئدور دل نگران کان حیا
گلدی گوگلرده ملکلر هاموسی افغانه
سوزیله راز و نیاز ایلدیلر سبحانه
اشک چشمانی گل عارضده دونوب بارانه
قویما آللّه دئدیلر فاطمه نی خوار اولسون
بی حیا دشمن ایچینده گوزی خونبار اولسون
سنی وئرّوک قسم آللّه آلیشان سینه لره
کاسه ی چشم یتیمانه دولان اشک تره
آه مظلومه شهیداندان آخان قانه گوره
صودامر بی گنه اطفالون آخان گوز یاشینا
سایه ی لطفوی سال زهره ی زهرا باشینا
زمزم و کوثر و تسنیم و صفا حرمتینه
مشعر و مروه و کعبیله منا حرمتینه
لوح و کرسی و جنان ارض و سما حرمتینه
خوان احسانوه لایقدی یقین شأن بتول
راضی اولما اولا دشمن آرا زهرانی ملول
میزبانیدی او طویدا نئچه بانوی یهود
هاموسی فاطمه نون دشمنی طاهایه حسود
باطنی نیّتی هر تک تکینون کفر آلود
دئدیلر قوی گله زهرانی پریشان ائلیک
بزنک سیم و زره شاد اورگین قان ائلیک
رحمت واسعه ی حضرت خلّاق جلیل
غلیان ایلدی بیر لحظه ده بی مثل و عدیل
بورودی فاطمه نی مهر خداوند جمیل
جوشه گلدی یم بخشنده ی ربّ الارباب
خازن جنّته فرمان یتشیب ایله شتاب
حاضر ایله نچه زیبنده و شایسته لباس
گورمیه دیده ی دنیا ایله بیر رخت و اساس
گیینه فاطمه حیران قالا سوسن گُل یاس
غبطه آرایشینه ایلیه طاووس جنان
قالا انگشت به دندان اوزی بلقیس زمان

اولمامیشدی چوخ ائویندن هله مرضیّه کنار
گوردی جبریل امین سویلدی آی ماه عذار
گلدی مشّاطه ی فردوس سنه خدمتکار
قویمادی مهربان آللّه سنی غمگین اولاسان
شدّت غصّه ده گُل مثلی خزاندا سولاسا
بلی آللّه بیرینی ایستسه تاپسون اعزاز
گوز ویریم آندا ید قدرتی ایلر اعجاز
فرشدن عرشه عروج ایلر اولار محرم راز
نجه گور دختر طاهانی سرافراز ایلدی
در گنجینه ی جنّاتی اونا باز ایلدی
الغرض زهره ی زهرا گینوب رخت جنان
زینت ایلوب اونا مشّاطه ی باغ رضوان
دوره سین آلدی نئچه مین نفر حوریّه زنان
بیری معطور ایلیور ماه لقا سیماسین
بیری آراسته ایلوردی قد رعناسین
غصّه دن فاطمه نون قلبی اولوب آسوده
دمبدم شکر ایلیور لطف حق معبوده
کاروان دوشدی یولا گلدی چاتیب مقصوده
خانمون دوره سینه هاله ویران حور و پری
دولدوروب صوت دل انگیزیله راه گذری
انتظاریدی خانملار طویا اجلاس نزول
ناگهان فاطمه گون تک ایلدی جشنه حلول
نور باران ایلدی مجلسی سیمای بتول
هر خانم دوشدی گوزی مونس حورا یوزینه
غش ائدیب مالک اولا بیلمدی ناچار اوزینه
عالم حیرتده قالا وار یری بو اقباله
هامی یا فاطمه دیلده چیخیب استقباله
گلینون کوکب بختی دوشوب اضمحلاله
عُلوی و سُلفی تماشایه چیخیب غوغادی
گوئیا جشن عروسی خانم زهرادی
او خانم قیزکی عروسی اونا اولموشدی بپا
حالدن گئتدی خانم فاطمه نی گورجک اودا
آیریلیب روحی بدندن طوی اولوب بزم عزا
گلین ئولدی آناسی باجیسی ویردی باشینا
نقل و شاباش دونوب خون دیله گوز یاشینا
سالدی بو حادثه مهمانلاری دریای غمه
آختاریدی هامی بیر چاره بروز اِلمه
گلدیلر فاطمه درگاهینه دفع ستمه
میهمانلار دئدی آی مؤمنه داداره خانم
گوریوک بیز سنی بیچاره لر چاره خانم
اولما راضی اولا بو جشن خانم بزم عزا
طوی لباسی چیخادیب جمله گیه رخت قرا
نجه اولسون بو خانملار گلینه نوحه سرا
بیر خانملیق ایله قویما طویمیز یاسه دونه
گلینون بخت چراغی آلیشان لحظه سونه
سنده کی واردی تقرّب بو قدر یزدانه
بزیوب قدرت الی پیکرون ای فرزانه
سن یقین سویگلی سن آللّها ای دردانه
دور دعا ایله بو حوریّه لر آمین دئسون
چاغیر آللّهوی مرده گلینه جان وئرسون
دوردی سرعتله وضو آلدی ملائک خدمه
اولدی قائم به صلات حضرت صاحب کرمه
دئدی رحم ایله الهی بو گرفتار غمه
سربلند ایلدون اوّل منی خوش واقعه ده
ایندی شرمنده دی زهرا بو آغیر ضایعه ده
سجده دن قوزامادی امّ ابیها باشینی
یالواروب آللّها صدقیله توکوب گوز یاشینی
مکّه نون نالیه زهرا گتریب داغ داشینی
دئدی یا ربّی محمّد و علی حرمتینه
قویما خجلتده منی فاطمه نون عصمتینه
گوز یاشلی هامی مبهوت باخوردی نگران
ناگهان مرده عروسی گوز آچیب عطسه زنان
دئدی یا فاطمه اوپدی ال ایاقیندن عیان
سن دعا ایلدون البته منی جان گتدیم
قسم آللّهه سنه قلبدن ایمان گتدیم
باوریم اولدی جهانی یارادان آللّهدی
آتون احمد قسم آللّهه رسول اللّهدی
نیّتون پاک هدفون قربتاً الی اللّهدی
گلینون سوزلری مهمانلارا میزان اولدی
یدّی یوز فرد یهودیّه مسلمان اولدی
او جلالتده خانم فاطمه گور چکدی نلر
هیجده ساله اوزی حامله درک ائتدی خطر
سقط اولوب محسنی قانه بویانیب غنچه ی تر
آنا بیر یاندا یخیلدی بالاسی بیر طرفه
شرمدن دردینی بیلدیرمدی شاه نجفه
سسلدی فضّه کمک ایله بویاندیم قانه
اریدی شمع وجودیم کول اولوب پروانه
ایکی عاشق قانا آغشته دوشوب یان یانه
محسنیم آچمادی گوز بیر آناسین رؤیت ائده

• دوشنبه
• 4
• مرداد
• 1400
• ساعت
• 15:31
• نوشته شده توسط
• یوسف اکبری

گل آچدی دشت و صحرا
گلین گلوری زهرا
گوزلرون آیدین اولسون
یا خاتم الانبیا
گلشن گل آچدی تبارک الله
پیوندوز ائتسون مبارک الله
.
.
.
بدنظردن دور اولسون
دشمن گوزی کور اولسون
بو جشن باصفا ده
شادلیق اولسون شور اولسون
گلشن گل آچدی تبارک الله
پیوندوز ائتسون مبارک الله
.
.
.
پیغمبرین عاشقی
ائوینون یاراشیقی
گون کیمی جلوه لندی
گوزلرینون ایشیقی
گلشن گل آچدی تبارک الله
پیوندوز ائتسون مبارک الله
.
.
.
حق نوری جلوه لندی
یئر یوزونه الندی
عطر بهشتی آلدی
گللر شکفته لندی
گلشن گل آچدی تبارک الله
پیوندوز ائتسون مبارک الله
.

• دوشنبه
• 31
• تیر
• 1398
• ساعت
• 13:19
• نوشته شده توسط
• ابوالفضل عابدی پور

گل باغ نبوی زهرا
یا علی شیعه لره مولا
.
ای ملک منظر
عالمه سرور
اولسون مبارک
وصلتون حیدر
.
عرشیده حور و ملک لر – ایلیور شادی 3
سن ئوزون حفظ ایله یا رب – بیله دامادی 3
.
.
.
.
نو عروس آیت کوثردی
میوه قلب پیمبردی
.
گوندروب تبریک
حی تبارک
بو گوزل وصلت
اولسون مبارک
.
نوعروس شمعیدی داماد – اونا پروانه 3
جان عالم اولا قربان – بیله جانانه 3
.
.
.
.
نه گوزل طویدی بو طوی الله
گلینه دامادا ماشاالله
.
چون اولور داماد
ساقی کوثر
نوعروس اولدی
دخت پیمبر
.
مرتضایه ئوزی شخصاً – دیدی پیغمبر 3
بو گولی ویردیم امانت – سنه یا حیدر 3

• دوشنبه
• 31
• تیر
• 1398
• ساعت
• 13:20
• نوشته شده توسط
• ابوالفضل عابدی پور

وجودی اولان حقه مظهر علی
بؤُتون اهل ایمانه سرور علی
.
وئروبدور مورخلر عالی خبر
علیدور که هر رزمیده باهنر
ائدردی صف دشمنی بی اثر
رشادتده کافیدی بو مختصر
کلامین ائدوب تیغه برتر علی
.
علیدور چاتان رتبه سی کامله
علیدور که علم ئورگدوب جاهله
علیدور اوزوک بذل ائدن سائله
علیدور طعامین وئرن قاتله
وجودی اولوب عدله منظر علی
.
بویوردی بئله منبر اوسته رسول
بو گون سنی دوققوز اولوبدور بتول
گلون ائلچی زهرایه ائتدیم قبول
که بخت اولدوزوندا گوروندی حلول
اوتورمیش او دم پای منبر علی
.
صورا درک ائدوب محضر حضرتی
سوزی آچماقا لیک وار خجلتی
آچوبدور ئوزی مصطفی صحبتی
بویوردی خیالون گزر وصلتی
حیادن توکوبدور یوزه تر علی
.

• سه شنبه
• 1
• مرداد
• 1398
• ساعت
• 11:33
• نوشته شده توسط
• ابوالفضل عابدی پور

سالان سکوته عقولی ، وقار زهرادی
سوآله جبره جواب ، اختیار زهرادی

بطول اعظم و اطهر ، دلیل خلقتدی
بو ادعایه دلیل ، اقتدار زهرادی

پیمبرین قئزی ممدوح صانع الاسرار
محجبان فلک ، پرده دار زهرای

ستارگان شرف فخر ائدر بو توفیقه
کی خط سیریلری در مدار زهرادی

حجاب وعصمت وعفت وقار وشآن و شرف
اگر قضاوت اولا ، وام دار زهرادی

عجب دگول کی علی کائناته سروردی
گرگ ده سرور اولا ، یار ، یار زهرادی

اوکس کی تابع منشور عدل و غیرتدی
مکاشفات جزاده ، کنار زهرادی

او کس کی دشمن افکار مرتضا اولدی
صف موآخذه ده ، شرمسار زهرادی

علی یولوندا دئدی اولسم افتخاریمدی
کی یعنی عشق علی ، افتخار زهرادی

باش اگمه ظالمه حتی خلیفه ده اولسا
نظام ظالمه طغیان ، شعار زهرادی

وئرنده درس بلا زینبه ، بویوردی علی
نییم واربمدی قیزیم ، اعتبار زهرادی

سنون رگونده اولان، اقتدار حیدردی
منیم الیمده اولان ، ذوالفقار زهرادی

نه عیسوی نه کلیمی نه متقی نه مجوس
کی انس و جن و ملک ریزه خوار زهرادی

رسالتین قیزی دور، همسر امامت دور
شهادته آنادور ، بو ، عیار زهرادی

حسینه ، پرده به پرده بلانی اورگتدی
بساط کرب و بلا ، یادگار زهرادی

ایکی جهان او سئنان گوشواریه قربان
ائدن قیامت او بیر ، گوشوار زهرادی

یازوردی نوحه قلم ، آلدی طاقتین بو سوز
بو سوزده بیلدیم اودا ، سوگوار زهرادی

دئدی او کی قاپودان کوچه دن منه آرتوق
همیشه نیسگیل اولوب دور ،مزار زهرادی

• سه شنبه
• 9
• دی
• 1399
• ساعت
• 19:52
• نوشته شده توسط
• یوسف اکبری

مژده ای شیعه بو گون روضه ی رضوان بزنیب
خاکی عالم گُل آچیب مثل گلستان بزنیب

خوشیدی شیعه هامی جامه ی زیبا گینک
علی و فاطمیه عرض ارادت ائلیک
بو ایکی نوره گرک بو گونی تبریک دیَک
چون بو گون فاطمه مثل گل و ریحان بزنیب

مرتضی شیعه سی اولماز بئله بیر گونده عبوس
شب دامادی مولادی اوتورما مأیوس
بزنیب اُمّ ابیها بو گجه اولدی عروس
بو گوزل جشنه هامی عالم امکان بزنیب

سالگرد شب دامادی حیدردی بیلون
غصّه گردین دل صافوزده اگر واردی سیلون
آچ الون ملتمس اولسون در مولایه دیلون
سائله گل نجه گور خانه ی احسان بزنیب

بزنیب فاطمه حورا گوزی حیراندی اونا
سائلی بوش یولا سالماز هامی قرباندی اونا
قوی دیوم دردون اگر اولسا نه درماندی اونا
فاطمه گیزلین اولان دردلره درمان بزنیب

هاتف غیب دمادم ائلیور مؤمنه فاش
مرتضی عاشقی اؤزگه قاپیا گئتمیه حاش
پایلانور بو گجه هر کیمسه گله جشنه شاباش
خازن جنّت آچیب سفره ی غفران بزنیب

نرگس و نسترن و سنبل و یاس و سوسن
مریم و لاله شقایق دولیدی دشت و دمن
عطر افشاندی ریاحین سراپا گلشن
دامن سبز طبیعت بئله شایان بزنیب

شمع و پروانه طربناکدی خندان گورّم
طلعت روی گلستانی دو چندان گورّم
شوریله بلبل شیدانی غزلخوان گورّم
عرش و فرش و فلک و جنّت و ایوان بزنیب

هامی شاداندی سرافرازیدی زهرا آتاسی
حیف اولا یوخدی جوارینده عروسون آناسی
آناسیز اولسا گلین طویدا خوش اولماز بالاسی
هر قدر گورسه طویوندا هامی مهمان بزنیب

یری وار فاطمه طویدا اؤرگی قان اولسون
آناسین یاد سالیب گوزلری گریان اولسون
نار غمده دل مهجوری پریشان اولسون
نور ایمانیله هر چند او دل و جان بزنیب

گه باخور دورینه گوز آلتی دیور کان حیا
قیزوون جشنیدی گل طویدا یرون بوشدی آنا
نسگل اولدی منه سنسیز اورگیم دوندی قانه
بیلمورم طویدی و یا کلبه ی احزان بزنیب

باخورام گه گل زیبای رُخ همسریمه
او بهانیله تسلّی وئرورم غملریمه
ولی اودلی اورگیم آخ دیور اشک تریمه
شبنم اشکیله گل چهره نمایان بزنیب

گر چه غملیدی عروس علوی لیل زفاف
بیلمیوردی هله وار دشمن دینیله مصاف
در و دیوار آراسیندا یخیلار کنز عفاف
گوره جک صحن علی قانیله الوان بزنیب

باب رحمت اولاجاق آتش سوزانه هدف
باغلانار خیبر آچان اللّری وار جای اسف
چکیلر مسجده بوینوندا رَسَن شاه نجف
بیعت آلسونلا گورر جبریله میدان بزنیب

سقط اولار محسنی بطنینده گلر فریاده
یوخ دیور بیر کسیم اللّه یتیش امداده
شرمیدن سسلمز ئوز همسری گلسون داده
چون حیا کانی خانم، اُسوه ی ایمان بزنیب

قول قابورقاسی یارا ثانی ویرار بیر سیلی
یخیلار منظر اغیارده صورت نیلی
ئوز ائوین گونده گرک ترک ائلیه تحمیلی
لوح تقدیرده بو مشی پریشان بزنیب

دورد معطّر گُلی هر گون دولانار چوللّرده
یارالی عین جوانلیقدا دوشر بسترده
ترک ائدر همسر و اطفالینی اشک ترده
شعرا کلکی صفا وصف ائده آسان بزنیب

• دوشنبه
• 4
• مرداد
• 1400
• ساعت
• 15:28
• نوشته شده توسط
• یوسف اکبری

بساط جشن مرتب ایدوبله آل مناف
قورولدی زوجه شیر خدایه بزم زفاف

زفاف فاطمه ده وارنچه دقیق نکات
اگر دیویلمه سه اولماز جلالتی اثبات

او وقت اولوب که بتولی عروس آپار سونلار
یول اوسته دوردی دایاندی شَفیعه عَرَصات

دیدی رضا دگولم من بو مِهره یا اَبَتا
ولی عم اوغلوما وار دور رضایتم ده ثبات

او دمده نازل اولوب جبرئیل گتدی پیام
دیدی رَسوله که زهرایه ایله تبلیغات

بهشت اثاثنی برده بو عالمین خُمسین
یازوبلا فاطمیه مِهر گویده کی قُضات

بتول اولمادی راضی عُروج ایدوب جِبریل
گلوب دوباره ایدوب عقل کله کشف نکات

بهشت نهرلریندن خدا دیور دورت نهر
بتول مِهرینه آرتوردوق ای اَمیر هدات

بو عالمین سولاری نداندا یازمشوخ دورد ین
بریسی بَلخ بری نَهروان و نیل و فُرات

حسین آناسینا مِهریه دور فرات اما
حسینی الدوره جاق تشنه کربلاده عَدات

باخار فراته دیرالعطش یانار جگری
یارالاری ندان آخار قانی هر یانا چو قَنات

دیدی بتول بو مِهره گینه رضا دگلم
پوزولدی حالتی دلگیر اولدی مَظهر ذات

امین وُحیّ گتوردی پیام رَب جلیل
بو نوع ایلدی خیرالورایه کشفیات

یری گوئی فلکی دوزخی له جناتی
حقّ ایتدی فاطمیه مِهر ای حَقه مُرات

گینه بتول دایاندی دیدی رضا دگلم
پیمبر آلدی قیزیندان او دمده توضیحات

قیزیم نه ایستوسن علت نه دور رضا دگوسن
گلوب تکلمه عرض ایتدی اول حَمیده صِفات

نظر بابا بلوسن اُمتین شفاعتی دور
منه نه لازمه دور حُوض کُوثر و جَنات

امین وَحیّ نِزُول ایتدی الده بر طُغری
او مِهرنامه نی زهرایه ایتدی تَقدیمات

یازوب او نامه ده دادار دست قدرتیله
حبیبه دور منه زهرا شَفیعه عَرصات

قیامتین گونی زهرا اگر شفاعت ایده
بغش لرم اولی مُستوجِب بهشت عَرصات

او مِهر نامه نی بر حقه ده بتول آلدی
محافظ اولدی او طُغرایه تا واریدی حَیات

دیدی النده عم اوغلی بو حقه نی ساخلا
منیله دفن ایله من نوش ایدنده جام مَمات

دیدی ندور دیدی بو حقه مِهر نامم دور
بو دور جزاده ویرن جَدّیم اُمتینه نجات

مَطُول اولدی سوزون مختصر بیانی لیه
چتین (حسینی) تاپا خاتمه بو تالیفات

• یکشنبه
• 14
• شهریور
• 1400
• ساعت
• 14:32
• نوشته شده توسط
• یوسف اکبری

بساطِ جشن مرتب ایدوبله آلِ مَناف
قورولدی زوجهء شیر خدایه بزمِ زِفاف

زِفاف فاطمه دَه وار نچه دقیق نکات
اگر دیولمسه اولماز جَلالتی اِثبات

او وقت اوُلوب که بتولی عروس آپارسونلار
یول اوُسته دوردی دایاندی شَفیعهء عَرصات

دیدی رضا دگولم من بو مهره یا اَبتا
ولی عم اوغلوما واردور رضایتمده ثبات

اودمده نازل اولوب جبرئیل گتدی پیام
دیدی رسوله که زَهرایه ایله تبلیغات

بهشت اَثاثنی برده بو عالمین خسمسین
یازوبلا فاطمیه مهر گویده کی قُضات

بتول اولمادی راضی عُروج ایدوب جبریل
گلوب دوباره ایدوب عقل کلّه کشفِ نِکات

بهشت نهرلریندن خدا دیور دورت نَهر
بتول مهرینه آرتوردوق ای امیرِ هُدات

بو عالمین سولارینداندا یازمشوخ دوردین
بریسی بَلخ بری نَهروان و نیل و فُرات

حسین آناسینا مهریه دور فرات امّا
حسینی اُلدوره جاق تَشنه کربلاده عُدات

باخار فراته دیر العطش یانار جگری
یارالارین دان آخار قانی هر یانا چو قَنات

دیدی بَتول بو مهره گینه رضا دگلم
پوزولدی حالتی دلگیر اولدی مظهر ذات

امینِ وحی گتوردی پیامِ ربِ جلیل
بو نوع ایلدی خیرالورایه کشفیات

یِری گوئی فلکی دوزخیله جنّاتی
حق ایتدی فاطمیه مهر ای حقه مِرآت

گینه بتول دایاندی دیدی رضا دگلم
پیمبر آلدی قیزیندان او دمدَه توضیحات

قیزیم نه ایستوسن علت ندور رضا دگوسن
گلوب تکلّمه عرض ایتدی اوُل حمیده صفات

نظر بابا بلوسن اُمّتین شفاعتی دور
منه نه لازمه دور حوضِ کوثر و جَنّات

امینِ وحی نزُول ایتدی اَلده بر طُغری
او مهرنامه نی زَهرایه ایتدی تقدیمات

یازوب او نامه دَه دادار دستِ قدرتیله
حبیبه دور منه زَهرا شفیعهء عَرصات

قیامتین گونی زَهرا اگر شَفاعت ایده
بغشلرم اولی مستوجبِ بهشت عرصات

او مهرنامه نی بر حُقّه دَه بتول آلدی
محافظ اولدی او طُغرایه تا واریدی حیات

دیدی اُلنده عم اوغلی بو حُقّه نی ساخلا
منیله دفن ایله من نوش ایدنده جامِ مَمات

دیدی ندور دیدی بو حُقّه مهر نامم دور
بو دور جزاده ویرن جدّیم اُمّتینه نجات

مطول اوُلدی سوزون مُختصر بیانیلیه
چتین (حسینی) تاپا خاتمه بو تالیفات

• پنج شنبه
• 1
• مهر
• 1400
• ساعت
• 15:05
• نوشته شده توسط
• یوسف اکبری

بیر رتبه وروب خدای زهرا
تا گلسین اله رضای زهرا
مریم اونا کلفت اولماق ایستور
عیسی اوزیده گدای زهرا
باخ شأنینه خاتم النبیین
سویلوب آتاسی فدای زهرا
دوقوز ائل اولوب گوزللیگیلن
پیغمبر ایوی سرای زهرا
دوقوز ائلین ایچره چوخلار اولدی
ایلچی گله لر برای زهرا
بخت اولدوزی پارلانیر هواده
جوی بوریوب جَلای زهرا
عشقینه دچار اولان زماندا
هر کیمسه دوتور بلای زهرا
باخ عشقه علی ولی یکتا
اولدی اوزی مبتلای زهرا
دلبر دله چاتدی دلبره دل
آیریلار اولوب جِلای زهرا
ور مژده صبا جهانیانه
اولدی علی همولای زهرا
وصلت چمنینده گللر آچدی
مطرح اولونوب بهای زهرا
روح القُدُس عرش کبریادن
گلدی یره با دعای زهرا
عرض ایلدی ختم مرسلینه
در مورد ماجرای زهرا
معناده ملک بساط عقدین
اوّلدن آچوب به نای زهرا
سن شرطوی باغلا حیدریله
باغلوب قدر و قضای زهرا
زهرای علی یازلدی گویده
حیدر ده کی مرتضای زهرا

• جمعه
• 22
• مرداد
• 1400
• ساعت
• 19:06
• نوشته شده توسط
• یوسف اکبری

اسپهر ولایتین هلالی
بیر آیری ایشیق هلاله چاتدی

وحدتله دوباره وحدت اولدی
وصلت یتیشوب کماله چاتدی

مین شکر ایکی جهانه ایکی
سرور ابدی وصاله چاتدی

کوثردی بتول علی دی ساقی
عشقین گولونه پیاله چاتدی

یردن ایله بیر صدا اوجالدی
عرش حق ذوالجلاله چاتدی

سس گلدی گوگین ملکلریندن
هر جمله سی مین خیاله چاتدی

شرطی که پیمبرین دیلیندن
جاری اولوب امتثاله چاتدی

بیگانه لر اولدی محو و مأيوس
آرزولری لامحاله چاتدی

• جمعه
• 22
• مرداد
• 1400
• ساعت
• 19:10
• نوشته شده توسط
• یوسف اکبری

الله بو عروس با وفانی
حیدر ایوینه مبارک ایله
دردانهٔ ختم الانبیانی
حیدر ایوینه مبارک ایله
خیر اندیش و خیرة النسانی
حیدر ایوینه مبارک ایله
گنجینهٔ بخشش و عطانی
حیدر ایوینه مبارک ایله
سر منشأ حرمت و حیانی
حیدر ایوینه مبارک ایله
نور افکن کل کهکشانی
حیدر ایوینه مبارک ایله
حامی کتاب آسمانی
حیدر ایوینه مبارک ایله
همتلی هنرلی قهرمانی
حیدر ایوینه مبارک ایله
همفکر علی مرتضانی
حیدر ایوینه مبارک ایله
مستورهٔ مهر و مهربانی
حیدر ایوینه مبارک ایله
شه بانوی هر ایکی جهانی
حیدر ایوینه مبارک ایله
آئینهٔ عصمت خدانی
حیدر ایوینه مبارک ایله
منصوب حدیثة الکسانی
حیدر ایوینه مبارک ایله
فخر بشریت زمانی
حیدر ایوینه مبارک ایله
بانوی بهشت جاودانی
حیدر ایوینه مبارک ایله
دللرده قالبدی داستانی
حیدر ایوینه مبارک ایله

• جمعه
• 22
• مرداد
• 1400
• ساعت
• 19:11
• نوشته شده توسط
• یوسف اکبری

باخ ای گوزوم فرازیده عشقین سراجینه
عاشق لرین باشیندا اولان عشق تاجینه
مولا علی و فاطمهٔ اطهرین بو گون
تبریک یازمشام بو گوزل ازدواجینه

مولا علی که ختم رسولانه یاردی
مخلوق عالمه او خدیو افتخاردی
طاها بویوردی منبع تقوادی فاطمه
جداً عمواوعلی تحفهٔ پروردگاریدی

جبریل عرش دن گتروب بیر پیام نور
آلمشدی دوره سین ملک و بی شمار حور
تزویج حکمنی منه تقدیم ایدوب ددی
خلاق او حکم عقدی اوزی ایلیوب صدور

روح الامین وردی خبر بو قضیه نی
مأمور ایدوبدی حضرت رب الاحد منی
تزویج ایلورم سنه زهرانی یا علی
دریای عشقه وار نظریم غرق ایدم سنی

سرتاسر جهاندا سنه گورمدیم مثال
سن سن فراز عشقیده روشن ترین هلال
بیر لحظه وصلتون کیمه توش اولسا یا علی
مینلر ائل اوندا گورسنجاق عزت و جلال

احسن سنه که با شرف و با قارسن
آئينهٔ صفات حق کردگارسن
عشقین کمندینه سنی زهرا سالب غرض
صیاد روزگارسن اما شکارسن

خلق ایلیوبدی خالق هفت آسمان سیزی
بیر روح و بیر روان سیزی اوچ جسمه جان سیزی
زهرا سبب دی خلقته سن محور ای صبا
عالم فنادی حق یارادیب جاودان سیزی

• یکشنبه
• 24
• مرداد
• 1400
• ساعت
• 18:08
• نوشته شده توسط
• یوسف اکبری

برج هدایتین ایشیق مشعلی
محضر پیغمبره گلدی علی

امیرالمؤمنین ، میداندا صفدر
آدی علـی اولان عالمه سرور

معرفت ایله اَئیله ییب بیر سلام
وئردی گؤزل علیک ، خیرالانام

باخدی گولر اوزیله بیر حیدره
اذن وئردی اگلشه تا کی یئره

بویوروب دور رحمه للعالمین
عرض حالین دئه منه دوتما چتین

عرض ائدیب مؤلا علی ، پیغمبره
گلمیشم زهرادن اؤتری بو دره

ائتدی فرمایش کی یؤخ سؤزوم علی
راضی یم من گر دییه زهرا بلی

گلدی حضورینه زهرانون ، نبی
تا ائلیکی بیر بیره دئیدی لبی

آنلاییب بیلدی ندور امر رسول
آتا قلبین تئز اله گتدی بطول

ودیعه ی پیمبر امیندی
سیِّده النِّساء العالمیندی

گؤیول وئردی مؤلای بی نظیره
شخصیّت مراسمِ غدیره

وئردی خبر پیمبر ، ای مرتضا
اولما ، غمین ، فاطمه اولدو رضا

شکر ائدیب دی آللاها بو مطلبه
قسمتیم اولدو اؤل علیا مرتبه

مدینه ده تاپدی بو سؤز چؤخ رواج
فاطمه ائیلور علی له ازدواج

گون اؤ گوندور فاطمه اولدو عروس
حوریلرده بو عروسه پای بوس

فاطمه ، نه فاطمه ، نور فلک
افتخار ائیلور اونا حور و ملک

اؤل فاطمه کی قرآندا کوثردی
جزا گونی شفیعه ی محشردی

آغلاتدی نیسگیل لری پیغمبری
کی حیف اولسون یؤخ زهرانین مادری

بوندان بئله غصّه ائدر مرضیّه
یؤخ آنا حاضر ائده جـهـیـزیـه

ناقه اوستونده عروس دوشدو یؤلا
دؤلو گؤزلر ایله باخیب ساغ ، سؤلا

گؤردو یؤخ نه آناسی نه قارداشی
آخدی مروارید تک یوزه گؤز یاشی

نئجه کی غریبانه عروس گئتدی
قبرینه ده آدامسیز مایوس گئتدی

آخار یوزه بو (نالانین) گؤز یاشی
یانمازدی قاپیسی اولسئیدی قارداشی

• یکشنبه
• 15
• مرداد
• 1402
• ساعت
• 15:23
• نوشته شده توسط
• یوسف اکبری