قانه باتیب کوفه ده مسلمون بالالاری
تازه لنیب شیعه نین قلبده یارالاری
.
حارثین . ظلمینه . یاندی داشلار آغلادی
نهرده . جسملر . یئرده باشلار آغلادی
.
.
.
.
ظلم ایلمز میزبان ائوده ئوز قوناقینه
عزتیلن ساخلیار گل سپر ایاقینه
نیلمیشدی حارثه نور دیده لر مگر
ال آپاریب غیضیلن خنجرین سراغینه
.
گللرین . پیکری . باد غصه دن اسوب
هم بویوک . هم کیچیک . قاداشین باشین کسوب
.
.
.
.
صبح بلا قبلیه قیلدیلار نمازلارین
تا که بیان ائتدیلر خالقه نیازلارین
پیک اجل باشلاری اوسته سالدی سایه سین
رحم ائتمیوب گوللره کسدی گل بوغازلارین
.
گل عمو . یا حسین . سسلدی دوداقلاری
باغریقان . وئردی جان . حارثین قوناقلاری
.
.
.
.
ائتدی جفا بی حیا سیم و زر هواسینه
تیشه ووروب عاقبت حرمتین بناسینه
باشلارینی ذبح ائدیب تا مقامه ال تاپا
دوباره دن داغ چکیب مسلمون یاراسینه
.
گؤرسه کوینک لرین . گؤر آناسی نیلیر
باش آچوب . آغلیار . دیلده وای اوغول دییر
.
.
- سه شنبه
- 1
- مرداد
- 1398
- ساعت
- 11:47
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه